▌保養 ▌Keep住水嫩 ♥ Faith in Face After Shower Look水油分子精華...*

成日覺得沖完涼之後毛孔pump滿晒水份係皮膚最好果刻, 
但原來韓國某個知名節目入面做過測試, 發現在沐浴潔面後, 皮膚的水份更會倍速流走!
所以如果沖完涼洗完面唔即時好好保養, 就會錯失最佳補水時機!

早前收到 Faith in Face 送來的幾件精選產品, 都係幫皮膚 Keep住淋浴後的水嫩感!等我逐一介紹下啦!

呢枝係新推出的 After Shower Look Serum 水油分子精華!
聽個名都知唔止補水, 仲同時補油~水油都要有先可以保持肌膚水油平衡架嘛~

佢採用與肌膚油脂成分相近的天然植物成份, 
並以油滴科技配方, 把水和油打造成細小的水油分子, 
塗抹後可即時滲入肌底補充油份及深層保濕, 亦有效建立保濕屏障, 為表層保濕。

水油精華同時含有多種保濕因子, 包括堅果籽油、山茶籽油等, 能長效為肌膚補水之餘又可以以油層牢牢鎖緊水份~

精華內淡粉紅色的是以百合花、白茉莉及白蓮花製成的白花複合物, 有效撫平肌膚。
質地易推, 雖然含油份但不覺油膩, 我覺得以水油精華黎講尚算清爽呢!

沖完涼拍完toner之後第一時間就搽佢喇! 全面同2泵就夠。

皮膚係會有即時亮澤效果架! 毛孔都有少少收歛。

最近覺得眼袋同眼圈愈來愈明顯! 遮都遮唔住咁, 所以護眼方面都勤力左少少咁多啦!
呢盒 Eye Am Not Tired Eye Mask 就最適合而家的需要喇!

佢可以明亮眼周肌膚, 消除眼袋和黑眼圏等問題, 同時改善眼部血液循環, 
修復受損的眼周肌膚, 回復眼肌的健康與緊緻度。

水凝質地可以緊貼眼底皮膚, 唔會輕易掉落~

個人認為即時效果相當不錯!!!!!!

呢罐 Swan Feather Coating Cream 係驚喜之作喎!
蘊含仿生天鵝油、專利成份菇類及檀香樹提取物, 而且採用納米鎖水層導入技術, 確保養份能迅速進入肌膚深層

質地好似絲絨咁滑!!! 用完皮膚會變得平滑細緻左~尤其第2朝起身會有皮膚變好的感覺!
另外鎖水效果都好好, 滋潤度剛好也不會笠, 睡醒都唔會成面油。

呢罐Cream經臨床研究證明, 使用28天後肌膚保濕力及光澤度均顯著上升, 

而且可以均勻膚色, 令肌膚剔透亮白, 用耐左仲可以改善皺紋、色班等問題。
雖然未知道係咪真係咁強, 不過個人覺得用後感覺的確唔錯, 會keep住用!

用完當然要黎個水油測試比大家參考啦!
最後的 After Shower Look Hydrogel Mask 我一早已經分享過, 今次就唔再重覆喇~~

最後最後梗係要補返幾件產品價錢啦~~

After Shower Look Serum - HK$178 / 50ml
Swan Feather Coating Cream - HK$200 / 50ml 
Eye Am Not Tired Eye Mask - HK$75 / 盒 (4片)
After Shower Look Hydrogel Mask -  HK$87 / 盒 (3片)

查詢電話： 3580 0993
官方網站： www.faithinface.com.hk
Facebook： http://www.facebook.com/faithinfacehk
Instagram： https://www.instagram.com/faithinfacehk/

▌美髮 ▌無矽．素食．公平貿易 ♥ The Body Shop全新秀髮護理系列...*

無矽．素食．公平貿易
三個睇落毫無關係的詞彙, 到底有咩關連?

有, 就係 The Body Shop 全新秀髮護理系列 產品。

呢個系列揉合天然成份及不同質感,  不僅100％素食者適用, 並且不作動物測試;採購原料含有社區公平貿易成分, 包括厄瓜多爾的有機香蕉醬、秘魯的巴西果仁、巴西的大豆油、迦納的乳木果、埃塞俄比亞的蜂蜜、俄羅斯的木材採購及薩摩亞的有機椰子油等, 
而當中一些產品更是不含矽靈。

夏天咁熱, 中性髮質的朋友就最適合用呢個 全新富士綠茶清爽護髮系列 !

呢罐 富士綠茶清爽潔淨頭皮磨砂霜 ($139/ 240ml)可以每周作2-3次深層清潔之用, 結合日本綠茶、薄荷醇, 鹽晶和社群貿易蜂蜜, 不含矽的配方, 於按摩頭皮時有助刺激血液循環, 
同時將潛藏於頭皮的雜質如灰塵、煙、霧、汗水和造型殘留物徹底清除。

質地似更杰身少少的Body scrub! 感覺似用來搽揮春的漿糊一樣
使用前可以用小棒攪拌均勻, 然後取適量在掌心, 再加水起泡按摩頭皮!

留意返佢係可以取代洗頭水的! 不過由於我頭髮太多了, 還是用黎洗頭皮位置吧, 少少磨砂質地唔會覺得鞋恰恰, 但係用的時候會覺得頭皮涼浸浸好舒服! 按摩一陣用水沖乾淨就ok了~

洗完頭可以用返同系列的 富士綠茶清爽補濕護髮素 ($69/ 250ml) 作滋潤!
同樣係結合日本綠茶、薄荷醇, 鹽晶和社群貿易蜂蜜, 質感輕盈, 用後髮絲清爽兼散發淡淡綠茶芳香。

不過我呢種乾性受損髮質覺得唔夠潤, 所以還是比較喜歡下面這款!

同樣係無矽配方而且100％素食者適用的 香蕉滋養護髮系列 就最適合我用!

佢由來自厄瓜多爾的社群貿易有機香蕉漿製成, 一打開就勁香香蕉味!!! 適合中至乾性髮質使用, 對熱衷於近年流行的彩色染髮熱潮人士更適合呀!

香蕉滋養洗髮露 ($69/ 250ml)
溫和潔淨髮絲並保持滋潤感, 為秀髮帶來充滿活力的果香唔單止味道, 連質地都好似 Banana smoothie ! 一邊洗頭一邊好似食緊香蕉咁...
好容易起泡, 而且沖水都好快沖乾淨, 由於係無矽配方, 洗完頭d頭髮係會好似鋼線咁架!

所以一定要配合 香蕉滋養護髮素 ($69/ 250ml) 用呀!!! 用過就知點解!

同樣帶有怡人甜美果香, 可以深層滋養乾性及受損髮質, 令秀髮重現柔軟順滑質感。
我咁長咁多頭髮用呢個份量就剛好, 搽上頭髮幾下已經覺得順滑左, 頭先洗髮後的鋼線感即時消失!!!

後果圖就係用他牌普通洗護系列 VS 富士綠茶清爽潔淨頭皮磨砂霜 + 香蕉滋養護髮系列 的對比~
請無視色差, 都見到頭頂鬆厚左無咁塌!

雖然同樣都係一頭亂髮, 但都明顯見到用左之後係順滑左, d 剩餘的捲度都比較明顯有致。

髮尾表示可否不再催殘佢 XD

有適合中性、乾性髮質的系列, 點少得頭皮修護、去頭皮屑的成員架?
呢枝 生薑頭皮護理洗髮露  ($69/ 250ml) 當然亦係100％素食者適用, 
揉合斯里蘭卡生薑根、樺樹皮、白柳樹精華及社群貿易蜂蜜, 
辛辣的生薑根有助喚醒頭皮, 潔淨同時滋潤, 每日使用更有助去除頭皮屑。

有頭皮真係好肉酸架, 尤其女仔真係唔可以容許自己頭皮亂飛, 一定要對症下藥趁早解決!

我個人梗係最中意香蕉滋養護髮系列啦!
同系列仲有一枝 椰子油深層深澤美髮油 ($89/ 200ml)可以按摩頭皮或者修護髮尾, 無矽配方, 適合中性至乾旱髮質, 也是100％純素主義者適用用光家中的髮尾油存貨我一定會買黎試下!

時至今日, The Body Shop 已經有至少75%產品蘊含來自社群貿易的材料/配件, 社群貿易可以幫助不同的社群和供應商帶來穩定收入, 亦為社會帶來不少醫療、教育、衛生等資助, 購買此賣產品, 一齊實踐「持續發展，善用資源，共建豐盛生活」的理念。

http://www.thebodyshop.com.hk/
https://www.facebook.com/TheBodyShopHongKong/?fref=ts