2015年10月30日星期五

▌保養 ▌keep得到的保濕精華 ♥ SOTHYS 豐盈重塑水份精華...*

開始轉季, 夏天用的清爽型保濕精華或者會唔夠力, 
早排收到呢枝新的保濕精華, 用左足足3星期, 係時候分享下!



SOTHYS 的產品大家多多少少都會有聽過, 它是法國百年美容品牌, 我用過幾款產品, 比我的感覺就係對皮膚零負擔, 用得舒服值得信賴, 每次見到美容院用它的產品, 就會加加加分。
2015年,SOTHYS研究室開發出專利成份「1055牛肝菌提取物」, 結合科學技術打造出「分子透明質酸水份系列」, 從肌底注入及鎖緊水份關鍵-透明質酸, 讓皮膚水份含量回復飽滿水平, 徹底解決缺水問題。呢一枝就伙係呢個系列其中一款產品 - 豐盈重塑水份精華 Intensive Hydrating Serum ($798/ 50ml)


成份方面, SOTHYS 於精華表層注入極速補濕成份高量分子透明質酸, 瞬間讓肌膚解渴;
專利成份「1055牛肝菌提取物」迅速強化透明質酸, 
於細胞內外發揮補水鎖水雙重功效; 
同時特別添加滲透力驚人的LMW低量分子透明質酸, 重塑幹細胞生命力, 使讓肌膚從低層起回復最佳水潤狀態。


質地相比一般透明質酸精華杰身, 有少少似Lotion, 推開覺得比較rich!


頭兩次以為佢好rich, 用1泵發現唔係好夠推勻全面!!
feel到佢吸收力好好, 所以我會泵多少少, 大概每次用1.5泵份量就剛剛好。
而且我會避免先用掌心搓開再抹上面, 因為這只會淪為被掌心吸晒的下場...


抹開之後頭1分鐘滋潤感較重, 但好快就會覺得已經吸收得7788!


搽完有光澤感, 但唔係笠痴痴的感覺, 唔錯!


最近去緊做treatment清暗瘡, 但照用都無問題, 唔會惡化(但都唔會有特別改善)


用完成10分鐘做水份測試都仲有50%, 滿意! 覺得幾long last~
唯一缺點係價格有點貴, 因為感覺好快用光!!!


SOTHYS銷售點:
The Diamond Club
銅鑼灣糖街1號銅鑼灣商業大業12樓1201號舖電話: 2577 2333


2015年10月27日星期二

▌吃個不停 ▌偶然一次 Fine dining ♥ 視覺味覺都享受 ...*

細個中意大堆頭食放題自助餐, 呢兩年開始覺得偶然來一餐Fine dining, 喺一個靜靜的環境下慢慢食有質素的菜式, 好似仲滿足過乜都有得食, 但質素麻麻的食物。


忙碌的一天工作過後, 就同好友來到銅鑼灣駱克駅的 Otto Bar & Restaurant 晚餐。
今晚食法國菜呀! 好期待~ 呢度幾靜, 7點半左右未滿座, 檯同檯之間有足夠空間, 洗手間比我的房間還大 XD


等左一陣就有麵包上桌喇!
黑色的係店家鮮焗的墨魚汁包, 而牛
油仲係加入左黑松露的自家製牛油!!!
夾埋一齊食, 牛油香夾雜黑松露的味道真係好正啊~~~~


然後就來一客鮮果沙律。鮮果好多款, 新鮮又juicy但就唔算好甜, 用來作餐前小食一流, 又可填一填肚待會就能避免吃太多, 又可以補一補充纖維量。 


黑松露鮮菌蠔湯
呢個湯真係全晚最愛!!! 本身我已經好中意飲黑松露湯, 少少黑松露已經好濃味, 相信無人會抗拒到~
今次仲加左一隻日本廣島蠔,鮮味無比! 侍應仲貼心提示飲少少湯就要食, 免得太熟唔夠嫩滑 !



火灸鮮三文魚、三文魚籽
小小一件三文魚外脆內軟!! 表面稍微烘灸過呈半生熟狀態, 但裡面仍保留新鮮三文魚的嫩滑, 
配上三文魚籽的獨特口感和酸酸甜甜的醬汁, 好開胃!!


咁快到甜品??????
原來只係前菜其中一款, 青檸雪芭
一開始覺得青檸口味比較酸, 但食食下又覺得OK喎! 可以用來清清味蕾, 
雪芭入面仲混入青蘋果粒和
乳酪, 好似提早食甜品咁!!


蜆肉意粉
呢個主菜都幾impressive! 因為d紐西蘭蜆又多又大隻!!!!
每一隻食落去都好有海水味, 啖啖肉真係好滿足, 仲
好似加左少少酒有dd苦味 ; 意粉無煮得過硬, 唔錯!


活波士頓龍蝦米多
傳統的龍蝦米多係有超過100年歷史的法國名菜! 
一般以干邑及白蘭地烹煮開邊龍蝦, 再配上芝士焗香。
呢一碟我食唔出酒味,不過主廚先將龍蝦
起肉,用醬煮好, 再將芝士、芥末、蘑菇、紅椒釀入龍蝦殼, 龍蝦肉就會稍微黏回蝦殼, 食的時候好似pizza咁拉絲! d配料同龍蝦肉非常夾, 芝士香亦都係一絕, 小小一隻真係唔夠喉啊....


主菜品嘗完畢就要來點甜品。原本以為呢一客 菠蘿雪糕 係頹野, 但原來內有乾坤, 真係有粒粒菠蘿肉, 味道好清新!


呢一餐足足食左2個幾鐘, 但中間從來無停過口, 
侍應會一直留意住我地的用餐速度, 菜式一份接一份, 估唔到都食左2個幾鐘, 
果然係法式生活啊!!
最後, 標題指「
視覺味覺都享受」, 除了指菜式的色香味俱全之外, 服務生清一色年輕男士, 也很賞心悅目!

2015年10月25日星期日

▌穿搭 ▌初秋可以著 boot 喇 ♥ TWIST Shiga for MYA ROCHE...*

比起sweet look我一向更喜歡中性帥氣風格, 雖然人仔細細適合走甜美路線但都什麼年紀了......
一到秋冬我就開心, 因為除左可以著外套去遮掩肉肉的身形, 最重要的是可以著boot喇!!!
而今次文章的主角就係我腳上呢一對!




它是來自 TWIST 的其中一個自家鞋履品牌 MYA ROCHE 的新品!
係由藝人連詩雅設計的 Shiga for MYA ROCHE 系列 Ankle boot~

 

Shiga for MYA ROCHE 系列大玩搖滾時尚風, 特色窩釘及骷髏頭拉鍊配飾設計, 配多組不同的顏色組合, 
營造大膽鮮明、自由奔放的嬉皮時尚形象!


我就揀了右上的黑x藍牛皮毛毛窩釘短靴!


鞋身用上牛皮和毛質兩種對比質地, 又用上鮮藍和黑色作強烈對比, 加上尖形鞋頭配窩釘, 根本成對都好rock!


最like就係佢是隱形內增高!!! 總踭高約有5cm都唔錯! 


第一套我就用韓版闊身翻領的西裝風衣配長身雪紡襯衣, 加黑legging。
我秋天大多是穿這樣上班去, 有時會換成褲子, 既有型又不失體面。


今次試著把頭髮弄大捲, 以及把前額都梳高夾起, 有拉長面型的作用, 我其實都幾喜歡! 不過額有點高就是了XD


今年很流行這種偏闊身的風衣外套款, 但版形和質素都很參差, 我在屯門小店一看到這件就愛上了, 
穿上去果然很有範! 配同樣走帥氣風的 Shiga for MYA ROCHE ankle boot 一流。


另一套也是老是常出現的上班穿搭。
其實我公司的衣著要求都蠻寬鬆的, 所以百搭牛仔是常出現的上班穿搭單品!!!


雖然是尖頭ankle boot 但走起路來又不覺得有尖頭鞋的壓迫感喎...
不過我一向著36/37, 呢對我因為怕尖頭鞋楦較緊而選了37, 最後覺得有點鬆, 說明了它的鞋碼很準。


牛仔襯衫我愛用作外套, 裡面再配背心就可以簡單作出層次穿搭。
話明百搭牛仔, 黑/白/紅的背心就是我最常選的內搭顏色。


我果然覺得這種穿搭最舒服了!
你又覺得邊一套好睇d 呢?


available at TWIST 
尖沙咀彌敦道118-130號miramall 106 及207號舖  2577 9323
觀塘觀塘道418號創紀之城5期apm UC31及33舖  3148 9031
上水廣場三樓329-331舖  2671 0632

Facebook:TWIST HK
instagram : twist_hk
weibi / wechat : TWISTHK




2015年10月21日星期三

▌吃個不停 ▌鋸扒都可以立食 ♥ 你食到幾多gram?...*

工作繁忙, 三餐大多草草了事, 一到放假真想大啖大啖肉咁食!
自從在港島區工作已發現不少跨區美食, 今次黎到上環呢間立食扒房更加大開眼界!
「立食」指站著吃, 是日本很流行的文化, 適合什麼都要快的都市人, 餐廳亦可增加turnover同時增設更多位置。


但入到去 Metal Steak, 就會發現餐廳保留了椅子, 但同時採用像bar檯的設計, 以防香港人不習慣立食。
整間餐廳走工業風裝潢, 同鋸扒一樣感覺好豪邁。


話明 Metal Steak, 當然只賣扒!

有五種牛肉一款豬肉可選擇,分別是:新西蘭牛柳($0.7/g)美國安格斯西冷($0.6/g)
美國安格斯肉眼($0.6/g)
日本佐賀A4和牛西冷($1.9/g)
日本佐賀A4和牛肉眼($1.8/g)
西班牙黑毛豬鞍($1.2/g)

以我所知開業時是沒有豬鞍可以選的, 當時還在為皮膚戒口的我暗暗猜想如果有其他肉類就好了!
想不到這天到來時真的推出了
豬鞍的選擇, 而且還在做半價優惠! 自從半年前食過西班牙黑毛豬之後就對豬鞍有所改觀了!!! 所以我這次一看到就決定點了!


這裡的扒是用重量去計算, 點菜前我們先觀察一下前面的食客, 
廚師收到order後便立即切肉, 切出來的扒的重量跟食客order的不會相差好遠。
如果真的覺得份量太多或太少, 他是會毫不猶豫重新切一次, 不會跟你討價還價。
切好的扒不會加任何調味便立即放在鐵板上燒, 這時我們便可以找定座位靜待大快朵頤的時刻。

 

餐檯上提供了幾款醬汁給大家享用, 分別是薄荷啫喱、果醋、芥末醬、柚子味噌醬及忌廉芥末
正當我們在談論醬汁時, 扒已經準備好了!

男友選的是300克的日本佐賀A4和牛西冷, 預估上鐵板後會再熟多一點, 所以只點了 3成熟。
見到烤紋已經流晒口水喇! 趁剛上菜時淋一點柚子味噌醬就更能令醬汁融入到肉中。


西冷扒邊有一小圈油脂, 本來以為是筋, 但原來唔係, 但油脂就只在兩側出現, 扒中間反而沒有啖啖肥膏!
3成熟的西冷待我們相機先食之後已差不多有5成熟了吧, 切開後呈漂亮粉紅色, 不是想像中的血淋淋畫面, 好吸引!


肉質完全不硬, 
頗具口感, 肉味也很濃郁。
日本A4和牛果然有一貫的入口即溶感覺, 跟美國的的確有明顯分別! 
但吃多幾口難免有點膩, 沾上清新的柚子味噌醬就能中和膩感。每吃一口都美味得不禁互相對望。

 

我點的200克西班牙黑毛豬鞍上菜時的氣場完全給比下去XD
但沒辦法啦誰叫我皮膚不好呢...剛才的西冷也只敢淺嚐兩件....

論SIZE的確不及西冷扒搶眼, 但厚度可不會輸。
一般去扒房鋸扒, 豬扒實在不是選擇之列, 但
西班牙黑毛豬肉質較結實, 肉味也較濃; 而且膽固醇含量低, 食過一次就愛上!


西班牙黑毛豬不一定要全熟進食, 所以我點了5成熟, 色澤更嫩更吸引!!!!
肉汁比想像中多, 好juicy! 未食過黑毛豬的男友都話估唔到同一般豬扒爭咁遠!


食到一半已經慢慢變得更熟了, 下次要試下order 3成熟!


由於怕光吃肉不夠充實感, 我們便決定加$30追加套餐的餐湯、沙律及白飯。
原本以為無咩特別, 但個松露湯真係好正, 好濃味, 唔稀身, +$30飲佢都抵呀!!!


紅酒配紅肉, 這裡有小小一罐紅白酒可選, 實在貼心!
這一餐吃得很滿足, 我會再來的!



2015年10月6日星期二

▌醫美 ▌第一次挑戰(2) ♥ Spera 海藻矽針...*

上一篇文分享過我在 Spera Beauty Parlour 善柏醫學美容中心進行過 HIFU 眼部療程,
其實同一日我也緊接進行另一個全面的療程 - 
海藻矽針!!!


海藻矽針其實不是一枝枝的針, 而是從植物提煉出來的有機微米海綿結晶, 經由極速冷凍的方式保留, 同時混合了微細矽針而成。這種嶄新概念換膚術幫助老化死皮細胞加速脫落, 海藻矽針能穿透真皮層, 激發健康細胞皮膚再生, 並在皮膚36小時內100﹪吸收!

對於不敢試具破壞性的微針, 但又想有微針一樣改善皮膚彈性、色素、毛孔、痘痘的朋友仔, 非創傷性的海藻矽針也許是個好選擇!


Spera 使用的是韓國的 Ronas 海藻矽針, 主要成份有:
問荊提取物 - 增強肌膚水嫩,加強皮膚吸收效果。
賽格葉提取物 - 令表皮層細胞健康及有活力。
金縷梅提取物 - 抗炎,止癢,幚助傷口癒合,鎮靜作用。
藥蜀葵根萃取物 - 舒緩皮膚。 螺旋藻提取物 - 緩解刺激。
金盞花提取物 - 減輕刺激,消炎殺菌,美白,除斑。
檸檬香蜂草葉提取物 - 抑制水份流失。 
胡蘆巴種子提取物 -改善皮膚彈性。

美容師一開始會把
海藻矽針粉末和溶液混合, 這時候看到的海藻矽針其實只是一堆很幼細的粉末, 完全看不到有針的存在! 混合好後便會輕輕地塗抹於我全面。當海藻矽針接觸皮膚的時候, 它的針狀晶體便會令皮膚有刺痛的感覺!!!!


塗抹均勻後, 美容師會會適當按摩面部, 令混合後的溶液更易滲進皮膚。
這時候我面容都扭曲了, 感覺就像千千萬萬枝超細針在臉上滾來滾去一樣, 心中只不斷想快點按摩完....
雖然皮膚感覺很痛, 但事實上並不是真的有傷口, 感覺好神奇!


大概過了10分鐘之後, 按摩終於完了!! 皮膚有一點點泛紅, 畢竟也是稍作刺激了啊....
未抹掉海藻矽針混合物前就會敷一個15分鐘的冷凍面膜來舒緩這份刺激感。


敷面膜時真的超爽啊!!!!!!敷後亦明顯降紅!
然後美容師再為我輕輕以海綿抹掉剩下的海藻矽針, 想不到原來海藻矽針已經開始進入皮膚角質層及表皮層,
這個時候碰到皮膚仍有刺痛感, 直至回家當天、翌日都會有這個感覺, 不碰就沒感覺, 一碰就會覺得皮膚裡面有針一樣~~
最後她再輕輕替我塗上幹細胞精華及面霜便完成了療程。


療程當晚皮膚會出現凹凸不平的狀態~
這是
海藻矽針療程時令血液循環並滲入皮膚角質層及表皮層, 令細胞再生,
然後增加角質層酵素, 以製造更多表皮層的角質, 令老舊角質脫落, 3-5天便可以第一次的細胞再生週期。



第二天覺得臉好浮腫XDDD,而且仍有點泛紅。

第3天刺痛感完全消失, 覺得浮腫有好轉, 毛孔變得很小,皮膚像泵過水, 狀態一流。


第4天開始有點小脫皮, 但不嚴重。


day 5 基本上已復原!
這幾天基本上沒有為我帶來什麼外觀上的麻煩, 我也有化淡妝上班。


療程前後一星期的對比,
下巴的炎症改善得最明顯啊!! 其實療程當天美容師有替我正在爆痘又有點敏感的下巴不停來回輕輕按摩,
原因是海藻矽針對消炎和舒緩都非常有效! 這個我非常同意啊~~~
發炎的痘痘都在頭3天快速凋謝, 我覺得比針清、果酸的效果更快!
整體皮膚都有少少改善, 毛孔有變細一點點, 皮膚滑過之前好多 ~
是一個明明過程不好受, 但都令我想Keep住做的療程啊~~~

Spera Beauty Parlour 善柏醫學美容中心
電話:3575 8141 / 3575 8142地址:香港九龍尖沙咀加連威老道21A/B德立大廈7樓701室Website:http://spera.com.hk/Facebook 專頁:https://www.facebook.com/Spera-Beauty-Parlour-%E5%96%84%E6%9F%8F%E9%86%AB%E5%AD%B8%E7%BE%8E%E5%AE%B9%E4%B8%AD%E5%BF%83-419312148248917/timeline/

▌保養 ▌VIIcode 夜間氧眼貼 ♥ 再無藉口唔敷mask!...

作為一個都幾勤力敷mask的女生, 我諗我最懶就係敷eye mask, 原因其實都唔係因為懶, 而係想敷eye mask之外又想敷facial mask, 如果搽晒面淨係敷eye mask 又好似怪怪地, 敷完eye mask先敷facial mask又係怪, 呢個問題雖然...