▌活動 ▌亞太區總決賽 ♥ 2015 Mary Kay® Dream Beautiful 美妝大賽...* ...

Mary Kay舉辦的第三屆Dream BeautifulTM美妝大賽亞太區總決賽經過不同類型的巨星級深造課程之後, 
已於2月23日於啟德郵輪碼頭順利完成喇~~~
當晚招待了超過500名賓客, 包括各玫琳凱的貴賓、傳媒友好及獨立營銷團隊, 他們一同見證22隊跨越亞洲踏上總決賽舞台的組別在台上大放異彩。

星級評判團方面, 包括國際超模Karolina Kurkova、韓國星級化妝師Sunjin Kim、玫琳凱國際星級化妝師Luis Casco及星級攝影師Jason Capobianco!!!


這篇就來個簡短的賽事結果報告啦 :)

下三位出類拔萃的Dream Beautiful™ 模特兒已經誕生, 正式成為Mary Kay的亞太區代言人喇!!!

呢位就係香港區代表 Crystal Fung! 果然係有主場之利架~~~~~

呢位就係中國代表 Zhang Ying, 好有時尚感!

而呢位就係馬來西亞的代表 Corvina Chong, 笑容好少女好甜美呀!!!

而且仲有一位獨立美容顧問更勇奪「亞太區美容師大獎」的殊榮, 她係香港區代表 Vicky Lai, 為港爭光!!!

上面四位優勝者即將出發紐約, 參與Mary Kay的全球攝影環節。
而勇奪「亞太區美容師大獎」的美容顧問Vicky更會得到Mary Kay全球發行的雜誌Applause Magazine公開表揚, 讓她的榮譽於亞太地區得到所屬國家的認同。
而稍後, 她們更有機會代表玫琳凱出席不同類型的座談會作講者添!!!

今年的活動就完滿結束喇, 相信無論係參加者定係嘉賓都會記住呢一場盛事!下年再見嚕~

售賣點: Mary Kay香港總公司

九龍彌敦道345號宏利公積金大廈12樓1202-03室

查詢電話: 800 906 833

網頁: https://www.marykay.com.hk

Facebook : https://www.facebook.com/MaryKayHK

▌活動 ▌巨星級深造課程 ♥ 2015 Mary Kay® Dream Beautiful 美妝大賽...* ... ... ...

早排講過Mary Kay®已連續兩年舉辦了 Dream Beautiful 美妝大賽, 每年都吸引不少美容顧問及模特兒參加, 
而各亞太區總決賽的參賽隊伍，更獲享千載難逢的專業培訓機會，接受由國際級專業化妝師、造型師、模特兒等主理的全方位專業培訓及指導，當中包括接受韓國星級化妝師傳授化妝技巧!!

所以早前我就去參與一下由韓國星級化妝師 Sunjin Kim 為參賽者度身訂造專業及舞台彩妝課程 ♥

當日準時早上9時到達會場, 想不到一眾美容顧問及模特兒已經準備就緒, set好架步, 
一邊執整自己的化妝用品、一邊為肌膚做好保濕, 準備迎接星級化妝師的指導。

當中有來自香港、台灣、馬來西亞、澳洲和中國的參加者!
不同城市的參加者衣著打扮也各有特色, 一眼便能分辨出來。

大家的妝備都好豐富!!!! 
我們就對這盒眼影唇膏 Palatte 最有興趣~~眼見現場有好多位化妝師都有用佢呀!!

呢一位就係韓國星級化妝師 Ms Kim, 而當日大會亦準備左即時傳繹比大家聽, 
不過美妝技巧真係世界通行, 幾乎不用怎聽, 光是看她的示範也獲益良多。

Ms Kim 示範完日妝, 大家就照著指導練習, 之後再教轉晚妝, 好多美容顧問都好快手呀!!!

而我地就不禁被下面這位韓國的模特兒吸引著, 總是目不轉睛看著她的化妝過程...韓國女生皮膚真係透亮架, 好羨慕~~
她的美容顧問都好有料到! 三兩下手勢就化到好sharp!

雖然我們沒有落手落腳參與, 但在現場睇住每一位努力練習都覺得好熱血啊~~~

workshop 尾聲的時候我地幾個仲膽粗粗上台同 Ms Kim 合照, 
你睇我幾僵硬 XD

WORKSHOP 後幾日就係第三屆Dream BeautifulTM美妝大賽亞太區總決賽, 雖然我有事未能出席, 
但都會作為紀錄寫返少少當日的活動情況架!! STAY-TUNED~

▐ 保養▐ 一個月肌齡減 5歲? ♥ SK-II GenOptics 新品試後感...*

上個月分享過SK-II GenOptics 新品, 不知不覺已經用左1個月了!

數數手指都有幾年無用過SK-II的美白產品, 今次的試用無論係感覺上還是數字上, 
都令我好滿意!

首先要回顧一下先! 呢兩枝產品分別係:

左: SKII GenOptics Spot Essence 肌源淨斑精華 (早上用)

右: SKII GenOptics Aura Essence 肌源鑽光精華 (晚上用)

兩者配合使用, 可以舒緩紫外線造成的肌膚傷害, 同時抑制黑色素持續增生。

另外, 經由與細胞溶酶體的交互作用, 可快速分解已累積於細胞的不良蛋白和黑色素, 深層代謝隱藏於肌底的斑點。

有好多朋友(包括我)都唔係太肯定每一次用保養品的份量應該要幾多, 用得多皮膚會有負擔, 用得少又會令效果大打折扣。

所以SK-II今次兩枝新品, 瓶蓋採用左新方法, 扭開瓶蓋的同時, 已經將足夠一次份量泵出來, 只需要將瓶蓋一按到尾, 拿到的份量就是一次的用量了! 個人黎講好欣賞呢個設計!! 因為我真沒想到用量係咁多架~~~~

下面就係一次份量喇, 真係比想像中多, 但用落就知呢個份量剛剛好~

晚上用的 Aura essence 比早上用的 Spot essence 有亮澤多一點, 但推開質地很接近。

呢個份量, 搽勻全面+頸再按摩一陣已經吸收晒!
吸收度比想像中高好多呀~~一d都唔笠, 搽完皮膚感覺舒服, 而且滋潤度都足夠。

就係咁, 不知不覺用左足足一個月喇!!
唔知大家仲記唔記得我在試用前接受過 Magic Ring 測試?
剛剛一個月後, 我又黎做多次, 睇睇皮膚有冇改善?

嘩~~~~~Magic Ring 測試結果比我想像中好好多呀!!!
呢個百分比, 係代表同年齡的100個人入面, 你排喺幾多人前面。
Before 的總分 49, 代表同年齡100人入面, 我排第51。
而After 的總分 79, 就代表同年齡100人入面, 我排第21。每一個細分都係咁樣解釋。

好似好複雜, 不如睇下呢個圖, 可能會易明d!

右下角可以睇到我 Before 的肌齡, 平均黎講都低分, 唔合格, 肌齡差少少就同真實年齡一樣....
而左下角的肌膚雲亮測試, 就可以見到我皮膚最透亮的範圍, 而分數就只有66。

 
而 After 的肌齡部份, 是讓人吃一驚的效果! 足足年輕了5歲! 5個範疇都有進步!
右上角仲測到肌膚緊緻度少於10度, 証明相當緊緻。(可惜之前沒分析這個問題沒能作比較...)左下角的肌膚雲亮測試, 就可以見到我皮膚最透亮的範圍變大了, 而分數就升到73!

睇返皮膚的前後比較, 我都覺得係有改善的~~~
不過唔做Magic Ring同雲亮測試都無諗過原來數字化後的皮膚狀況會有呢個改善幅度!
自己都好滿意呀!! 

其實我一直認為自己皮膚真係隨住年紀慢慢變差, 尤其腸胃唔好令暗瘡問題都無法根治, 氣餒的心情都總會有...呢段期間除左試用SK-II GenOptics 新品之外, 我都本住「做得幾多得幾多」的心態, 勤力少少按摩同埋過年後每晚12點前就訓, 原來真係有效果架......我相信係內外夾攻先有呢個效果, 所以我希望自己可以 keep住呢個生活同保養習慣, 希望有一日真係可以change my destiny啦~

https://www.facebook.com/SKIIHK/
http://www.sk-ii.com.hk/tc/index.aspx

▐ 保養▐ 抗氧保濕5分鐘完成 ♥ L’ORÉAL PARiS HYDRAFRESH 水清新葡萄籽面膜精華水 ...

天生不是麗質, 加上年少時不懂保養,  
我覺得自己雖然遲起步, 但在同齡朋友中自問是算是勤力保養的一個, 不過, 我也不得不承認每天晚睡而且手機不離身的生活習慣實在糟糕...
除了每天屈在冷氣房工作9小時之外, 手機電腦的紫外線和電子輻射、以及熬夜的生活是對我的最大氧化殺手!!!

一旦晚睡, 皮膚細胞就沒法進行再生、自我調整。若經常熬夜, 就會影響細胞再生的速度,  並破壞人體內分泌系統和神經系統, 皮膚乾燥、彈性差、缺乏光澤、暗瘡、粉刺等問題就會出現......

相信呢種生活習慣真係好難一時三刻去改變, 所以, 唯有靠其他野去幫助下!!
除左用保養品幫幫手抗氧化之外, 我平日喜歡吃奇異果和飲檸檬水, 自己帶奇異果在公司作下午茶, 滿滿的維他命C既可補充營養, 又可以避免吃零食! 而檸檬水更容易準備, 放一片檸檬在水杯就可以喝半天~~~加上偶爾會去運動一下, 希望可以由內到外美顏抗氧化!!

保養品方面, 每天早晚的護膚程序絕不偷懶, 2-3天敷一次面膜, 每天都會簡單做做 toner mask, 

外油內乾的我主要會做保濕的功夫, 所以對我來說最大消耗的保養品一定是保濕型的 toner 和 mask。

去年用過L’ORÉAL PARiS的水清新3合1智慧保濕精華水後, 實在超級喜歡, 到處介紹給朋友使用!!而呢枝水清新葡萄籽面膜精華水有咩唔同呢?

答案就係葡萄籽!

法國葡萄籽盛產於南部, 葡萄籽蘊含的葡萄多酚貫注強大抗氧化力量, 可以高效強化肌膚防禦力, 同時改善肌膚氧化帶來的乾燥暗沉。
由葡萄籽中萃取出抗氧保鮮精萃, 注入L’ORÉAL PARiS HYRDRAFRESH水清新葡萄籽面膜精華水中, 
足足傾注50x抗氧化力!!!

精華水質地並非水狀的清澈稀身, 而是像半lotion狀的杰稠質地。

佢係一枝化妝水、保濕面膜、保濕水三合一的產品, 
一次過可以發揮保濕、活膚和柔膚作用!!!
絕對適合懶懶地又唔想唔做skincare的人使用~冬天咁凍就尤其適合XD

佢可以好似toner咁單用, 但我覺得用黎做toner mask可以有更好效果!
由於佢質地比較杰身, 我會首先厚搽一層, 然後再將面膜精華水倒落已經用清水沾濕的化妝棉上面, 
再敷上面5分鐘。

請無視下巴的痘印....早前接二連三爆瘡, 已在努力改善中!!

敷完短短5分鐘, 皮膚變得比較有光澤同埋水潤飽滿!

毛孔同泛紅都有少少即時改善, 睇落無咁粗糙, 妝前使用都唔錯。

水份一測就見到升左好多呀!!好滿意~

想知道那幾種氧化殺手正在損害你的肌膚，去片!

https://www.youtube.com/watch?v=rLy6ZuaOQm8

呢枝L’ORÉAL PARiS HYDRAFRESH 水清新葡萄籽面膜精華水建議零售價只是$129/175ml, 

我覺得有呢個效果好抵用呀! 會繼續趁特價就回購~~~

L’ORÉAL PARiS HYDRAFRESH 水清新葡萄籽面膜精華水已於L’Oréal Paris專門店、各大萬寧及屈臣氏發售。
顧客查詢熱線 : 2828 1437