2015年7月31日星期五

▌吃個不停 ▌唔去韓國都食到韓式火鍋 ♥ 我比80分! ...*

因為小弟本身都好為食, 成日都覺肚餓, 但又經常眼闊肚窄食少少就飽
所以一向都好好好鐘意放題、自助餐、打邊爐之類的飯局, 乜都可以食少少, 見飽坐陣又再戰。
每次朋友邀約我都會提議去以上食肆XD
今次好友話帶我黎食部隊鍋, 自從3年前在朋友家食過一次就欲罷不能, 所以一口答應!



 


呢間店叫 K-POT 部隊鍋, 原本以為係韓國餐廳以部隊鍋為主打, 但原來是火鍋店!!
全日提供90分鐘火鍋放題,4種牛肉:美國特選、美國特級、美國極上、澳洲和牛。


簡單黎講即係同市面上牛乜牛物的火鍋店大同小異, 但原來上至湯底下至湯料都韓味十足喎!!


我本想選部隊鍋底, 但同行朋友仔對人參雞鍋比較有興趣, 咁好啦健康少少囉XD, 仲有參添架!! XD
鍋底一到即刻出去拎野食先!


講真睇到火鍋配料我幾驚喜, 因為大部份都係韓國野黎架!!
蔬菜果part 仲好貼心咁有一小籃已經搣好的生菜比我地用黎包肉食, 
而醬汁除左一般口味之外仲有韓國辣椒醬!


其他的配料有韓式魚片(超驚喜!!!)、豆卜、豬皮(咁都有!!!)、年糕、韓國即食麵、仲有無入鏡的紫薯年糕、黑墨魚丸等等, 都係平時好少見到出現在火鍋店的配料! 比較常見的有番茄、菜類、金菇、午餐肉、丸類等等~
選擇唔算話好好好多, 但勝在夠特別。


狂風掃落葉一輪之後返埋位已經見到d肉類列陣! 我地選的是$238尊上牛肉放題, 
肉類有美國特選牛肉、牛腱肉、豬腩卷、梅豚肉、雞腿肉、海魚柳。


出乎意料地我們一行四人都覺得豬肉最好吃! 其實都幾難得搵到一間火鍋店係豬肉好食架....
平時都係因為d 豬肉又鞋又乾, 焗住狂食牛肉, 但對我黎講有時都唔想啖啖都係牛啊....


牛同豬都切得好薄, 豬肉薄d就容易熟, 而且好有咬口 ;

牛肉就稍嫌真係薄左少少, 熟左之後縮到好細, 唔夠過癮!


左邊的紫薯年糕麻麻地, 口感同味道都唔係好夾 ;
右邊的泡菜餃好好味!!!! 入面勁多泡菜, 又唔會好辣, 餃皮淥好耐都唔會爛晒, 正!!


食到尾聲當然唔少得食返杯 froyo!!!
我們一致認為個froyo底好好味, 唔會好酸又唔會過甜, 但配料就少左d, 如果多返少少仲更好啦!
整體黎講都幾滿意! 全場都有播韓國歌曲, 而且有幾部電視播mv / 有關韓國飲食的節目, 幾有heart~
唯一要扣少少分就係牛肉真係切得太薄啦~~


K-POT 部隊鍋
旺角彌敦道613號飛達商業中心1樓
電話: 2481 1388

▌穿搭 ▌ 我又想買鞋喇 ♥ 目標是麻編楔型涼鞋! ...*

以前我唔明點解電視話女人成日要買鞋, 但到左呢個年紀終於明白!
返工要著高跟鞋牛津鞋、出街約會要著涼鞋短靴、跑步要著球鞋、落雨要著雨鞋...
請問女生有何理由不買鞋呢?

所以基本上「想買鞋」這個念頭每星期都會在我腦海中冒出至少一次 XD
由於是夏天, 我屬意多買一雙涼鞋, 款式最好是簡單又有少少details, 跟高4-6cm左右, 船跟為首選!




我承認我今年買的涼鞋全都是 Wedge shoes!! 因為比斗零踭舒服嘛, 如果是麻編的更好, 夏日感比較重嘛!!!
(圖片從網上搜尋, 如有冒犯請聯絡我即時刪除)


這種涼鞋實在百搭, 中性 / 女性化打扮都能配搭到!



隨便找找都有幾百款可以找到~



各大小品牌基本每年都會推出幾百萬雙Wedge涼鞋吧!!!



又好走又能拉長身形的真的非它莫屬!!



早前剛好收到 ZALORA 的合作邀請, 還給我推介旗下「Charles & Keith」的鞋子, 嗯, 一定要去看看!


Charles & Keith 是新加坡品牌, 聽說在新加坡很有名, 到處都是分店。
隨意在網頁看了看, 她家的鞋子都走較優雅的成熟路線。


涼鞋也有!!! 右下兩款完全是我的菜呀!!! 價錢在折扣後非常相宜, 但可惜沒有我的尺碼了.....嗚...


我覺得Charles & Keith 很適合 OL!! 款式多但不老土, 有detail位。


玩味感高點的牛津鞋都有~~
選了又選, 最後我到底買了哪一雙呢? 下回分曉!!!

2015年7月24日星期五

▌身體保養 ▌終於出BB爽身粉味喇 ♥ 全新Dove輕柔嫩肌止汗系列...* ... ... ... ... ...

要數五大女生愛聞的香味, 其中一款必定非爽身粉味莫屬!!!!
每次聞到街上有女生噴爽身粉味的香水就覺得特別舒服, 會忍唔住望多兩眼架(當然希望會係靚女)

而一向有推出止汗劑的 Dove 今個夏天都終於推出bb 爽身粉味的全新Dove輕柔嫩肌止汗系列喇!!!


我發現市面上好多爽身粉味product都係藍色包裝架!!
但係全新Dove輕柔嫩肌止汗系列就用左粉紅色包裝, 仲girl~


呢2枝止汗劑仲蘊含1/4潤膚乳霜, 有效滋潤修護肌膚~~~

走珠的當然用在腋下啦, 噴霧的就噴全身。
它們以嬰兒爽身粉為香味靈感, 透過清新的小蒼蘭為開端, 佐以牡丹與纈草香氣, 展現高雅、柔和的香調;
後味則以檀香、琥珀及麝香, 襯出彷彿嬰兒爽身粉般的溫暖、輕柔淡香。


其實噴落係唔止聞到爽身粉味, 仲會有少少甜味 ; 時間耐左混合埋自己體香就會變成另一種比較沉穩的香味, 我覺得止汗劑黎講都幾特別, 唔係隻隻都會做到有前後調, 而且呢一隻算幾long last, 朝早噴完到下午都仲有少少味。而最緊要係Dove止汗劑個噴霧咀做得好細, 近兩年接觸過幾款都可以噴到好霧化, 唔會因為集中噴一個地方而泛白水汪汪。而其實一直我都覺得Dove止汗劑比其他品牌優勝的地方就是香味! 不過香味既野其實好個人, 大家不妨比較下。

Dove輕柔嫩肌止汗香體噴霧169ml  建議零售價HK$28.9
Dove輕柔嫩肌止汗走珠香體露40ml 建議零售價HK$25.9

2015年7月21日星期二

▌保養 ▌下次旅行又更方便喇 ♥ shu uemura 水漾卸妝啫喱...*

去旅行我一定會帶卸妝油來卸妝, 
咁就可以一次過卸走底妝+眼妝, 但油類產品分裝攜帶起來其實相當唔方便, 
我每次都要將d卸妝油分裝到泵裝的吉樽才能嚴嚴實實的安全到達目的地, 

但通常泵裝的樽是玻璃製的, 結果就是行李百上加斤....
好了好了, 終於比我遇到 shu uemura 的水漾卸妝啫喱!!!


用左一排, 我會評價佢為「啫喱收的卸妝油」!
因為佢除左質感之外, 潔淨力和用法都跟shu uemura的卸妝油無異!!


產品配合嶄新「雙重水份磁石科技」, 成分蘊含日本鈴蘭花成分及維他命 E 密封科技, 
彷如水份磁石, 有效提升細胞鎖水力, 保持肌膚持久水潤, 由內提升及鎖緊水份。
維他命 E 密封科技 ♥ 維他命 E 被密封於微細膠囊內, 與肌膚接觸後隨即釋放, 鞏固鎖水屏障, 防止水份流失;  日本鈴蘭花成分   過千年被視為傳統醫藥珍品, 有助提升肌膚天然保濕因子(NMFs), 提升肌膚水分。


用法跟卸妝油一樣, 先吱出適量啫喱, 再乾手乾面打圈按摩 (我手上有一點點水份是不對的~~XD)


啫喱推開後就像油一樣!!!
打圈一會後, 就加水乳化, 我的方法就是稍微弄濕雙手至不滴水狀態就再打圈。


個人認為乳化效果還是卸妝油比較明顯~~


哈哈~~卸力依舊驚人, 下巴的紅腫全都現形了, 非常徹底!


用好幾枝不同質感的眼線筆/液/睫毛液, 乳之後都好易卸走!

***
另外同時我也收到shu家的雙色塑型眉粉 brow: palette (HK$280)

有兩色可選, 我手上的是上排的淺啡+石灰, 另外還有下排胡桃啡+棕啡可選。


這盒專為畫眉初學者而設~兩款預先特選的啞緻色調易於使用和暈染, 配合預設的專業眉掃能描繪精準眉型線條。柔滑舒適的質感讓暈染時更輕易。


我先用它附上的斜角細掃沾左邊的淺啡勾劃眉型。


然後再用BLENDING BRUSH 沾石灰色輕輕掃勻。


我眉色較深, 所以最後會用眉gel 把眉筆染淺一點, 順便把過長的眉毛固定。
記得初初畫眉時我都是用眉粉的, 貪夠自然無咁容易畫錯, 
後來習慣了就改用更快捷的眉筆, 現在用回眉粉反而有點不熟悉 XD


慶幸我眉毛較濃密, 不需要怎費力去畫就輕鬆完成 :)


***產品由植村秀提供***

2015年7月19日星期日

▌妝文 ▌ SEED 超人氣日本大眼CON ♥ 一口氣介紹給你...*

恭喜恭喜!! 超過57年歷史, 於一九五七年成立的日本隱形眼鏡廠 SEED 首度進軍香港喇!!!!
所以六月初的時候又收到一堆Color con了!!
因為我一星期才戴那麼一次color con, 想分享戴一整天的舒適度, 不想隨便戴上拍照便算, 結果就拖到現在了, 請見諒 :)




六款產品係咪有一款熟口熟面呢?



呢一款與化妝品牌 Heroine Make crossover 的隱形眼鏡 Heroine Make 1 Day UV 相信大家都唔陌生了~
我都寫過分享文架!! 這次就不重覆介紹了。
http://www.theztyle.com/home.php?mod=space&uid=31498&do=blog&id=227268


首先就想寫寫新穎點的款式 -- 男士大眼仔!!!!!

其實呢兩年睇韓劇同日劇, 都已經見到男明星有戴大眼仔 (連木村在日劇中都明顯戴了黑環大眼仔!!)
當然, 男仔的款式不會像女仔的花巧, 就只以「放大虹膜」和「加強眼神」為主, 
SEED就在今年推出全港首款專為男士而設的「大眼仔」-  PlusMode 1day Homme~
包裝簡約有型, 兩款鏡片設計分別適合上班及休閒時配戴。


男生款式抱歉都由小弟試戴給大家看看XDDD
黑色環圈這款就是為上班而設, 盒面亦有寫明是for business! 
款式專為男士於日常工作、會議等商務場合而設, 13.5mm著色直徑大的黑色鏡片, 設計簡約低調, 款式簡單不浮誇, 配戴後雙眼立即炯炯有神!


另一款男士大眼仔就係 for private 的啡環圈款式~


這款同樣是13.5mm著色直徑, 設計能與瞳孔自然結合, 簡約的花紋效果更增添魅力, 適合日常生活或約會時配戴, 戴上後就可以有溫柔哥哥眼神!! (羞///)


***

接下來回到女生的 Eye Coffret 1 Day UV 系列~
此系列是針對平常已佩戴隱形眼鏡的OL族所開發的全新概念產品。三款「大亮瞳」(Base Make, Natural Make及 Rich Make) 在產品及包裝設計上均加入大量時尚潮流的元素, 更以柔和粉色首飾箱作包裝設計, 令人眼前一亮。
鏡片方面, 三種不同色調配合不同的衣飾配搭, 讓用家盡顯大都會女性日夜不同美態。

首先是環圈最小的 Base Make! 著色外圈只有12.8mm 的 base make 針對喜歡自然體現眼睛的魅力, 不喜歡鏡片顏色效果對比太鮮明的女生~


配戴後非常自然!! 由於著色環圈不算很大, 所以放大效果亦很自然~還會隱約看到放射性的圖案。
陽光底下也只覺得是我本來的瞳孔!! 對於想作偽素眼的女生來說非常適合XD



接下來是環圈著色面有13mm的 Natural Make, 黑色環圈加上特殊漸變色設計, 佩載後能強調明亮炫麗的眼睛~~


細心一睇其實內圈有一層漸變灰色! (雖然戴上後其實不太明顯)

不過整體感覺雙眼很有神~感覺好有知性美!


最後是環圈著色面有13.2mm 的 Rich Make!

咩叫 rich? 睇下鏡片設計就知了~


看似有lace又像玫瑰的著色設計好美!!!!! 戴上眼後如果在陽光或下會看到較為bling bling, 
三重漸變色層可以令眼睛更有層次感~


呼~~~一口氣介紹了幾款大眼仔, 唔知大家最中意邊款呢?
幾款都好自然而且戴一整日都唔會乾澀痕癢亦零移位, 我覺得非常值得推介給大家!!

最重要的是它們的著色層都採用內嵌式著色, 所以著色面不會跟眼球接觸 ; 同時亦有UV CUT 設計可減低超過九成五UVB,約七成UVA。
鏡片方面亦只有0.05mm超薄厚度, 同時有圓滑邊緣設計可以減低異物感, 基本上感覺跟戴透明day con一樣。

男士大眼仔: 
PlusMode 1day Homme    售價: HKD$258一盒 (共30片)

女士大眼仔:Eye Coffret 1 Day UV    售價: HKD$258一盒 (共30片)


查詢        Bravo Vision Optical Limited
電話        27902663/ 93043378 
電郵        jekyll.sin@wc-optical.com
Website:  http://seed-hongkong.com

▌妝物 ▌近期最愛 ! ♥ Lancôme Blanc Expert Cushion Urban Duo Palette...*

天氣開始涼真係可喜可賀! 而連帶後果就係又唔願起身, 唔化妝周身唔眾財的我表示因此氣墊粉底仍然係我心中最愛! 近期收到 Lancôme Blanc Expert 系列兩款升級版氣墊粉底, 唔試猶至可, 一試係難以自拔, 相信試過的朋友仔唔會否認, 無論係透薄度、遮瑕度...