▌保養 ▌敷完亮白有彈性 ♥ Crazy Monkey 珍貴濟州馬油面膜...*

一直以為呢篇文早在3月中已經POST出, 但原來一直留在草稿入面.....

***

好記得去年冬天去日本旅遊時, 一時忘記日本比香港乾燥得多,
帶過去的skincare完全沒法滋潤到乾燥到爆的肌膚,
結果在中途不停在藥妝店找小小一枝的潤膚lotion, 而最常見的就是馬油產品。
但由於沒找到細size的, 所以最後都沒買xd
 

來自韓國的Crazy Monkey 珍貴濟州馬油面膜好像是我第一件接觸的馬油產品~
馬油一直比我感覺係滋潤型, 覺得在香港比較用不著,
但原來馬油含有豐富不飽和脂肪酸, 其中的亞油酸及亞麻酸可供給皮膚營養, 維持皮膚健康,
並可調節皮膚生理機能, 促進新陳代謝。
除左skincare之外, 仲會用來製造食品、醫藥保健品等等, 唔止「滋潤」咁簡單!

Crazy Monkey珍貴濟州馬油面膜就採用珍貴濟洲島純淨馬油及堅果油,
成份內的馬油有保濕抗皺功效, 堅果油可以滋潤鎖水;
腺苷則可撫平皺紋;
而維他命B3就可以美白!

面膜包裝內唔算好多精華剩低, 敷上面之後我就用剩低的精華按頸~~

面膜紙係我最喜歡的材質!!
像雞蛋殼內層的"衣"~

這種材質不但貼面親膚而且有彈性, 剪裁亦很不錯~而且絕無滴漏精華的情況出現, 敷上20分鐘仍然覺得面膜紙濕濕的!!!!  

20分鐘後可以看到膚色整體有變明亮, 降紅效果相當唔錯
而且鼻旁眼底毛孔有明顯收歛~~

水份上升度唔算超級大躍進但都係滿意!!!!
overall黎講都好滿意, 特別喜歡面膜材質, 敷住都覺得無負擔好舒服!
另外, 面膜比較適合乾性及脆弱性皮膚 / 成熟性皮膚, 可作參考!

最後補上產品資料:

Crazy Monkey 珍貴濟州馬油面膜
$118/5片
莎莎有售

**產品由莎莎提供**

▌穿搭 ▌百搭易襯 Loafer ♥ Pretty Ballerinas ...*

睇返呢幾件的穿搭文或者自己買鞋記錄, 
見到由早幾年會買斯文款的涼鞋、maryjane、露趾款, 到呢2年偏向想買 causal少少的slip-on shoes甚至係運動鞋, 證實左女人會隨著年紀增長, 外表打扮反而會想反璞歸真 XD

點解咁講呢?
因為我3月時黎到 Pretty Ballerinas, 面對幾十款唔同的婆仔鞋, 最後竟然揀左一對 Loafer!!!

其實出發去門市之前我已經睇左官方facebook專頁的鞋款, 
都一早鎖定想揀返對Loafer, 不過 Pretty Ballerinas最出名就係芭蕾舞鞋, 都要仔細睇下啦~

最多款式的當然係signature的蝴蝶結款啦! 要斯文既有, 要活潑d既款式都有~

仲有好多唔同材質的款式可以揀, 右上兩款好靚! 好有美人魚feel!

好似我咁著唔慣平底, 可以揀低跟款, 仍然都保留蝴蝶結。

呢幾對 Loafers 都好靚! 上面深藍款好有氣質~~~如果係低跟款我一定揀佢!

最後我揀左呢對金 x 白的厚底 loafer, 貪佢有少少高度之餘, 顏色仲好百搭~

唯一缺點係白底超級容易污糟!!!!
另外要留意就係鞋形偏窄長, 我的腳掌較寬如果著襪會有少少夾腳, 所以要光腳穿或者穿絲襪料的船襪~

我覺得 Loafer 的好處係佢causal得黎唔會太隨意, 
尤其係愈來愈男士都會著休閒的 loafer, 唔覺得好hea look之餘仲勁型!!!!
所以我返工同出街著佢都唔覺得好突兀。

就算我係著恤衫款連身裙+長版翻領風衣+黑色絲襪襯佢都唔會覺得好怪~~~
如果換一對高跟鞋就變得formal左少少了。

返工咁樣著仲可以拉長雙腳, 有顯瘦效果, 唔錯~~~~

另一套比較boylish d, 而且係causal wear, 襯牛仔單品都係絕對不敗 !

tee ＋牛仔褲, 著成咁weekend同fd去街真係好舒服!!! carefree~

 

加返件棉質西外, 拎返個clutch, 成件事又可以smart causal左!
呢件棉西外是H&M春季新品, 一見到就買了, 勁修身又易襯~返工出街都一流。
本身最細的32碼就最fit但考慮到涼少少入面都可以加薄長袖, 就選了34碼, 好彩!!!! 鬆少少舒服好多。

自問唔係一個穿搭達人, 加上下半身身形有少少限制, 所以穿搭文既打扮都係舒服為主, 
我的穿搭文雖然唔係會有好特別的打扮或者主題, 但就堅係我平日會著出街的配搭, 極度歡迎大家同我分享下適合下半身粗壯的打扮呀~~

最後要謝謝Pretty Ballerinas提供這雙鞋子~~
以及每次都艱辛地替我喬角度的攝影師 Cat Hui!

Pretty Ballerinas HK Facebook 
PrettyBallerinasHK Instagram
Weibo #PrettyBallerinasHK#

▌保養 ▌轉季又係爆瘡期 ♥ isoi 保加利亞玫瑰零瑕疵精華試用...* ...

哈囉! 終於真寅真正正到春天喇~~~
一年四季最討厭就係春天, 因為是皮膚最差的季節!
雖然我下巴位置一年到晚都會長痘, 但無可否認濕潮的梅雨季節一定是最容易長痘的日子.....

早兩星期就收到呢枝韓國美容品牌 isoi 的皇牌產品 保加利亞玫瑰零瑕疵精華 的試用, 
試用前對於呢個品牌完全沒有認識! 但原來isoi 的產品嚴格按照國際機構 SKIN DEEP 及 Safe cosmetic 標準, 
杜絕使用所有有害化學成份, 並確保不含8大添加物質 (如parabens、人造色素、香料、礦物油等), 
用起來都放心好多!! 尤其係我這種容易敏感又易長痘的麻煩肌膚...

 

isoi 的產品在韓國、馬來西亞、日本等地都有售, 而家香港就可以在莎莎買到!

呢個保加利亞玫瑰修護系列 賣點係能有效改善瑕疵, 減淡痘印及疤痕, 為你締造零瑕肌。

成份方面, 當中的保加利亞玫瑰及熊果苷分子纖細, 容易滲透至肌底。
系列亦蘊含豐富維他命, 令肌膚健康強壯, 有助修補凹凸洞及疤痕。
它們亦是天然的強效美白成份, 令皮膚白裏透紅。
另外亦加入100%天然植物成份如甘草及白柳等, 能舒緩抗敏, 孕婦亦適合使用。 
而澳洲堅果油就能成功構建皮膚補濕層, 減少水份蒸發。

如果產品引入香港時, 可以加多少少中文介紹就更好喇.....

呢枝零瑕疵精華賣點係可以:

♥ 鎮静敏感肌膚，集中解決暗沉

♥ 速效減淡痘印及疤痕，令皮膚回到零瑕疵

♥ 為肌膚長效補濕 。 

質地都幾水, 好易推, 推開之後好快吸收完全唔笠!

用法就建議於潔面及爽膚後, 按壓1至2下塗抹於整個臉部, 然後輕輕拍打直至吸收。
不過因為得小小一枝, 我就唔捨得全面用喇,重點用在重災區的下巴位置。

睇下d痘印幾勁....呢個情況已經係好轉左架啦~~~

佢除左有上面提到的成份之外, 仲有天然萃取積雪草, 對於應付皮膚炎症的效果很好, 而且係公認可以改善痤瘡性皮膚, 也可以防止色素沉澱。

早兩星期唔知點解好夜訓, 所以又無啦啦爆瘡~
下巴又再次無忽好肉, 早晚用左呢枝精華兩星期, on top再搽一向有用的暗瘡產品, 
再加上迫自己12點前就要訓覺, 兩星期後終於好返好多.....
我個人認為呢枝零瑕疵精華去痘方面就無咩大作用, 但鎮靜降紅呢方面做得幾好, 
而且佢又出奇地補濕, 就算用左d刺激性比較強的暗瘡膏, 上妝前只要有用呢枝精華, 痘痘位全日都唔會甩皮。
我覺得係一枝幾好的痘痘肌skincare, 化妝前有用佢, 感覺就似多一層有治療效果的保護咁, 
加上如果有冷凍過再搽, 就可以短時間內降紅, 呢一點都幾唔錯。

睇下, 補濕度真係幾高!
總括而言我自己都幾鍾意呢枝產品~~~~


**產品由theZtyle提供**

產品於莎莎指定分店發售，顧客查詢熱線：2505 5025。