2016年8月20日星期六

▌穿搭 ▌山系服飾平日著 ♥ MOTHER Outdoor Lifestyle...*

我以前大部份衫褲都係偏向斯文的雪紡、蕾絲類, 呢兩年開始追求舒服簡單的穿搭, 
務求令自己返工出街都可以舒舒服服長時間作戰!




呢兩年除左文青打扮之外, 都多左好多年輕人著舒服又有型的山系服飾去街, 講到山系服飾第一時間肯定係諗起風褸、汗TEE、好多個袋既直腳長褲, 
以前可能只係運動衫果類, 而家就變成又可以行街又可以進行戶外運動的打扮!
不過香港其實又真係好少
專營時尚山系服的店舖, 早幾年開業的 Mother Outdoor Lifestyle Store 就幫一班山系服飾粉絲止渴喇~~~


店名之所以叫作Mother, 其實是取自Mountain、Ocean、Tree、Hill、Earth及River六種大自然元素, 
亦希望藉此喚醒各界對環境生態的關注。佢由日本直送多個戶外品牌到港, 例如gym master、Ficouture、beruf baggage、devadurga、White Mountaineering等等, 主打城市山系衣著, 外觀型仔之餘又有功能性!

最近Mother就聯乘灣仔的山系餐廳野玩山店搞左個pop-up store!
右下角呢款鞋我呢半年已經見過不止5次有潮人穿著喇!!!


有男裝女裝仲有鞋、背包、化妝袋、帽子、飾物, 甚至係水樽、露營杯都有, 講得出戶外活動需要既野都有齊!

我本身唔算太中意戶外活動, 尤其係夏天真係唔想出汗呀!
所以我就揀左幾件即使係平日穿著都唔會覺得格格不入的衣物分享一下~


早排發現呢個小巷好日本feel! 旁邊的單車係重點!
下身的仿牛仔布闊褲我係買黎行街著既, 中意佢感覺比較causal,所以上身就配呢件Mother的間紋棉質背心~

無記錯件背心有紅、黃、藍可以揀, 我比較少黃色衣服所以就選了!
原本以為件背心好普通, 但其實頸後有一條彩色掛頸繩, 即時變得有亮點~
背心係棉質的, 唔焗又親膚舒服, 唯一係太易皺了!

呢頂漁夫帽都係來自Mother的~~帽邊夠大可以遮陽光, 而且好喜歡圍邊的天藍色pattern呀!!
夏天咁樣著真係又舒服又涼爽!


而呢一日呢, 就係同男友黎到碼頭進行野生捕獲小精靈之旅XD
由於要行好多路, 又要停留碼頭的食風位, 一件薄身外套就唔少得!
呢件外套我係一見鍾情的!!
首先佢既天藍色同頭先套衫頂帽係一樣架! 比個close up大家:
留意返外套pattern同天空係一樣架! 
真係超靚超中意, 近呢年我都好中意呢類有帽有口袋, 走俐落帥氣路線的外套呀~


件外套夠薄, 非常有彈性, 擋風表現出色!
30幾度+大風的碼頭完全唔覺得熱, 仲同男友捉左幾十隻水系精靈......
第時行山我都著佢架喇!!

第一次接觸山系服飾, 感覺無想像中咁難carry喎!
如果大家對山系打扮有興趣, 不妨可以去下 Mother 朝聖~

總店: 旺角彌文敦道610號荷里活商業中心17樓21室 (查詢: 2780 0238)
概念店: 香港灣仔軒尼詩道288號英皇集團中心1樓

沒有留言:

發佈留言

▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...