2015年2月24日星期二

▌醫美 ▌效果好滿意 ♥ 1550 分段激光換膚初試...*

近期覺得色斑又開始生返少少的述象, 一直好想打斑, 因為早兩年打完斑皮膚真係乾淨好多!!
呢一次就黎到油麻地 PhotoCure 醫學皮膚護理中心 睇睇皮膚狀況適唔適合打斑~





中心細細都有皮膚科醫生座鎮, 去到當日由於我剛做了果酸treatment不久, 所以只係黎做皮膚分析+consultation, 而且會用皮膚分析儀睇睇我的皮膚底層有咩問題!!
Dr.Fung 指出我有輕微暗瘡問題可以用外塗藥物解決, 不過毛孔和缺水問題就比色斑問題嚴重, 所以就建議我打1550 分段激光換膚!!





1550分段激光換膚療程能有效解決皮膚鬆弛, 細紋,乾紋,毛孔粗大,暗瘡印,凹凸洞及妊娠紋等問題。,令皮膚回復緊緻、白晢及光滑。而且由于它是非剝落性的激光,所以用於臉部甚至眼周皺紋的治療都是非常安全。

能穿透至皮膚以下2mm的真皮層, 療程透過微細激光的刺激, 跟皮膚中的水分產生熱效應引起膠原纖維收縮, 引發啟動皮膚的自我修復機制, 產生大量新生膠原蛋白, 有效刺激骨膠原自行增生。



了解完
1550分段激光換膚療程, 事隔兩星期我就來進行療程了!!!!
療程房間夠大亦夠光猛, 感覺不錯。
我好耐未做過要麻醉的醫美喇, 好緊張!!! 因為塗麻膏就代表療程期間會痛~雖然不是第一次了, 還是有點緊張....
(圖片較多所以我skip掉卸妝洗面的步驟喇!)


麻膏要在臉上停留大概30-45分鐘, 在這期間我入睡了~房間沒有很冷, 這一點很不錯, 有些美容院會冷到受不了~敷完之後臉的肌肉會呈現緊繃的狀態, 會有頭重重的錯覺。


全臉的治療時間約需20-30分鐘, 治療師會先打一邊面再打另一邊面。
痛感無想像中勁喎, 有少少吱吱聲, 比打斑的感覺強, 卻又無以前打Fraxel 咁痛,
不過鼻樑、人中、近髮際的感覺會比較強烈, 而我就認為係熱多過痛!



始終係激光療程, 所以激光走過的地方都會變得通紅!
下巴原本有幾粒痘痘, 治療師都照打, 不過以我感覺, 激光無停留咁耐~


原本expect 會有個gel狀厚厚的水份mask降溫, 但唔係xd
治療師話呢個mask 可以令我之後更加白淨~


敷完mask都仲係好紅, ,要戴返個口罩返家!
治療師話呢幾日可能仍然會有輕微紅腫和泛紅, 持續幾耐就因人而異, 一般24小時內都會退~
而療程後皮膚的吸收力會大大增加, 所以要勤力補水再補水, 果酸 / 美白等比較刺激的都先停止。



返到屋企即刻用治療師給我的 vitamin b3 mask, 勁水潤!
敷完之後退紅不少!
接著幾日我晚晚都有敷 Peterthomasroth 青瓜mask, 再隨心敷一片補水paper mask先覺得夠!!
呢罐mask降紅舒緩真係一流!



我d皮膚屬於易紅的類型, 頭3日因為皮膚好乾, 上妝都唔貼, 所以無化妝返工, 就戴住口罩!
第3日開始皮膚就有少少鞋恰恰的感覺, 近看會睇到皮膚有一格格的紋理~但幸好沒有甩皮!
大概過左5日皮膚就完全唔紅喇~



療程後個多星期已經見到皮膚慢慢好轉, 醫生說一個月左右皮膚就會完成更新期, 效果會最好!


上圖是療程後十日的對比,
毛孔: 鼻子的毛孔未見有明顯改善, 但鼻旁(眼底)的毛孔明顯有收細!
下巴: 紅印有明顯改善!!! 本身有幾粒谷緊, 準備冒石頭瘡都慢慢消失, 呢一點是意想不到的收獲!
整體: 我覺得整得膚色有白淨左!!


其實每次療程都只係會改善10-15% 的皮膚, 所以建議連續6個療程, 每次間隔4- 6星期,(實際需視個別情況並由醫生建議) 就可以有更明顯的改善! 雖然復原期比較長而且期間要忍受幾天樣衰衰又乾爆的日子, 不過我覺得是值得的!!



PhotoCure
地址:九龍油麻地彌敦道525號118號室

電話:2780-1100

官網:http://photocure.hk/


沒有留言:

發佈留言

▌保養 ▌卸妝都要講究 ♥ Brichrose+Co 潔顏油...*

近年迷上香薰精油, 尤其以花果味和木香為主,  所以不管是facial treatment還是護膚產品, 如果帶有喜愛的 香薰精油的味道就抗拒不了! Vegan Concept 是一個注重素食主義的天然護膚品網店, 所有產品都不會利用動物測試。 未用過 Vegan ...