2019年2月12日星期二

▌保養 ▌輕鬆不hard sell ♥ 尖沙咀 Hana Beauty 無針水光...*

過年前好忙好忙好忙, 難得有一日無咁遲收工, 第一時間就想book個facial 休息一兩小時,
順便幫疲倦肌膚recharge一下! 自己個facial package就快完, 心思思想搵第2間試下,
今次就經朋友介紹去左尖沙咀 Hana Beauty 睇下有咩新treatment適合自己!



之前去開的美容院都係尖沙咀, 不過 Hana Beauty 更加近我, 收工行去都係15分鐘ja勁方便!
上到去見到環境都唔錯, 做facial 間房好大!!!
仲有落地玻璃! 小店黎講都好少見呀, 見到個環境心情都開始覺得放鬆~





呢度除左facial仲有body treatment做, 所以房間入面有埋淋浴間, 連梳妝台都有埋, 唔使行黎行去, 好方便!



換件袍就準備同美容師傾傾到底有咩適合我的療程喇~~~
原本想了解下RF呀HIFU等等的新機, 不過美容師睇到我d皮膚好易泛紅同敏感,
明顯係嚴重缺水, 而我都坦白講返我下巴位置成日生d石頭瘡,
美容師就同我分析返除左本身皮膚缺水, 相信其中有d原因都同我腸胃不順有關, 畢竟皮膚問題好多都係由內到外咁發出黎, 除左運動, 都可以考慮做d 排毒的療程雙管齊下。
傾完一輪, 美容師建議我今次做個補濕為主的 無針水光療程,
尤其係我皮膚有少少敏感, 帶熱能的療程都唔好做住, 最緊要係補左水先!



呢排唔知做咩, 下巴成日會生d細細粒瘡仔, 第2日起身又可以突然間無晒咁,
鼻翼兩邊最近又好似成日紅紅地痕痕地咁, 煩到爆呀!!!



原來無針水光機好似以前打斑果d機咁, 睇落似一把槍, 做的時候都係好似開槍咁一下下打出黎
不過無完全無痛, 亦唔係入侵性療程, 唔會整到皮膚有傷口, 打出黎的都係精華。
過程係逐少逐少咁打, 都幾舒服!



過程都幾快~大概15分鐘左右就打晒全面, 打完雖然仲有d泛紅, 但感覺到皮膚好水潤呀!




最後敷埋個舒緩保濕mask, 呢個mask好正, 好貼面!!!



敷完d泛紅即刻改善左好多!!!
搞掂走人先發現原來傾左咁耐又做埋個treatment先過左大概個半小時,
而美容師期間都比好多專業意見我, 例如身體狀況點樣會影響皮膚, 皮膚點解會乾、點解會油, 又比好多平時自家護理的建議我, 例如可以適量使用護膚油去鎖水, 反而完全冇sell過有咩療程, 又無狂踩我d皮膚(最憎!!!), 感覺幾好!
下一次我都打算試下有冇d 適合自己的body treatment做返個好循環系統, 希望可以由內到外幫到皮膚!

Hana Beauty
地址: 尖沙咀加連威老道77號開麟中心8樓全層
電話: 3621 0556 / 5467 6428
Facebook: https://www.facebook.com/Hanabeautyhk/

沒有留言:

發佈留言

▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...