2017年2月7日星期二

▌保養 ▌敏感肌之選 ♥ La Roche-Posay 溫泉舒緩低敏卸妝潔膚水...*

卸妝水對我黎講一向只會係擔當二重清潔的角色, 
因為總覺得卸妝油卸力較強, 而且只作二重清潔的話會較省化妝棉, 
不過都無可否認卸妝油對皮膚負擔係會比卸妝水重少少既!
有好多時卸完妝都會有少少泛紅, 好多年前亦有試過因為卸妝油乳化得不夠而爆瘡....


而人愈大都想化妝和護膚步驟盡量簡化, 所以產品的選擇除了價錢之外, 也會考慮對皮膚的刺激性~
今次試用呢一枝卸妝水, 就可以滿足到呢個要求喇!

 

La Roche-Posay 大家應該都唔陌生喇~
抗敏抗粉刺系列產品我都用過, 網絡上亦好評如潮, 今次呢一枝 MICELLAR ULTRA WATER REACTIVE SKIN 溫泉舒緩低敏卸妝潔膚水 ($175/400ml) 我覺得一樣好用呀!


我是屬於易敏感的膚質所以見到「0%防腐劑  / PARABEN / 香料  酒精  色素  皂鹼」的賣點都會心心眼!
畢竟愈多化學物質就愈易敏感, 有得揀梗係要揀全部都係零%啦!

除左無添加物質之外, 潔膚水仲係以
水油混合卸妝為據, 研創出革命性Glyco-Micellar 科技,  結合Micellar潔膚因子及甘油潤澤成分而製成。佢既高效順滑配方可以令潔膚水於肌膚均勻地滑過,  更易黏著彩妝和雜質,  可以更容易卸掉妝容, 減少與面部的摩擦!


倒出黎無任何化學品味道, 亦無香味, 令人安心~
成份方面亦含5%甘油成分, 可吸走油垢和有效保濕、柔潤肌膚~
另外仲有親和及高效潔淨能力的Micellar 而唔少得既係法國La Roche-Posay 温泉水, 可以即時舒緩皮膚敏感症狀~


講到卸妝水梗係要潔淨力夠強.....所以就試下齋用佢黎卸妝的效果係點~


卸完皮膚感覺OK喎!! 幾乾淨而且感覺好清爽~~~完全冇繃緊感覺。
見到紅紅地的位置唔係泛紅, 係我本身微血管好明顯.....卸前卸後都見到的~
卸底妝連眼影只需要用3張化妝棉已經乾淨晒喇!! 
其實第2片已經無乜顏色喇, 啡色係眉妝黎架~~

因為最近植左睫毛, 所以無得試卸睫毛的威力, 唯有畫在手試試~

將所有眼妝用品都畫晒出黎, 再用化妝棉沾滿卸妝潔膚水濕敷一陣, 再抹走, 都用左3片先乾淨~
個人認為對於防水防油的睫毛液效果就未算非常滿意! 不過以卸妝水黎講已經相當唔錯喇!


而一般眼影+防水眼線都可以輕易卸走~~


最後送上水份測試的前後比較做個參考啦~~~


La Roche-Posay 產品於皮膚專科醫生診所,指定屈臣氏、萬寧以及SOGO、永安醫學護膚美容專櫃有售
DERMA CENTER 專門店:
銅鑼灣廣場1期G03 | 將軍澳PopCorn F19 | 荃灣綠楊坊G36 | 荃灣廣場238-239 |
上水廣場2樓 | 旺角朗豪坊L2-20 | 鑽石山荷里活廣場212 |
沙田新城市廣場3期A393 | 德福廣場2期 33

#LaRochePosayHKSponsored #larocheposayhk #abetterlifeforsensitiveskin #micellarwaterultra

沒有留言:

發佈留言

▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...