2017年4月29日星期六

▌妝文 ▌首次接觸大驚喜 ♥ 20周年 RMK 新造型登場...*

講到 RMK 呢個品牌應該無人唔識, 但係化妝年期長達10年的我, 竟然都未用過 RMK 的產品!!!
咁耐以黎只係試過sample ja......一直只係聽人講好好用, 今次終於有緣試到!!



雖然我未用過 RMK 產品, 但見就一定見過! 呢個新包裝係為左配合 RMK 20周年設計架!
雖然仲係保留銀色為主的包裝, 但大大個絲帶設計的 R 字比以前更加簡約~


而容器都有少少微調, 改為方角設計, 保留銀色 RMK 字樣~睇起黎更加俐落, 仲更加時尚!
今次試用就係呢兩枝產品喇~佢地分別係:
(左) RMK Creamy Polished Base N 柔滑底霜 SPF14 PA++ ($320/30g)
(右) RMK Creamy Foundation N 盈潤極緻粉底霜 SPF28 PA++ ($480/30g)


首先講下枝base啦!
雖然只係make up base但居然有3色可選! 呢枝係00號無色, 另外仲有01 同02 膚色可以揀。

佢唔係以防曬做主打, 而係以「修飾毛孔及凹凸皮膚問題」為主的底霜~
而且含有透明質酸和蜂皇漿精華等保濕成分, 可以上妝前幫皮膚做多一重保濕!


霜狀質地延伸性良好, 推開覺得好水潤! 即時做個水份測試, 搽完竟然有50%水份都算係好驚喜!


用手指推勻之後皮膚係真係有blur左少少的效果, 搽左表面係會滑d架! 尤其鼻的毛孔會修飾都相當理想。


跟住就可以上粉底喇!


霜狀粉底普遍coverage都會比較好, 但同時都少不免會厚身少少, 但係呢枝雖然coverage高但完全唔厚!!!!!!


RMK Creamy Foundation N 盈潤極緻粉底霜 總共有7色可以揀, 我手上係102, 非常適合我。

 

成份方面佢蘊含摩洛哥堅果油及乳木果油等高效植物性保濕成分, 用完真係唔會覺得好乾的!
另外就係佢用左獨特的Stretch Film成分, 能緊致及提升輪廓, 覆蓋幼紋, 呢一點又幾得意喎~~~~


唯一美中不足的係呢枝仲未轉泵裝呀呀呀呀呀呀.......雖然有附小棒幫忙取用但說到衛生方便當然非泵裝莫屬。


試上手已經見到佢真係一d都唔厚, 好貼薄!!!!


將粉底點開再用粉卜輕輕推勻, 右圖薄薄一層已經遮到9成瑕疵!!!!
成塊面膚色均勻左, 泛紅都遮得好好, 仲帶少少光澤感~


痘痘印的位置再重點輕輕印多少少粉底就搞掂!
唔乾之餘仲好貼薄, 呢種效果有呢個遮瑕度我真心覺得驚喜呀~~~


兩者加埋令到個妝好貼好long last, 泛油情況有明顯改善, 
下巴痘痘位同鼻翼位到收工都未見有明顯脫妝~整體黎講真係好滿意呀!
第一次接觸 RMK 妝品就有非常好的使用體驗, 係幸福o既!
呢個夏天靠你地喇!!!!



RMK 專門店: 銅鑼灣時代廣場、鑽石山荷里活廣場
RMK 專櫃: 崇光百貨(銅鑼灣、尖沙咀)、FACESSS、旺角朗豪坊 Beauty Avenue、一田百貨(沙田)
查詢電話: 2865 0941

2017年4月26日星期三

▌保養 ▌狂流汗都唔怕 ! SHISEIDO HydroFresh 防曬有方 ...*

講到防曬其實點止夏天先要用, 基本上冬天又好落雨陰天又好, 紫外線都係無處不在無孔不入, 
即使我已經每天搽防曬, 經過去年日日行經太陽強攻還是不爭氣長了斑的我, 也深深感受到 #強效防曬的重要性 。


有時我都會問自己, 點解搽左防曬都會有斑, 
思前想後除左偷懶無補防曬之外 (因為用上50度防曬明明已經可以撐上500分鐘了的說)
諗諗下最大機會因為自己成日流汗, 印走面上汗水的時候根本已經把防曬都印走不少, 何來保護皮膚呢?
諗到呢一點之後都突然明白到點解夏天會比冬天容易長斑了, 也解釋了為什麼夏天來臨才會紛紛大推美白防曬產品了!!


咁有冇d防曬係流汗都唔怕呢? 答案係有架!
我手上呢枝 SHISEIDO Perfect UV Protector HydroFresh SPF50+ PA++++ (HK$340 / 50ml)
就係用左獨有 
WetForce防曬技術, 他的防曬保護層在沾水後會變得更堅固!
一般防曬產品在出汗或遇水後便會脫落, 呢個技術可以與水分及汗水中的離子結合, 甚至可以話在出汗後能發揮更強效的防曬保護!


除左剛才提到的 Wetforce 技術, 呢枝防曬乳仲應用以下兩種技術:

SuperVeil-UV 360™ - 塗抹後形成紫外線防禦膜層, 緊貼微細肌理, 全方位隔絕紫外線。
Profence CEL™ - 產品能預防環境傷害, 防止皺紋及色斑形成的高效複合物成分。
最值得一提的是有d防曬產品係用「油包水乳化配方」, 所以一遇水就會泛白、黏笠, 
就算用「水包油乳化配方」的產品, 亦有部份會因為過份水感清爽, 一遇汗和水就脫落。

但係呢枝防曬乳的 「HydroFresh全新水包油乳化防曬配方」, 就揉合多種成分, 於塗抹肌膚後形成特殊網絡, 確保防曬成分不被水分或汗水沖走, 即使是水感基底配方也能高度貼服, 提升整體防曬效果。


近年防曬產品愈出愈好喇! 基本上都好少再遇到搽上皮膚又泛白又鞋恰恰的防曬喇~
呢枝SHISEIDO Perfect UV Protector HydroFresh SPF50+ PA++++都唔例外, 
易推勻之餘仲比想像中清爽得多!!


用手搽勻之後, 手指都唔會覺得黏笠, 有驚喜。


呢枝防曬乳係無任何遮瑕度的, 但係搽完會有少少光澤感, 睇落精神左, 個人認為連鼻毛孔都有少少修飾到!
當係make up base黎用完全合格有餘, 夏天真係唔想搽太多層喇~ (但係屋企d base又再一等再等, 到底幾時先用得晒XD)
佢話遇汗遇水都唔怕, 落街做運動梗要用啦~ 搽完防曬, 撲返碎粉就係一條好漢。
同系列 SHISEIDO 仲推出左有三個色系可選的
運動專用BB霜, 真係好吸引!!!!!!!!!!!!


返工出街當Base用, 跟住再化妝, 又可以輕鬆出門~


最後附上用前用後的水油測試比大家參考一下~
水份和油份都有提升, 用完唔會乾爭爭鞋恰恰架!

2017年4月23日星期日

▌保養 ▌懶人福音 ♥ SK-II輕透光感鑽白CC霜...*

呢5, 6年, 基本上唔係天氣提醒我夏天已到, 
而係各式各樣新推出的美白產品, 提醒我係時候要將秋冬Skincare換走喇!



咪睇我一身初秋打扮, 其實SK-II已經o係早前推出以「輕透防護 X 光透美白」為主題的美白產品了!


大家又估唔估到圖中邊枝係新產品呢?


無錯就係佢地喇!
SK-II 輕透多效防護乳 SPF30 /PA+++ (HK$530/30g) 
SK-II 輕透光感鑽白 CC 霜 SPF50/PA+++ (
HK$570/30g )

全新 Atmosphere 系列除了 SK-II 皇牌成分 Pitera™, 還結合了仙人掌萃取及日本杏精萃等, 在肌膚上形成輕透天然保護罩,質感輕盈無負擔, 阻隔環境中的污染、杜絕紫外線和紅外線引起的老化跡象, 令肌膚保持淨白光澤。

未認真研究新產品之前, 就黎睇睇 SK-II 為我們示範的小實驗啦~

兩杯彩珠中, 一杯塗上了輕透多效防護乳, 另一邊則沒有。用UV燈照射下, 塗上了防護乳的那邊阻隔了光線到達顏色珠, 而沒塗上的那邊, 光線就直接射到底層。

另一個類似的實驗也是用上紅外線光線作測試, 左邊塗上輕透多效防護乳的彩珠能夠阻隔紅外線, 沒有塗的加邊就看見紅外線穿透了彩珠。


你以為只有光線可以令皮膚變黃變黑? 其實空氣污染都會!
呢個實驗就用化妝棉及蚊香模仿皮膚在混濁空氣下, 沒有塗上輕透多效防護乳的化妝棉變得又黃又黑......


最後就在model臉上一邊塗上輕透多效防護乳, 另一邊塗上其他牌子的防曬乳, 等待15分鐘後將電話放近臉龐作測試。結果塗上輕透多效防護乳的臉接觸手機時, 螢幕只有少量油光, 另一邊則.............証明輕透多效防護乳清爽不黏笠!


我都唔執輸,黎到梗係要做個Magic Ring Test 睇睇最近皮請狀況啦!
我的問題正正就係底層好多隱藏色斑! 其實表層都已經開始多喇, 雖然肌齡好好彩仲比實際年齡細6年, 但係都仲要好努力先可以keep住!


如果比心機跟足呢4個step黎護膚, 相信假以時日皮膚一定會愈來愈好架!


event完左我地仲拎左兩枝產品返屋企試真d!

SK-II GenOptics Aura Essence 肌源鑽光精華 (HK$990/30ml)
蘊含 Pixel white™ (超解析光感鑽白因子)、De-melano P3C (葵醯胺)、 UME Extract (日本杏萃取物)、Concentrated PITERA™ (濃縮 PITERA™)、 及成份 Prunus Extract (美國奇蹟西梅複合物)和 Inositol (肌醇), 有助改善皮膚問題引致而缺乏的鑽光及淨白, 擊退色班及紫外線造成的黑色素, 令肌膚從此容光喚發。只需八星期, 明顯改善肌膚暗啞位置 ,同時提高阻黑體數量, 從而提高肌膚清晰度, 深層淨斑。

呢枝之前已經試過, 有興趣可以睇返我的試後感:

▐ 保養▐ 一個月肌齡減 5歲? ♥ SK-II GenOptics 新品試後感...*http://theztyle.com/home.php?mod=space&uid=31498&do=blog&id=303846


夏天一到, 皮膚又開始會變得黏黏笠笠, 毛孔粗大, 容易泛油.....
我近年都盡量減輕妝感, 搽愈少層化妝品愈好, 
雖然仲未做到素顏外出, 但係返工只要唔使見客, 我都唔會full make up, 有痘痘更加唔會遮;
weekend落街做運動或者飲茶買少少野, 都只會係防曬+碎粉就落街, 而家呢枝 SK-II輕透光感鑽白 CC 霜 SPF50/PA+++就係一個更好選擇!


佢係一枝採用 SK-II 獨有 Soft Aura White 配方, 結合美白、防曬、遮瑕、滋潤修護及持久妝感於一身的保養型底妝, 成份包括:
皇牌成份 PITERA™
Ume extract 日本南高梅De-melano P3CTM (葵醯胺)
Pixel WhiteTM (超解析光感鑽白因子)

能激活感光體 Cell Luminous Factor 與阻黑體 Cell Clarity Factor 兩大肌底因子, 讓美白保養不只是停留在肌膚表層, 更而能夠深入至肌膚的肌底結構。


SPF 50+/PA++++更加係現時最高等級防曬系數 !
質地順滑易推, 推開會有少少白, 但隔一陣已經會tune返膚色! 除左多左光澤感, 透薄度仲幾高, 睇落都唔覺搽左野~


好, 大家就忍一忍我轉季的痘痘戰跡, 睇睇用左cc cream的效果啦!


我只係搽左一泵份量, 已經有8成遮瑕度!
泛紅、膚色不均、毛孔都遮得唔錯, 連眼圈都遮到d我覺得直頭係bonus~


雖然cc cream個質地唔算笠, 不過我難以忍受丁點的不清爽感, 都係搽返層碎粉我先安樂!
簡單的cc cream + 碎粉已經可以係我weekend落街甚至返工用的妝喇, 其實重點只係唔想睇落咁攰~
個人認為持妝情況良好, 唔會話成日泛油要印, 重點真係透薄又方便, 真係好適合懶人!

今個夏天我的目標同 SK-II 一樣都係希望擁有 #觸得到的發光肌!

#SpotlessAura
#ControlYourAtmosphere
#ChangeDestiny
#SKIIHK
#Atmosphere

2017年4月18日星期二

▌保養+妝文 ▌IPSA 走新路線嚕 ♥ 初試皇牌保養品、新粉底...*

印象中的 IPSA 都係走簡約成熟風黑白灰路線, 
殊不知早兩星期黎到朗豪坊的Pop up store, 先發現 IPSA 改走新路線了!


(當天人太多, 借用官方照片一用)




見到白啡tone的木紋設計就知道走lifestyle路線, 親民左好多!




一直對 IPSA 認識不多, 就趁呢一日了解多一點吧!
呢兩枝就係 IPSA 重點產品!左邊係 The Time Reset Aqua, 可以為肌膚無間斷補水、鎖水及造水。
除左原有的$320/200ml之外仲加推 $390/300ml, 抵左勁多!!!!

而右邊就係皇牌產品 Metabolizer 已經去到第8代!!!!
佢可以保護肌底膜及激活肌膚的底層細胞, 提升防衛機能~


淨係Metabolizer 都足足有17個配方咁多! 想知道自己到底適合用邊一款, 就可以透過皮膚分析 IPSALYZER找出肌膚問題, 配對出最適合的個人化護膚及美妝方案!



另外的亮點就係新推出的 Relaxed Day Foundation輕盈透亮粉底液 SPF25 PA++ !
佢集四合一功效於一身, 一枝就可以打造空氣妝感、控油、保濕及防UV!
效果係點? 等我下面逐樣介紹啦~~~




成日覺得明明已經成日敷水份mask, 但去親做facial都比人話底層好缺水,
可能就係因為皮膚儲唔到水!
IPSA 呢枝 THE TIME RESET AQUA 生肌水源素蘊含升級智能人工水層 Aqua Presenter III,
有效築成高密度水分屏障, 形成循環不息的「儲水之道」,
更可改善膚質、成人暗瘡, 控油抗痘及平滑肌膚, 令毛孔變得更細緻, 肌膚水潤飽滿!




成份方面, 它的升級智能人工水層 Aqua Presenter III 含透明質酸乙醯及高密度水分屏障技術, 可於角質層補充大量水分 ;
茉蕎蘭精華玫瑰精華可提昇肌膚製造透明質酸的能力; Vitamin C & E 複合物有效抗氧化及加強保護屏障功能甜茶精華預防透明質酸流失 ; 


咁講到對我黎講最吸引的, 當然係下面幾種成份啦!!!牡丹花萃取物有效抗炎, 控制油脂分泌, 減少暗瘡;
玫瑰精華馬鬱蘭萃取物懸鉤子葉提取物等可預防暗粒及暗瘡造成的凹凸不平, 保持肌膚平滑,
同時可預防成人暗瘡及因生理周期出現的暗瘡。
甘草酸具抗炎功效, 預防暗瘡菌滋生, 改善因暗瘡造成的凹凸不平膚質!



用法都好簡單! 潔面及爽膚後, 以化妝棉沾取 5 元硬幣大小分量使用, 記得倒多少少效果會更好~
均勻塗於肌膚後, 就用手掌以逆毛孔方向輕拍肌膚, 加速滲透~
或者可以豪氣地用黎濕敷!
而我就會先用輕拍方法, 再用仍然濕潤的化妝棉敷上下巴和鼻子~




使用兩星期未夠的情況下,個人認為對於舒緩敏感泛紅和細粒紅腫痘痘都有唔錯的功效呀!!!
補水效果亦非常唔錯~




頭先提到皇牌產品 Metabolizer 已經去到第8代, 其實係IPSA 從300種成份中研究出最能抑制抗代謝酶的配方,防止對細胞生長環境的破壞, 加入於最新Algaelumina Ex海洋活化精華Ex入面, 就成為第8代產品喇! Metabolizer針對抑制抗代謝酶、強化基底膜機能, 更生細胞, 促進新陳代謝, 令肌膚透亮度更加持久。

而17種不同的個人化配方, 就係用個人的皮膚和皮膚問題而決定,
有針對肌膚乾燥、油脂分泌過剩問題的 Regular (HK$490/175ml)
有針對肌膚色斑及暗啞問題的 Extra W  (HK$590/175ml)
有針對肌膚彈性及暗啞問題的 Superior W  (HK$680/175ml)
有無添加的低敏性配方、針對肌膚致敏源頭的 Sensitive (HK$520/175ml)
及最高效極緻配方、提升肌膚潛能的 ME Ultimate (HK$820/50ml)




我手上就係針對肌膚色斑及暗啞問題的 Extra W~~~~(貨size為175ml)
乳液質地非常順滑易推~
使用時, 配合化妝棉會更有效, 每次用3泵份量由下至上推抹均勻。




用完皮膚會覺得幼滑柔軟左!
用左幾日已經會見到皮膚睇落無咁攰~
而且仲可以當make up base咁用架!




兩枝皇牌產品一齊用, 皮膚水份上升幅度竟然咁大.....!




最後當然唔少得試用 Relaxed Day Foundation輕盈透亮粉底液 SPF25 PA++($290/20ml)
共有Light、Medium、Natural 三色可選。




粉底加入IPSA獨有的氣墊粒子與持續保濕因子注入角質層, 塑造無重空氣感
而多孔粉末粒子更有效吸走多餘油脂, 可以預防泛油及黏稠的脫妝情況~



我用Natural 色, 試上手已經覺得粉底質地好輕盈唔厚~好易推勻!

成份當中的持續保濕因子可以調整細胞代謝、時刻保濕:
東當歸根萃取 : 源自日本, 自古以來已廣泛作為草藥, 以對抗貧血及促進血液循環, 並促進肌膚產生免疫及自生力量。
覆盆子萃取 : 能促進血液循環, 輸送營養及氧份往新細胞, 排除毒素, 使肌膚活力健康, 可預防肌膚粗糙。甘油 : 屬小分子保濕成份, 保濕效果顯著, 有效將水分鎖於角質層。




開頭都擔心咁透薄會唔會影響遮瑕度, 瑕疵女試用後表示薄薄兩層已經可以遮到7成瑕疵。
剩低的色斑、黑眼圈和痘印就要加少少遮瑕膏喇~




自從bb cushion大行其道之後我都貪方便好少再用粉底液, 不過bb cushion 始終比較厚,
而呢枝Relaxed Day Foundation的確可以做到空氣妝感、控油、保濕、防UV四大功效!
首先就算搽左兩層, 妝感都算係相當透薄自然, 而控油方面表現都唔錯, 出入冷氣地方都無嚴重泛油, 呢樣野坊間的bb cushion又真係會爭少少, 平時鼻翼位真係出油比較勁架!
而持久度方面我覺得都幾滿意! 十小時都無乜點脫妝~




如果大家都想了解自己到底適合用邊一款 IPSA 產品, 不妨可以預約IPSALYZER專業皮膚分析服務, 精準分析個人肌膚狀態包括透明感、水分保持力及角質代謝等、仲可以分析膚色色調, 挑選最合適的護膚及化妝產品, 展現最真實、具個性的「透光肌」!



Website: http://www.ipsahk.com
Instagram: @ipsa_hk  
Facebook: IPSA HK
Weibo: @ipsa香港茵芙莎  
Wechat: IPSAHK





▌妝物 ▌近期最愛 ! ♥ Lancôme Blanc Expert Cushion Urban Duo Palette...*

天氣開始涼真係可喜可賀! 而連帶後果就係又唔願起身, 唔化妝周身唔眾財的我表示因此氣墊粉底仍然係我心中最愛! 近期收到 Lancôme Blanc Expert 系列兩款升級版氣墊粉底, 唔試猶至可, 一試係難以自拔, 相信試過的朋友仔唔會否認, 無論係透薄度、遮瑕度...