2016年8月29日星期一

▌身體保養 ▌終於脫走背毛毛(1) ♥ 又黎到銀座Calla ...*

相信好多女仔都已經加入激光脫毛的行列, 
我早幾年都已經脫走小腿毛毛, 療程完成後直到而家都只不過會生2, 3條出黎, 比起以前飛毛腿已經大大改善~
雖然我甚少著短褲短裙, 但太多毛髮著貼身長褲增加磨擦其實都好唔舒服!


當年我係去中環分店的銀座Calla進行脫毛療程, 貪佢又快捷又唔會hard sell, 最重要係脫毛效果好, 
果然日本公司就係唔同~佢地已經開立23年, 是日本專業脫毛連鎖專門店。
在日本全國各地擁有 47 間門店, 上海 7 間、南京1間杭州1間蘇州1間北京2間香港3間新加坡2間~
去日本真係見過幾個地方都有分店架~~


除左小腿同underarm, 我諗仍然仲覺得困擾既就係手臂同手指手背的毛毛(其實仲有 v line 但暫時唔算好急切),
有時都忍唔住諗點解女仔之家都咁多毛架....手背其實一直都好想脫毛, 總係覺得成日比人見到好多毛好尷尬~仲有前手臂呢兩年已經慢慢無咁濃密, 但夏天有時見到毛毛都會用脫毛膏, 所以今次就的起心肝再黎到銀座Calla脫走前手臂、手指、手背的毛髮喇!


幾年無黎, 感覺仍然一樣, 環境乾淨整潔夠光猛! 
職員們都好友善, 飲杯水就可以填返份關於激光脫毛的問卷~

填好之後就會有專業人員解說有關脫毛的相關知識, 仲會觀察我的肌膚和毛髪狀態~
我手背上有一小塊皮膚之前被熱水燙過有淡淡的疤印, 因為有點擔心不能受光所以也先問問看, 
都得到很詳細的答覆!


仲順便睇左條宣傳短片, 代言人阿sa 愈大愈靚!

銀座Calla 採用先進的激光脫毛技術(波長為808nm), 比舊式脫毛大大降低疼痛感,  約6 - 8次療程, 便能去除毛髮~
我比較過幾間脫毛公司, 都覺得銀座Calla的比較無痛~但又唔會影響脫毛效果, 呢一點亦係我選擇佢地的最主要原因。


準備好之後, 治療師先為我稍稍剃走毛髮, 畫好要進行脫毛的範圍, 再遮好我的痣, 搽埋啫喱就可以開始了!!
*為保障商家利益, 機頭以馬塞克稍為遮掩請見諒

治療師先替我做手背手指脫毛, 
手背幾乎是沒有感覺的~手指較接近骨頭有少少被彈的感覺但非常輕微!


之後就到下手臂~也是近手腕骨位置比較有感覺。
成個過程都要差不多半小時, 治療師無心急亦無交行貨, 慢慢一下下幫我打, 而且仲會不時關心我痛唔痛, 
每做一個步驟都會先講明, 感覺良好。


脫毛後仲會即刻做一個「美、肌、潤、美」保濕護理, 呢個療程我真心覺得係賣點黎!
因為我試過幾次係出面做激光脫毛, 脫完之後只會搽返少少保濕cream, 而之後我就因為乾燥演變成發炎.....
「美、肌、潤、美」保濕護理係將含豐富透明質酸、骨膠原等 6 種美容成分的精華, 用霧化效果大量噴灑到皮請, 可以有效幫助鎮靜及滋潤肌膚!! 噴完真係好保濕~~~脫毛後的皮膚完全唔會有泛紅乾燥的感覺, 好適合我!


因為每條毛髮生長周期都不同, 所以一次脫毛其實只會脫到2成左右的毛髮, 上圖係脫毛前後的小小對比圖, 
黎緊總共會做6次療程, 希望脫完毛之後手指手背會變得好似好多女仔咁白滑細緻呀~~~

分店資料:
旺角店 - 九龍彌敦道625-639號雅蘭中心辦公樓1期13樓1332室電話: 2343 5338
尖沙咀店 - 九龍尖沙咀加拿分道18號恆生尖沙咀大廈1303-1304室電話: 2311 2211
銅鑼灣店 - 香港銅鑼灣登龍街1號金朝陽中心II期 Midtown 16樓B&C室電話: 2811 2211

沒有留言:

發佈留言

▌日常 ▌四季都要用 ♥ Murnauer 除臭除臭除除臭噴劑...*

從小就特別大汗,稍微快步走路已經可以大汗淋漓, 近幾年氣溫愈來愈高,每年夏天都快崩潰了!其實不是討厭炎熱, 而是討厭出汗呀! 尤其不是因運動而出汗, 衣服沾上汗臭既不能即時換衣服也不能洗澡, 即使只有自己聞到陣陣汗味,也很討厭。 亦正因如此,我每年都會物色好用的止汗劑,可...