連續幾個月精神處於麻麻地的狀態, 皮膚都一樣唔好受, 毛孔粗大又粗糙, 面色唔好,
為左遮住殘樣, 所以最近個妝都厚左, 但係化完妝唔夠半日又好易脫妝....
但係! 最近用的呢幾枝新產品完完全全為我帶來一絲曙光!!
講緊嘅係LANCOME 兩款產品
左和中係全新的 Lancôme Teint Idole Ultra Wear Liquid Foundation 極致持妝輕透粉底液
右邊係 Lancôme LA BASE PRO 妝前柔滑隔離霜
呢枝LA BASE PRO已經係2009年研創, 獨有的 Elasto-Smooth 科技有效折射光線, 可以修飾幼紋、毛孔及瑕疵。
雖然摸落滑嘟嘟咁但其實不含油份, 推開質地好輕盈, 用一泵份量已經可以夠全面用喇。
用左真係會有霧化瑕疵的功效, 尤其對於下巴經常生粒粒凹凸不平, 搽左LA BASE PRO 之後會有柔膚效果,
之後上粉底都會smooth d, 整體妝效會平滑好多!
跟住就係重頭戲!
Teint Idole Ultra Wear Liquid Foundation 極致持妝輕透粉底原本係歐美系列, 而家推出全新亞洲版配方, 能持妝18小時!
一次滿足「持妝、高度遮瑕、自然輕透、水潤」四個願望, 打造空氣感零瑕持久妝容。
最鐘意粉底設計成泵裝! 方便又衛生!
手上有B - 01 及BO - 04 色, 前者較淺色偏白, 後者自然色系跟我膚色好配合!
質地好水潤唔厚重, 好易推。
我習慣用手指將粉底點在全面再用海綿推開, 第一次用已經驚為天人!
因為除左延伸性高之外, 薄薄一層已經有足夠遮瑕度, 可以順利遮住我鼻側和唇上的泛紅!
下巴只要沒有紅腫痘痘, 基本上一層已經遮到8成瑕疵, 只需要在痘印位置補少少遮瑕膏就搞掂!
粉底仲有吸油成份可以幫忙吸收油脂, 所以坐足4-5小時到中午食飯都未脫妝喎!!!
另外值得一讚的是我覺得粉底遮掩色斑蠻出色!
大家都知色斑其實好難遮, 就算用遮瑕膏一點點遮都未必完美, 所以好多時都係靠Highlight或者打重少少底妝去遮, 但就會好明顯厚妝...
但我覺得用薄薄一層Teint Idole Ultra Wear已經可以blur左大部份色斑, 勁正呀! 夏天用真係幾唔錯~~~
唯一缺點就係如果毛孔粗大的位置一定要好輕手, 盡量唔好重新沾取粉底, 只用海綿上剩餘的少少粉底用黎遮毛孔粗大的位置就OK!
另外粉底已經具備 spf38/PA+++, 雖然我都會搽防曬打底, 不過有時急住出門單用粉底都唔怕!
拍完試用照片之後下巴又爆瘡, 試過唔用綠色Base調色直接用粉底遮, 效果都算滿意,
方法就係薄薄全面上完粉底之後用遮瑕掃沾取少量粉底混合少少遮瑕膏, 就會令到粒瘡無咁乾而且夠遮瑕度。
總括黎講真係好滿意呀!
同系列仲有 極致持妝輕透氣墊粉底 和 極致持妝遮瑕膏 都好吸引, 而且價位唔高, 有機會一定要試下!!
LA BASE PRO妝前柔滑隔離霜 $320/25ml
Teint Idole Ultra Wear極致持妝輕透粉底液SPF38/PA+++ $390 9(12種色調選擇）
Teint Idole Ultra Wear極致持妝輕透粉底液SPF38/PA+++ $390 9(12種色調選擇）
#LancomeHK
#TeintIdole
#空氣感零瑕持妝粉底
沒有留言:
發佈留言