▌日常 ▌節日送他天籟之音 ♥ 耳罩式 SUDIO REGENT 開箱+試用...* ... ...

早前分享過來自瑞典斯德哥爾摩 Sudio 呢個牌子的耳機開箱同試用, 

男友表示Sudio Vasa好好用, 線唔會打kick之餘音色真係幾好, 出街用一流!
而今次的耳罩式藍芽耳機 SUDIO REGENT 就最適合去cafe靜靜地聽歌同埋o係屋企打機喇!!

每個weekend我地都好中意搵間cafe坐一個下午慢活人生。
有時會兩個人各自睇下書(多數是旅遊書), 有時會自己上下網, 有時又會share一d有趣短片一齊睇
一起享用美食之餘又可以擁有少少私人時間,
而 cafe 多數比較靜, 泡一個下午聽聽歌看看書真係人生一大樂事呀!!!




呢款天籟之音 Sudio Regent 係 Sudio 新推出不久的無線貼耳式耳機
有黑白兩色可選, 以前覺得呢d耳罩式耳機好大舊好笨重, 但係Sudio Regent設計得比較輕巧, 拎上手完全唔覺重! 諗左好耐要黑定白, 最後因為老土地覺得黑色比較襟污糟!



耳機的抽屜式包裝我好中意!!! 因為好實用, 唔使裝返headphone都可以裝其他野!
包裝內有耳機本體、用戶手冊、保養服務卡、充電線、音頻連接線和使用指南。


耳機表面做左磨砂及拋光處理, 睇落簡約又唔老土~
牌子亦都唔會大大個牌勁明顯, 夠低調!



拉返上首圖就會留意到耳機係可摺疊式設計, 方便收納, 而調整耳機時亦只需簡單拉上拉下就可以, 無複雜機關架!


耳機操作都算簡單, 三個按鈕就可以控制晒開關、大細聲、選歌, 耳機仲配備mic 可以接聽電話。
而連接藍芽亦非常方便, SUDIO REGENT採用 Bluetooth 4.1技術, 打開手機藍芽再search就即刻搵到, 一按就配對到架喇。



藍芽耳機最煩應該就係要叉電的問題
SUDIO REGENT的電池持續時間可以達到24+小時(不間斷使用)或者20天(待機狀態)而快速充電時間只需要10分鐘, 完整充電就要120分鐘。



我就特別中意佢既皮製軟墊, 舒適又唔會好緊, 可以緊貼頭部唔會滑落。
 
試過就會咩叫天籟之音, 耳機設計可以完全cover耳仔隔絕外來聲音, 聽歌睇劇都特別正!



心水清都可以留意到耳機個耳殼有唔同!
因為SUDIO REGENT係可以換耳殼架!!


暫時推出左4個款式, 我就揀左大熱雲石紋~~



換耳殼亦極之簡單, 用手指按壓旋轉就可以拆開耳殼~雲石紋好有質感! 黑色配黑色好低調但又有detail位~
而家連耳殼都可以係fashion一種喇!



我諗最令我impressed 就係佢既輕量~拎出街唔會覺得好重, 因為我個袋已經好重, 有時連水都懶得帶....



最後仍然有讀耆優惠!!
凡於Sudio官網（香港站）購買任何產品, 輸入優惠代碼「winwin」, 可享85折優惠!而家經網上購買仲送 iphone / samsung 大理石紋手機殼!!!!!!!(全港免運費, 一年保養, 網上購買可享免稅優惠)
唔好錯過喇~~~

www.sudiosweden.com/hk

Instagram: /SudioSweden   #sudiomoments    
Facebook: /SudioSweden   @SudioSweden

 

▌保養 ▌掃走皮膚毒素 ♥ 初試冰蟲草活肌療程...*

雖然而家化妝品已經進化到同時可以係護膚品,
但我諗應該無人會反對, 唔化妝的皮膚點都好過日日化妝的皮膚~
而已經習慣日日化妝的我, 雖然每日都會花好多時間仔細卸妝洗臉, 表面係好似好乾淨, 不過滲入皮膚的化妝品/保養品入面日積月累的重金屬、毒素等, 就點洗都好難清走晒......

今次試做既冰蟲草活肌療程係一個皇牌抗衰老療程, 仲聲稱可以真正掃走皮膚底層毒素之餘更有效修復受損細胞, 到底有幾勁呢??

呢個冰蟲草活肌療程係o係Beau-Style進行! Beau-Style 開業已經踏入15年, o係佐敦、旺角和元朗都有分店。除左皇牌脫毛療程之外, 仲提供瘦身、無創微整形、暗瘡治療、面部護理、頭髮護理等療程, 而每位治療師均受過 「國際一級儀器專業使用培訓」。

我今次就黎到佐敦旗艦店進行試做。店舖位置好方便, 地鐵站D出口行1分鐘就到!
環境雖然唔算好大, 但舒適整潔, 今次我用的美容房間都幾大~~

療程進行之前聽聽療程介紹先!
冰蟲草活肌療程係以清宮秘方作為煉藥根基, 由冬蟲草配合世界各地搜羅最高抗氧成份的草本植物, 提煉出高濃度純天然萃取草本藥末及精華, 透過獨特的 BDT, PET 提取法, 排走一直殘餘在毛孔內的化妝品/護膚品等有害毒素、徹底清理皮膚深層的殘餘重金屬、同時修補受損細胞。

呢個療程其實可以做埋眼皮肌膚! 不過療程前早幾日先接好睫毛, 所以就忍痛請美容師盡量避開眼皮位置了。
療程賣點除左係材料之外, 最重要既係佢係全人手進行! 唔需要透過任何器械進行架~~~
卸好妝洗完面, 就事不宜遲開始喇~

美容師首先會將純天然草本藥末及抗衰老精華混合後搽上面, 再用特製的掃慢慢打圈按摩, 
精華就會慢慢變成顆粒狀, 而且顏色會愈變愈深!
打圈的過程就係透過精華吸走肌膚及毛孔內的殘餘物, 帶走污垢、毒素及重金屬, 
亦因此精華的顏色會由鮮黄色慢慢變成鐵銹色, 如果愈多污物就會愈深色架......!

美容師首先幫我做左半邊面做下比較~

呢d就係完成之後剩返落黎既「鐵銹」喇.................好彩都唔算好深好深色!

做左半邊面真係見到皮膚係剔透d, 未做果邊比較暗啞!
療程使用的純天然草本藥末和精華擁有高濃度抗氧化成份, 可以加快皮膚自我更新能力並修補受損細胞, 有效阻礙肌膚老化, 撫平粗糙和皺紋, 佢地亦係以低温冰封處理, 完全不含防腐劑, 冰蟲草保存期亦只有3個月, 以確保其藥效能達到應有的效果。

最後敷返個保濕mask就完成整個療程喇~
係咪發現過程好簡單, 連針清、deep clean、導入之類既步驟全部都無呢????

但係, 無做到呢d steps, 都可以見到皮膚係即時有改善!!!!! 
毛孔勁乾淨, 皮膚又透亮有光澤, 我覺得都幾驚喜!!
最正係皮膚完全唔會泛紅 (紅紅地既係我本身d痘痘仔), 真係好耐冇試過素顏唔使戴口罩走~

冰蟲草活肌療程係針對對化學物過敏、有嚴重暗瘡/暗粒、老化的肌膚, 
做完之後下巴的細小紅腫痘痘和痘印都有改善~~~都算係bonus喎~~
而療程期就建議一星期做一次, 改善後的保養期就可以1-2個月先做1次~

最後就講講價錢, 冰草蟲活肌療程原價$2580, 新年優惠只需要$680。
有興趣可以去以下網站登記: https://goo.gl/j3wBSe      

BeauStyle官方網站：www.beau-style.com.hk
Facebook：https://www.facebook.com/beaustylebeauty/

▌美睫 ▌化妝又快左 ♥ Bio Nature Beauty 接睫毛之後素顏都精神...* ...

為左朝早可以訓多幾分鐘, 卸妝又快少少, 素顏都唔使咁殘, 
貪方便又貪靚我又心思思去左接睫毛喇

其實呢幾年我都接過好幾次睫毛, 每次其實都只係last到一個月左右
自己的真睫毛仲多多少少都會隨住接的睫毛甩掉少許, 不過只要睫毛夠健康就問題不大~
加上平時自己捽眼都會甩啦, 所以我都唔係幾在意呢個問題~

早幾次接睫毛的經驗都總有不同的感受, 
例如美容師手勢唔好一邊整一邊澀眼又拮眼、膠水質素差好易掉毛等等
今次都會主要留意呢兩樣野!

今次就係黎到荔枝角的 Bio Nature Beauty 接睫毛喇~~
這家樓上小店開業不到一年, 主打使用天然有機產品!
地點非常易找, 地鐵站B1出口走兩個街口就到了~

上了電梯就乘搭升降機就到了!
這裡連洗手間都好乾淨整潔, 而且還有Locker提供, 對於租戶和客人都好方便呀~

小店雖然地方不算很大, 但環境很舒適!
特別喜歡這邊的休息和梳妝的小小空間~

雖然店面空間不大, 不過美容房間卻頗寬敞沒有擠迫感~連給客人放東西的櫃子也超大的!
大家有試過做facial的房間連手袋都沒位放嗎? 我就試過好多次要擺地下喇............

未開始之前就睇睇我本身睫毛狀況先!
睫毛都幾健康, 濃密度都唔錯, 不過就有向下生長的情況, 所以美容師建議我接一些弧度比較不誇張的睫毛, 以免假睫毛跟真睫毛的弧度分別太大 ; 而我的眼型就適合圓眼型睫毛, 再加上平時會戴眼鏡的關係, 長度就不會太誇張~

Bio Nature Beauty 用的都是日本/韓國的睫毛材質, 也可以選北美水貂毛、宇宙鑽、黑鑽、蠶絲纖維, 賣點是溫和不薰眼。
接睫毛有很多需要耐性和細心的工序, 事不宜遲即刻開始啦!

呢位就係美容師Niki喇~~~人又靚又nice!!!

首先要清潔雙眼, 眼妝都會先卸乾淨。

然後就會貼上滋潤成份的eye mask, 開始一根根接睫毛。

Niki 手勢超好!!!!
溫柔手勢加不會澀眼的膠水, 令我盲拍了幾張照片之後就入睡了。
之前都有試過接睫毛期間一直被膠水滲眼好不舒服, 今次真的是太享受了。

沒多久已經接好一隻眼了! 有接跟沒接真的明顯有差~~~

好快接晒雙眼睫毛了~前後才用了不到個半小時, 我認為算好快手呀!!!
接好睫毛之後覺得好自然不誇張, like!!!!!!!!!!!
剛剛接好睫毛之後3-5小時不沾水的話, 就可以keep得更好~
還有3天內要避免去高溫場所例如溫泉和桑拿~~~

黎個多角度近鏡先! 真係邊個角度都好精神好sharp, 真係接過睫毛就會明點解會沉迷.....

有時返工真係好趕, 連畫眼線的幾分鐘都可以慳返, 或者只係補少少眼尾就已經ok 可以出門。

出街有時間化妝, 但唔使夾睫毛搽睫毛液又要怕佢染暈, 超級方便!!!!!!!!!!!

唯一覺得少少麻煩就係卸眼妝唔可以再亂抹亂捽, 亦唔可以用卸妝油, 以免令假睫毛容易歪掉和甩掉。
為了卸妝方便少少, 我會唔畫內眼線(接睫毛後已經會形成自然的內眼線), 然後用眼影替代眼線筆畫眼線~
只有眼尾用眼線液補少少尖尾, 咁就會易卸好多~~~

接睫毛之後對我黎講最緊要係睡覺時不能把臉埋在枕頭內XD
而且起床時有時會忍不住捽一捽眼..........接好後第2天我不自覺捽了一下立即驚醒, 幸好沒掉毛XDDDDD
大概到第3天才掉了一根, 雖然每天都有仔細梳理, 但到現在不到兩星期就開始有點亂, 經驗告訴我應該是新睫毛開始長出來了~ 但是兩星期可以Keep到呢個程度都好滿意呀!! 要keep住最靚狀態的話, 正常2-3星期就建議需要開始修補了~

最後同大家講講價錢先!

貂毛
$480/150根
$600/200根
$800/300根

其他材質
$420/150根
$520/200根
$690/300根

買$3,000 就會送$300, 買$5,000 就會送$800~~
店家會不定期推出優惠, 記得留意住facebook喇!

Bio Nature Beauty
https://www.facebook.com/bionaturebeauty/

▌保養 ▌一片搞掂夠方便 ♥ KOSÉ Clear Turn深層極緻修護EX面膜...*

KOSÉ 的產品一向都係走價錢唔貴而又質素又有一定保證的路線, 

成日睇廣告見到阿Sa賣呢款袋裝面膜好似好吸引, 最後終於有機會試!

足足試左半袋, 係時候分享一下感受喇~

高絲Clear Turn 深層極緻修護EX面膜 1包有40片, 係! 你冇睇錯, 係足足40片, 價錢只係$98, 計返都係$2 多少少有一片。
比起市面好多袋裝面膜, 價錢一d都唔輸蝕, 份量好夠, 拎上手真係相當重。

而佢既賣點, 就係專為30-50歲女性而設, 一片面膜就可以有8個護膚功效, 
可以代替化妝水、緊膚水、美容精華液、乳液、按摩、眼膜、面膜、乳霜!
係咪真係咁神奇呀?

根據資料顯示, 成份方面蘊含高保濕成分, 包括輔酶Q10、Lipidure®、摩洛哥油、膠原蛋白、透明質酸、天然保濕因子, 可以修復肌膚細胞, 加強肌膚機能性, 對抗日常傷害。
而它的極．滋潤配方, 能有效軟化肌膚角質層, 令肌膚回復水潤光澤、飽滿彈性, 收細毛孔同時令肌膚回復緊緻。

而最重要既係, 呢款面膜係弱酸性、無香料、無着色, 對於皮膚的刺激相對會較低較安全。

打開面膜袋就見到40片面膜整整齊齊, 稍為用力擠一下都可以見到好多精華液!

面膜紙由日本製造, 而且係由對比KOSÉ 其他面膜加厚1.5倍的Beliseme棉籽絨製成, 
提升密著感, 可以緊貼眼角、嘴角處等微細部份, 而且能夠鎖緊精華, 提供更多美容液至角質層最深處。

鎖緊精華呢一點的確做得唔錯, 精華液雖然唔算多, 不過完全冇滴漏情況。
不過我還是比較喜歡薄身的面膜紙, 鼻翼位都係爭少少, 太陽穴位置莫名地闊XD

一般敷mask前我都會用toner打一打底, 既然呢款聲稱自己一片頂8樣skincare我就試試洗完面即刻敷~
敷10分鐘就取下。

本身因為缺水而泛紅的位置都有改善到, 所以整體膚色比之前均勻。
下巴中間的痘痘都有明顯舒緩!

仔細睇我個人覺得眼底乾紋都有少少滋潤到~~

水份的提升同想像中差不多, 頗滿意!
撕掉面膜之前我習慣都不會再沖水, 只會按摩至吸收。
通常袋裝面膜的精華一般都偏各清爽, 按兩按已經吸晒唔係好夠潤, 表表者係日本LU牌的袋裝面膜....
不過Clear Turn呢款就明顯覺得精華係滋潤型, 但完全唔笠, 試過之後唔搽cream都唔覺得繃緊, 而且短短十分鐘都會覺得皮膚柔軟左。
雖然效果不至於驚為天人, 但絕對對得起這個價錢, 日日敷都唔心痛, 而且袋裝面膜夠環保呢一點都係抵讚既。
個人認為早上用作快速補水最為適合, 之後上妝會好貼; 但如果作為laser treatment / facial 之後的急救用就未必夠力。

留意返KOSÉ COSMEPORT Clear Turn深層極緻修護EX面膜係萬寧獨家發售, 
想知更多產品資料可以瀏覽KOSÉ COSMEPORT的Facebook專頁:
https://www.facebook.com/kosecosmeporthk