2019年11月9日星期六

▌妝物 ▌近期最愛 ! ♥ Lancôme Blanc Expert Cushion Urban Duo Palette...*

天氣開始涼真係可喜可賀!
而連帶後果就係又唔願起身, 唔化妝周身唔眾財的我表示因此氣墊粉底仍然係我心中最愛!



近期收到 Lancôme Blanc Expert 系列兩款升級版氣墊粉底,
唔試猶至可, 一試係難以自拔, 相信試過的朋友仔唔會否認, 無論係透薄度、遮瑕度、持久度都好出色呀!
以前歐美品牌d氣墊粉底得個薄字, 但呢兩年一直進步, 韓牌果種死白又厚身又油膩的質感已經輸晒。


兩款升級版氣墊粉底分別係:
上: Lancôme Blanc Expert Cushion 升級版瞬白亮肌氣墊粉底 HK$290 (限量版粉盒 HK$100)
下: Lancôme Blanc Expert Cushion Urban Duo Palette 升級版瞬白亮肌雙效遮瑕氣墊粉底組合 HK$435 






吸引我眼球的一定係大大個白色盒的 Urban Duo Palette!!




簡約的經典玫瑰配白色盒面, 加埋稍大的盒size其實內有乾坤。



就係遮瑕霜+氣墊粉底的二合一粉盒!!!
講真, 點解咁耐先有品牌將兩者二合為一呢? 對於要拎出去補妝或者旅行都簡直係方便到極點呀!!

你可能會問: 咁我咪又係要帶枝遮瑕掃?!
No worry, 全新雙面粉撲設計如水滴, 分兩種不同質地,
Ruby-cell的一面供抹上粉底液, 尖頭絨面則為黑眼圈細緻遮瑕, 可以發揮Blanc Expert Cushion Urban Duo Palette的功效。



我用的是BO-01 色, 試上面時覺得顏色偏白, 但完妝後又覺得OK喎, 用後面同頸的膚色一致。



薄薄一層已經可以令我整體膚色變得均勻, 鼻旁紅印及鼻翼粒痘痘都9成遮蓋!!!!
唯一美中不足的是如果要重點遮痘痘的話, 都係用遮瑕掃再細緻d!
粉底配合SPF-36防曬功效, 都OK啦, 反正我會先搽粉曬再上粉。



玫瑰金+水滴+經典玫瑰花圖案好優雅! 唯一缺點就是太難拍照了haha~~~



粉底含保濕成份, 呢種天氣用都唔會起乾紋或者甩皮!
同樣亦有天然親膚配方蘊含抗污染及抗氧化成分, 配合SPF-36防曬功效。



呢款我用O-01色, 個人認為都幾夾我膚色!!
相比頭先的 Urban Duo Palette, 呢款明顯有更高保濕度, 搽上面有光澤感, Urban Duo Palette就帶少少matte感。



遮瑕度滿意, 透薄度我比100分!
兩款粉底我都分別用左幾日, 上妝時就算重覆按壓都唔會有厚重感,
另外覺得除左夠保濕度之外, 持久度都好令人滿意! 唔使再補妝都Keep到放工。
黎緊旅行都打算揀一款拎去用架喇!!!



有興趣可到各Lancome專門店和美容專櫃試試!
Website : www.lancome.com.hk
Facebook : www.facebook.com/lancomehk

2019年11月4日星期一

▌日常 ▌Sudio Tolv 真無線耳機 ♥ 電池續航力up…!

一直都有用開Sudio 的藍芽耳機,最愛用的仍然是2年前的Sudio Tre, 到而家仲係咁乾淨好用!!
而家仲推出了新款的真無線藍芽耳機 Sudio Tolv 😍
體積比上一代更的骰,但功能就愈出愈好。



其實我一直都無用完全無線的藍芽耳機….因為我覺得成日唔記得叉電好麻煩, 同埋好驚跑步會跌出黎呀!
今次可以話係我的無線藍芽耳機初體驗!



Sudio Tolv 採用石墨烯驅動, 據說擁有優良的導電性能, 令聲音更加能夠注重細節, 讓音色品質更乾淨
我對耳機要求一向很簡單, 聲音夠清晰, 通話時能阻隔旁邊雜音就可以了
而Sudio Tolv 係OK的!
另外藍牙版本已經升級到最新5.0, 兩隻耳機各自配有麥克風, 通話有立體音效feel。



最重要的是, 外形仍然keep住走瑞典簡約風, 霧面質感+皮繩的配搭不愧是網紅最愛!



Tolv單邊耳機重4.5g, 而可攜式充電盒只係重 40g 真係超輕身! 放入細手袋都唔會好阻位。
今次5個顏色除左黑白粉之外仲有勁girly的Pastel blue 同埋好少見的墨綠色!



Tolv 總共提供四組大小不同耳塞, 可以按自己需要更換。



而今次系列最令人雀躍的是大大升級的待機時間
單次充電播放由上一代的5.5小時升級至7小時,
而隨附的充電盒提供額外充電由上一代的3次增加到4次,總播放時間由上一代的22小時增加35小時!
充電盒為耳機充電時, 紅燈會亮著直到充電完畢。
另外亦配快速充電, 只要充電 10 分鐘可提供 1 小時音樂播放
能夠再用久一點才充電真的是福音呀!!!



只要配對過一次, 之後先打開手機藍芽, 再從充電盒中取出耳機, 便會自動開機並連接至手機, 好方便。
用完之後放返入盒, 10分鐘就會自己熄機, 當然手動亦可。
而耳機亦使用單一按鈕多功能, 包含:開關機、接聽掛斷、拒接來電、音樂播放與暫停。



我耳仔細, 覺得耳機如果再細隻d就完美喇!!!
但係pastel blue 真係好少女好正



唔係好識評論d耳機音色就唔獻醜喇
日常使用就相當滿意, 至少聽歌聽電話都清晰, 有時睇片中途暫定再play就會有1秒左右延遲, 都可以接受。
最滿意係佢真係夠輕巧, 跑步做運動完全唔會覺得有舊野un住耳仔, 無線真係方便d, 抹汗都唔會阻頭阻勢。
溫馨提示: 購買後3個月內記得去Sudio官方網站Sphere頁面註冊,耳機保固期可以延長到18個月!
使用折扣代碼  winwinblog 仲可享全館商品85折優惠!
Sudio 香港官網:https://www.sudio.com/hk/earphones 

2019年10月21日星期一

▌懶人福音 ▌BTL EMSCULPT ♥ 增肌減脂雙管齊下...!

正所謂減肥係女士終身事業
自從舊年成功減左少少, 但一到冬天就失守,
呢大半年以黎驚覺自己肥左好多,肚腩同手臂都好明顯變大變粗....
雖然已經好乖咁每個星期去做一次帶氧, 一次跳舞, 一堂HIIT, 但都追唔上脂肪的增長速度,全身都鬆泡泡 XD
搞到今年夏天唔係好敢著背心呀.....
相信大家都明白磅數唔代表一切, 最緊要係身形夠FIT & FIRM, 想睇落firm d, 一定要增加肌肉同減脂, 咁先可以提高代謝率, 令脂肪更加容易消耗!
我就好懶一星期做唔夠3日運動, 但應該有好多人真係好忙(或者好懶) 去抽時間做運動有咩方法可以幫到手呢...



聽聞 BTL 的 EMSCULPT 係FDA認證全球唯一增肌減脂療程, 可以唔洗出汗, 瞓喺度都有做完大量運動既增肌減脂效果!

佢係透過專利 HIFEMᵀᴹ 技術, 直接刺激運動神經元, 觸發肌肉持續收縮達至極限肌肉鍛煉, 30 分鐘 = 20,000 次肌肉鍛煉, 令肌肉對能量的需求增加, 脂肪細胞釋出脂肪酸, 提供能量被肌肉燃燒, 縮小脂肪細胞體積, 誘發脂肪細胞凋亡, 脂肪細胞數量就隨之減少啦, 真正做到增肌同時減脂。2星期做 4次, 即可增肌 16%, 同時減脂 19%, FIT足1年。

簡單黎講, 坊間其他減脂療程, 有D係熱機或冷凍溶脂, 雖然熱機可以縮細脂肪細胞體積, 但因為未能真正減走脂肪細胞, 所以有可能會因為個人飲食吸收多咗而變返大!

無論熱機定冷凍溶脂都唔可以完全燃燒脂肪酸, 要靠自己身體自然代謝, 未被燃燒的脂肪酸有機會重新儲存喺其他身體部位! 變相即係冇減過架!
EMSCULPT就可以減少脂肪細胞數量, 同時又訓練肌肉線條!



療程前首先做 Tanita 測量身體組成分析 (包括水份、脂肪、內臟脂肪、肌肉、骨骼)及其重量﹑分佈及比例。



EMSCULPT 機頭好似一部熨斗咁, 固定在需要修身的部位, 然後就可以開始喇!
療程唔係入侵性, 只需將機頭平放肚上, 過程完全唔痛, 只會感覺到有HIFEMTM能量高頻咁收縮不停震, 會feel到吉吉地, 好似有少少扯起d肌肉咁! 深層CORE肌肉都好用力咁做緊運動既感覺, 一開始要少少時間習慣, 但之後慣左就ok, 只要配合呼吸仲可以一路玩手機輕輕鬆鬆30分鐘。



療程期間治療師只需要調好強度, 之後就不需人手操作或者監察,可以好好輕鬆半小時。




暫時EMSCULPT 可做部位係手臂 /腰腹 /臀部/大腿
除左腹部, 我仲做左手臂!





手臂就比較快, 20分鐘就搞掂!
手臂療程期間因為HIFEMTM能量會傳送到手臂至手指, 除左二頭肌同三頭肌會抽動之外, 手指都會不自覺地郁, 玩手機就難d喇哈哈~




2星期完成4次療程, 每次花1.5小時左右就一次過做完手臂同腰腹, 不知不覺好快完!
每次做完療程, 肌肉感覺都會有dd酸軟, 有少少似做完運動咁, 不過因為我平時都有做下運動, 所以感覺算輕微~
做完唔會起瘀, 亦無紅腫, (之前有做過冷凍溶脂, 但過程好凍好痺, 做完會起瘀同紅腫) 反而BTL EMSCULPT增肌減脂完全無需復原期, 比起做冷凍溶脂輕鬆方便得多!



曾經以無肚腩為傲的我呢2年都已經失守 XD
但係2星期4次療程之後, 同樣係空肚狀態影, 都幾明顯結實左同firm左!!



再睇埋手臂先!



望落無腰腹咁明顯呢! 教練真係講得無錯, 手臂真係最難減的部位黎架!但摸落都feel到手臂有FIRM到, 冇以前咁鬆架!
而家有番自信著返背心出街! 做運動跳舞時都可以著sports bra top 啦!






聽聞產後媽媽都可以接受EMSCULPT 增肌減脂收緊腹部線條, 改善腹直肌分離症狀16.6%,所以都有好多媽媽去做呢個療程架!
我呢就唔奢求有咩人魚線同馬甲線, 無肚腩FIRM D都好好喇~~~~其實講到尾最緊要係肌肉緊緻d, 線條firm d, 有肌肉撐住身形就會更加好睇, 身體有多D肌肉仲可以加快燃脂速度添架! 我都要繼續努力!
如果想查詢價錢或預約療程可以去呢個網站 http://bit.ly/2VBuTx5 查閱BTL認可嘅療程中心, 提交資料後你揀嘅中心職員就會聯絡你~
#BTL #EMSCULPT #增肌減脂 #全球唯一HIFEM技術 #20000次肌肉鍛煉 #Fit足1年





2019年9月8日星期日

▌保養 ▌亮白、水潤、光澤各展所長 ♥ TTMask 精萃黑面膜系列...*

以前每次去台灣都會睇下有冇新款mask, 其中 TT Mask 一定o係名單當中!
而家就唔使喇! 香港引入台灣品牌的面膜愈來愈快,  去到台灣都唔會點買mask, 最多都係睇下會唔會再平少少 XD



今次 TT mask 的精萃黑面膜系列香港都有得買喇!



呢個系列推出左3款不同功效的面膜, 包括:
(左): 白金玻尿酸水感黑面膜
(中): 黑珍珠亮透靚白黑面膜
(右): 金箔煥齡奢寵黑面膜





白金玻尿酸水感黑面膜 
白金萃取具有高度抗氧功效, 能防止肌膚老化, 預防皺紋及鬆弛形成, 全效對抗肌膚初老問題。
成份方面亦添加強效補濕成分玻尿酸精華, 小分子 x 高濃度配方能深層補水長效保濕, 維持肌膚高含水量
另外亦有神經醯胺同步活化修復, 改善乾燥脫屑。





黑珍珠亮透靚白黑面膜
萃取來自大海的黑珍珠精華, 富含天然礦物質及胺基酸 , 可以舒緩肌膚因環境及生活壓力下累積的疲倦黯沉, 賦予飽滿神采。
成份亦配合多重植萃精華, 包括牡丹花、熊果素及百里香, 可以掃走暗沉膚色, 昇華肌膚防禦能力, 煥發透亮凝白光澤。





金箔煥齡奢寵黑面膜 
添加 24K 高純度金箔, 顯注活化及預防肌膚衰老, 躍動肌膚細胞彈性, 重喚嫩肌年輕彈力。
成份當中的水仙萃取及四胜肽可以深層保濕、緊實肌膚並恢復肌膚彈力, 呈現飽滿光澤。



黑面膜以活性炭纖維及水針布織製而成,
活性炭能淨化毛孔並幫助肌膚吸收, 敷臉同時更有效吸附多餘油脂, 讓毛孔暢通。



唔知點解係黑面膜先可以做到呢個質感.....
水針布柔軟貼服的質感 ,可以緊緊貼臉部線條, 延展性非常滿意! 惟獨是鼻子部份唔夠長~~~
三款面膜我都急不及待試過, 當中比較喜歡 白金玻尿酸水感黑面膜 黑珍珠亮透靚白黑面膜 !!

白金玻尿酸水感黑面膜 用後對比:



可以見到本身有d敏感.......敷完之後有少許鎮靜作用, 泛紅部位有改善。



水份提升亦滿意!

黑珍珠亮透靚白黑面膜 用後對比:



影相可能唔係好明顯, 仲有少少光暗差
但我覺得去暗啞的效果真係唔錯!




論補濕就唔夠白金玻尿酸明顯了~~~



而家全線 Colourmix 卡萊美 獨家發售!
www.colourmix-cosmetics.com

2019年8月28日星期三

▌保養 ▌美味低卡膠原蛋白飲 ♥ 飲出緊緻水亮…*

自從過左30歲, 雖然唔想承認, 但真係明顯見到自己皮膚彈性和光澤度比以前真係差左,
而且好容易因為唔夠瞓、食左d立雜野就會即刻反映o係皮膚上面,
明知自己唔會因為咁就乖乖地好早瞓覺, 有時都要靠其他野幫幫手 :)
除左飲多d水, 做多d運動之外, 我仲搵過佢幫手~



就係 LANEIGE Collagen Drink 抗氧膠原飲!
其實由2013年已經有飲過, 由玻璃樽飲到膠樽左,  雖然無咁環保, 但係真係方便左好多呀!



皮膚之所以會衰老, 其實都係因為支撐着皮膚的膠原蛋白會隨年齡增長慢慢加快流失。
除左唔好的生活和飲食習慣之外, 日常壓力或者紫外線、極端天氣等等都會令皮膚加快衰老, 又有細紋、又缺水乾燥、無乜光澤感....
所以都唔難明白點解去到輕熟肌齡的女士成日都將「要補充膠原」掛在嘴邊喇~~~



而LANEIGE Collagen Drink 抗氧膠原飲就可以輕輕鬆鬆幫手補充膠原同時抗氧化!



LANEIGE Collagen Drink 萃取自魚類優質膠原蛋白, 微分子量更易滲透肌底。
除左 5000mg膠原蛋白之外, 成份中亦含有高效抗氧綠茶精華可以高效抗氧,
而西西里紅橙蘊含高效抗氧化維他命C,
雙管齊下就可以補充膠原, 同時抗氧化。



每晚飲一枝, 我多數睡前飲 ,味道唔會好似坊間膠原蛋白粉咁有陣腥味,
而係酸酸甜甜石榴味, 好飲!!
每枝只有35卡, 糖份亦好低, 睡前飲都唔怕肥~



每次飲我都覺得睡眠質素會變好!



今次呢一pack我連去旅行都會帶去, 務求每日都飲到~



有時會唔記得飲, 所以我會擺定d o係公司, 前一晚唔記得飲的話, 第2朝都可以即刻飲返 XD





飲晒一盒30枝, 覺得最明顯係皮膚光澤感同埋粗糙感有明顯改善。
由5月尾皮膚明顯好暗啞, 到6月中明顯見到素顏都帶光澤感!
然後到7月頭覺得皮膚比之前細緻。



而我覺得最近化妝只係用好薄的粉底已經搞掂,
亦少左卡粉或者浮粉的問題, 上妝後妝感都比較貼服, 相信係皮膚水份度都有改善的關係!



當然, 要皮膚愈來愈好, 淨係靠飲Collagen Drink 一定無可能啦!
不過唔係每一個忙碌的都市女性都可以有好規律的生活和飲食習慣, 又未必有時間做好多運動,
所以飲用 Collagen Drink 就可以偷偷地幫下手!


! 獨家優惠 !
凡首次於門市購買LANEIGE Collagen Drink, 即可獲贈LANEIGE $100現金券。
另外, 更可網上登記免費膠原抗氧力測試 ( https://bit.ly/2Wmc7wy ), 了解肌膚狀況, 完成會額外獲贈體驗裝!
LANEIGE抗氧膠原飲Collagen Drink $930/每盒30支
詳情可瀏覽 (https://bit.ly/2KwxV1M )了解更多!

▌妝物 ▌近期最愛 ! ♥ Lancôme Blanc Expert Cushion Urban Duo Palette...*

天氣開始涼真係可喜可賀! 而連帶後果就係又唔願起身, 唔化妝周身唔眾財的我表示因此氣墊粉底仍然係我心中最愛! 近期收到 Lancôme Blanc Expert 系列兩款升級版氣墊粉底, 唔試猶至可, 一試係難以自拔, 相信試過的朋友仔唔會否認, 無論係透薄度、遮瑕度...