▌保養 ▌用黃金保養 ♥ 韓國 Dr. Lee Gold Series ...*

呢篇係遲左好多分享的文章!!! 實在抱歉......收到產品後不久就爆痘了(又), 
因為是一整組保養品也不想草草了事, 結果等了兩星期才使用, 也用了三星期去試用, 拖到現在才出真的不好意思...

DR LEE@KOREA 顧名思義係來自韓國的品牌, 
而DR LEE李周赫醫生是韓國著名「KIES‧U醫學美容及皮膚科醫院」院長, 為不少著名韓星根治過無數皮膚問題!! 品牌以先進醫學提煉技術把植物中的天然護膚功效發揮到極致，並配合各種醫學級護膚成分及嶄新的幹細胞醫學成分,全線產品均通過敏感測試。

而呢個幹細胞黃金系列就係抽取24K 黃金和蓮花幹細胞成分而製成。
24K 黃金
# 黃金的傳導力強, 性質穩定, 不易引起人體的皮膚排斥 
# 有效徹底清潔肌膚堆積的污垢
# 活化肌膚的新陳代謝
# 激活細胞活力及肌膚彈性
# 延緩皺紋產生
# 美白皮膚

蓮花幹細胞成分 
# 被譽為「花中仙子」的蓮花, 經科學證實具有強效的抗氧化及保濕功效
# 可抵禦自由基侵入肌膚所造成的老化問題
# 有助延緩肌膚衰老、撫平皺紋及幼紋。

5件產品首先分享呢枝幹細胞黃金還幼水, 亦係護膚Step 1。
主要成分: 24K 黃金，Chromocare，蓮花幹細胞，酵母， 肌肱
主要功效: 能喚醒肌膚細胞、增加肌膚彈性、改善黯啞粗糙肌膚、改善鬆弛及毛孔問題

還幼水其實即係toner, 我覺得瓶口設計好差....玻璃瓶身重, 瓶口又細, 液體少少杰身唔易倒出....
結果每次用都要好大力chok先吱到一點點.....
ok講返還幼水質地, 偏杰身, 其實佢係toner+精華的混合體, 無乜香味, 用後皮膚覺得舒服軟綿綿, 但感覺唔算好補水。

眼部護理有2件產品, 首先係幹細胞黃金眼部精華原液。

主要成份：24K 黃金、蓮花幹細胞、深海魚子、人蔘萃取 及四胜肽 主要功效：有效撫平眼紋、祛黑眼圈、舒緩浮腫，增強眼部肌膚彈性，全面解決暗沉、鬆弛、皺紋等眼周肌膚問題。

泵裝設計取用方便, 質地好水好易推!!! 推開之後精華入面的黃金片狀會溶解~
不過稍嫌太清爽, 這種天氣單用它滋潤度唔夠呀~

 

所以要配呢枝幹細胞黃金還幼眼霜使用。

主要成分：24K 黃金，Matrixyl3000，蓮花幹細胞， 腺苷 
主要功效：撫平眼紋、袪黑眼圈、擊退浮腫，令眼周回復緊緻年輕

成個系列我最愛這枝!
打開瓶蓋後有一個冰感走珠按摩頭, 在瓶底輕輕按壓就會泵出眼霜, 眼霜質地好幼滑, 偏杰身, 
我會直接以冰感走珠按摩棒塗抹眼霜及按摩眼周至完全吸收, 碌完眼感覺好精神, 雖然要花一點時間令佢吸收, 
但用完之後眼紋真係會即時有改善, 化妝後眼底亦無咁易起乾紋! 

有時起身眼腫腫可以直接用佢碌眼, 唔使再雪凍小匙按摩喇xd

按完眼就要搽面霜喇, 呢罐係幹細胞黃金還幼面霜 (配還幼瘦面石)

主要成分：24K 黃金，SYN-COLL，蓮花幹細胞，腺苷，大馬士革玫瑰 
主要功效：矜強效抗皺成分，能撫平肌膚皺紋、增加肌膚彈性及改善黯啞膚色，配合還幼瘦面石按摩面部，能提升面部輪廓，重塑完美 V 面。

面霜質地就比較滋潤, 唔配合按摩我覺得會有少少heavy~

那塊還幼瘦面石同牛骨板差不多, 都係可以用唔用角度按摩面部, 每晚我都會用黎刮面, 主要會刮最困擾的腮位同虎紋。
不過因為我皮膚容易敏感爆痘, 所以我都不會按太久和太用力, 有痘痘的部份會輕輕避開。

按左三星期我覺得係有少少效~ 不過按摩真係要持之以恆, 一唔按就會打回原形 XD

最後就係呢枝幹細胞黃金睡眠面膜

主要成分：24K 黃金，Collageneer，蓮花幹細胞，積雪草， 透明質酸 
主要功效：於睡眠間為肌膚注入源源水份並促進細胞再生，能撫平肌膚皺紋、喚醒肌膚細胞、增加肌膚彈性，令肌膚回復水潤光澤、緊緻細嫩。

sleeping mask 質地都幾厚幾潤, 如果當晚我打算用sleeping mask, 我就會skip 左面霜, 直接敷sleeping mask, 等佢吸收左一半就去訓覺。塗的時候痘痘位置會盡量避開, 痘印位置會照塗。

第二朝皮膚有少少油光, 但感覺似潤澤飽滿, 皮膚無因為敷sleeping mask有敏感或爆痘情況, 
可以放心用!!! 洗面時感覺到皮膚明顯比前一晚滑溜, 唔錯!!

總括而言, 我覺得Dr. Lee Gold Series幾適合我呢種輕熟肌使用, 滋潤度夠又唔會太heavy, 我成set轉左都無皮膚敏感或者大規模爆痘情況, 推介比大家冬天用!

幹細胞黃金還幼水 $229 /130ml幹細胞黃金眼部精華原液  $228 /15ml幹細胞黃金還幼眼霜  $229 /15ml幹細胞黃金還幼面霜(配送還幼瘦面石)  $339 /50ml幹細胞黃金睡眠面膜  $229 /80ml

銷售地點：屈臣氏獨家發售 
顧客查詢熱線：2994 6677 
Website: http://www.drleekorea.com 
Facebook: https://www.facebook.com/KoreaDrLee

▌身體保養 ▌美顏排毒去水腫 ♥ 台灣即沖紅豆水、薏仁水...*

一下半身水腫係我一直以黎的問題, 為左去水腫我都試過好多方法, 

例如每晚把雙腳呈L狀90度倒吊、睡前3小時渴死了也不喝水、按摩等等...
但老實說效果都好一般, 呢一年黎聽過好多女明星大推紅豆水去水腫,
尤其係那些年的陳妍希、韓國的朴信惠, 效果都超明顯!!!
網絡上有超多教煮紅豆水的教學文, 之前我媽都在家煲過紅豆水, 蠻好喝的, 就是要自己煲有點麻煩....

早排呢幾款即沖的紅豆水、綠豆水、薏仁水、紅棗水賣到火紅火熱,
我都唔執輸, 雖然係遲少少, 但總算可以試下紅豆水和薏仁水喇!!!
每盒有30小包, 一天一包好方便!



有時自己煲紅豆水要好小心睇火, 否則煲太久的話把紅豆煲爛, 就會反而添加了熱量。
易生技的即沖劑就以特殊低溫水萃技術，以溫水代替熱水, 用高壓萃取豆中最精華的有效成份, 就紅豆來說, 萃取過程連澱粉都會去除, 每一包的熱量就只有7.2卡!!



紅豆水特點♥ 精選大顆天然紅豆，20倍萃取、濃縮而成
♥ 特殊低溫水萃技術，保留紅豆最精華的效能成份♥ 純正天然，無糖、無色素、無香精、無防腐劑、無抗氧化劑
紅豆水好處♥ 含有豐富的天然胺基酸、維生素、鐵質等，促進新陳代謝
♥ 可作為懷孕、產後，代謝、窈窕、調理的絕佳天然保健飲品
♥ 特別適合經期時，調理滋潤



由於沖劑是粉狀質地, 我會選擇先用熱水沖泡拌勻, 再視乎需要加溫水。



每次建議沖300-500 ml水, 但我覺得沖太多味道會太單薄不好喝, 所以一般我都不會沖多過300ml, 大約就一個暖杯份量。不喜歡這樣喝也可以配茶、咖啡、果汁、豆漿、牛奶等飲料。

紅豆水喝起來沒有想像中濃味, 亦有少少酸味, 後來才知道是因為含鐵質和葉酸所以味道帶酸。
尚算容易入口但說不上好好喝~~~



薏仁水特點
♥ 滴滴精萃，精選大顆天然白薏仁，30倍萃取、濃縮而成♥ 特殊低溫水萃技術，保留薏仁最精華的效能成份♥ 純正天然，無糖、無色素、無香精、無防腐劑、無抗氧化劑
薏仁水好處
♥ 薏仁含有豐富的膳食纖維、礦物質、維生素等，促進新陳代謝♥ 薏仁水有助去水腫，美白滋潤，是追求窈窕美麗的佳品




以前去餐廳吃飯偶而會點薏米水來喝, 覺得清清甜甜很好喝, 薏米也很有嚼勁~
原本以為薏仁水味道會很相似, 但意外的反而跟紅豆水有點相似, 味道較清淡, 但比紅豆水好喝~




我把兩盒都放在公司, 通常會在lunch前喝一杯, 口味看心情而定 XD
說真的由於味道不怎麼樣, 有時會忘記喝....斷斷續續連續喝了三星期左右吧!
覺得最嚴重的下半身水腫方面沒有太明顯改善, 反而改善臉腫的情況比較明顯~
另外就是我覺得紅豆水在經期後飲用, 體質感覺回復得比較快, 因為我這一年來每次period後都會覺得累好久, 但上個月我period第4天就喝, 覺得沒那麼易累, 也許是紅豆水的功勞!
而薏仁水就好明顯改善到我的便秘問題(而且相當利尿xd) !!!! 



其實我覺得呢d沖劑係要日日飲, 持續一段日子先會有明顯效果~
不過點都好過日日飲咖啡奶茶凍飲, 又唔使自己去買材料、花時間煲煮, 也是一個好選擇!
上網看到其他人分享加蜂蜜沖泡會很好喝, 我也會試一試!!! 

香港代理: 香港萬萊有限公司
https://www.facebook.com/EJIA.hk/銷售點: 萬寧

▌保養 ▌痘痘肌新寵 ♥ Heynature 活草靜肌系列...*

轉季時, 相信無論平時皮膚幾好的朋仔都總會有少少唔習慣, 
輕則皮膚乾燥, 重則敏感痕癢!
我呢種平時已經問題多多的皮膚, 一到轉季就更加痛苦!!
因為除左要面對乾燥、敏感之外, 還有爆瘡啊!!

所以每次轉季我都好似如臨大敵一樣, 要拿拿聲轉一隻既抗敏又可以平衝油脂的產品。
而今次轉季前收到既呢一個系列, 我覺得夏天時、特別係比痘痘肌用, 一樣正。

Heynature 為韓方研製的天然藥妝以及護膚品, 依據傳統韓方醫學, 經韓方美容醫生研究, 以有效的韓方草本處方、集合美容、醫學的專業知識所研發的天然護膚品。

Heynature 的名字其實來自「HEY」和「NATURE」
Health - 以獨特的蒸餾法抽取韓方草木材料的精華, 以低刺激、防敏感的配料研製, 培養健康肌膚
Energy - 韓方草本材料的萃取物, 從內到外改善肌膚, 給予肌膚能量
Youth - 多種產品得到韓國政府的「改善皺紋認証」
Nature - 以天然的韓方草本材料為配方, 產品無人造色素、人造香料、酒精, 敏感皮膚可安心使用

而呢兩枝就係主要用上韓方材料 - 魚腥草製成的活草靜肌爽膚水及活草靜肌乳液。

瓶身用磨砂設計是我喜歡的類型, 可惜只有韓文介紹。

魚腥草在中醫中被認為清熱解毒功能, 在皮膚調理上就專門針對敏感皮膚，容易變紅和痕癢，甚至暗瘡的皮膚最為適合使用。

開頭好膚淺地認為味道會好腥, 但其實係清新的草本味, 好好聞。
2枝產品質地都非常清爽! 尤其呢一枝活草靜肌爽膚水, 感覺似花水, 噴上面完全唔笠, 而且吸收度非常高!

我早晚都會用, 全臉噴5下左右再輕輕拍打至吸收。

如果遇著皮膚狀況差, 毛孔大或者覺得有少少敏感的時候, 我會用它來濕敷。

除左有即時補濕的功效之外, 仲可以舒緩返有少少唔妥的皮膚, 毛孔仲會即時收歛。

呢枝toner我覺得超級好用!!! 係急救必備~~~

而呢一枝活草靜肌乳液成份同toner一樣都係魚腥草, 質地一樣走清爽路線, 質其話係清爽, 應該話剛推開的時候覺得好潤, 但一推完佢好快吸收晒, 開頭以為咁實唔夠持久啦....丫又唔係喎, 反而覺得剛剛好, 唔會繃緊。

如果係皮膚唔多妥的日子, 我會搽厚身少少, 再輕輕按摩5分鐘, 之後皮膚就會明顯得到舒緩, 仲好似好飽滿咁!
除左魚腥草之外, 兩枝產品都加入左荷荷巴油、甘草提取物和葡萄種子油, 令皮膚回復彈性, 色澤更均勻, 我覺得係滿意既!! 

用左至少一個月, 除左對敏感乾燥有改善之外, 對於容易起暗粒的痘痘肌膚很有幫助。它雖然無法改善痘痘狀況, 但係可以舒緩因為痘痘引起的泛紅同敏感情況, 我覺得痘痘肌人士使用會覺得皮膚非常舒服, 丁且對於平衡油脂有不錯的效果, 不妨一試。

http://www.heynature.com/shop/view.asp?id=189http://www.heynature.com/

今天分享就這樣。

▌保養 ▌發掘新用途 ♥ CLINIQUE Moisture Surge Extended Thirst Relief...*

一直都知 CLINIQUE Moisture Surge 係冬季恩物, 
但奈何家中實在太多待試產品......
今次剛好遇到試用, 我就毫不猶豫把面霜給換掉了!!

呢罐有咩特別? 它是CLINIQUE將現時的配方進一步改良而推出的 Moisture Surge Extended Thirst Relief深層特效水嫩補濕霜, 賣點是無論氣溫與濕度如何轉變, 補濕功效仍可長達足足24小時。

深層特效水嫩補濕霜採用的嶄新補濕技術，能幫助肌膚適應各種變遷。一經塗上，肌膚即感受全新的水漾滋潤，並可全日或整夜補濕。而且強效補濕成份多到記都記唔晒呀:

♥ 漏蘆糖(Trehalose) 及山梨醇(Sorbitol) - 幫助肌膚從外在環境中抽取水份 ; 減少因水份不均衡而產生乾燥

♥ 水解伸展蛋白(Hydrolyzed Extensin) - 幫助肌膚抵禦室內外的溫差, 並將水份鎖住

♥ 透明質酸碎片(Hyaluronic Acid Fragments) - 持續將水份粒子連結在一起, 有效地鎖住肌膚的水份

♥ Hydroxyethyl Urea - 與強效的甘油(Glycerin)相輔相成, 瞬間發揮補濕作用

♥ 蘆薈葉水份調製之 +/-活化水(Activated Water) - 能增強肌膚吸收水份的能力, 具舒緩及鎮靜肌膚的效能

♥ 維他命E衍生物(Tocopheryl Acetate)、綠茶(Green Tea) 及維他命C磷酸鎂(Magnesium Ascorbyl Phosphate) 

脂質體(Liposomes) - 強效的抗氧化劑

♥  脂質體(Liposomes) - 有效修復肌膚屏障的鎖水功能

CLINIQUE 的所有產品都通過過敏性測試, 百分百不含香料, 不含油份。

產品中亦含矽靈(Dimethicone) , 能保持肌膚表面的水份充沛, 其潤膚功效一直備受推崇, 加上質感幼滑豐盈, 令塗抹舒適容易。 

(對於矽靈對皮膚的好與壞, 可參考這篇寫得蠻中肯的文章: http://mypaper.pchome.com.tw/cher0341/post/1311515848)

產品延伸性好高!
平時我地用Moisture Surge大多會當作日常補濕面霜使用, 
但原來佢仲可以用作鎖水保護膜(塗上所有面霜/精華後再塗上一層成為保護膜), 或者妝後補濕用, 
但我覺得最好用的方法, 就係當救急mask用!!!!

厚敷一層上面 (好心痛其實)
然後等5分鐘洗淨。

敷後明顯比之前飽滿而且無咁乾, 額頭乾紋無左, 兩旁毛孔因為有水份而收歛。

水份度升得非常多!!!
相比當面霜用的效果好多了~~~(前提是你要捨得用來厚敷XD)
如果真係唔捨得, 都仲有辦法既!

就係用呢枝全新Moisture Surge Overnight Mask 水嫩補濕晚間面膜!

最愛佢不含油分! 不但深層滋潤及紓緩肌膚乾燥感, 更能全面提升肌膚的鎖水能力。

成份方面除了有Moisture Surge 的漏蘆糖(Trehalose) 及山梨醇(Sorbitol)之外, 亦加入了:

♥ 棕櫚籽果油／小麥糠萃取液／橄欖萃取液 - 有助增加細胞間脂質, 修護及加強肌膚屏障功能。

♥ 乳木果油／芒果油／紅石榴固醇 - 令肌膚即時和長期獲得深層的滋潤和充足的水分。

♥ 多種海藻萃取液 - 紓緩敏感, 保護肌膚免受環境的侵害。

♥ 咖啡因／蔗糖 - 有效紓緩和鎮靜肌膚。

♥ 海蘊萃取 - 抗敏及紓緩的效能, 鎮靜肌膚。

♥ 甜沒藥萜醇 - 對抗炎症, 紓緩敏感不適的肌膚。

話明overnight mask 梗係要overnight用!! 我會臨訓前半小時就塗好, 就無咁容易整到床單枕頭袋污糟晒!

基本上半小時佢就無晒白色, 安心訓覺!

第2朝一起身就影相!! 唔算泛油得好勁~

而且水份度都真係有上升啊~~~~對於我這個不太喜歡sleeping mask的人來說, 感覺不錯!!

如果你屋企有CLINIQUE Moisture Surge, 係時候拎出黎試下厚敷喇!!

Moisture Surge Overnight Mask水嫩補濕晚間面膜 HK$290(100ml)
Moisture Surge Extended Thirst Relief深層特效水嫩補濕霜 HK$365 (50ml) 

於CLINIQUE各專門店及專櫃隆重登場。
店舖查詢 : 3188 1112。