Win's blog: ▌療程 ▌效果非常滿意 ♥ Amber Beauty北海道三合一補濕面部護理...*

數數手指已經幾個月無做facial喇!!!
自從工作開始忙碌就無再去做暗瘡treatment, 只靠自己家居打理始終都係爭少少,
有冇人同我一樣覺得就算自己做返同一系列的步驟, 效果都一定無去美容院咁好呢?
呢一點一直係我的迷思....

今次我黎試做的是Amber Beauty琥珀美容的一個名為"北海道三合一補濕面部護理" 的新療程! 其實呢幾個月都一直有收到唔同的Facial療程邀請, 不過我只係揀左呢一個試做, 原因係上網睇到 Amber Beauty 搵左蘇麗珊做代言人!!! 加上網絡上好少負評, 好多人都話佢地唔會hard sell, 而且仲提供坊間好少見的美容療程冷靜期! 而再加上皮膚久未好好保養, 我都想幫皮膚好好補濕!

Amber Beauty 原本由屯門開始做起, 不知不覺已經開左好幾間分店, 呢幾年仲開到荃灣、旺角, 銅鑼灣!
今次我就係旺角做療程。

呢度接待處唔算好大, 坐低飲杯花茶填填簡單資料就可以入房了
美容顧問首先會花少少時間同我傾一傾皮膚問題, 再講解一次呢個北海道三合一補濕面部護理的詳細資料。

呢個療程主打保濕、防敏感, 用的產品都係採用日本獨家研發複合成分「North effect 3DO」, 呢個成份其實是指由北海道三種天然的原料「玫瑰果實提取物」、「馬胎盤提取物」、「蛋白多糖」組成的成份!

玫瑰果實提取物 - 強效抗氧化, 亦已向美國PCPC (Personal Care Products Council) 申請INCI而被登錄承認
馬胎盤提取物 - 是北海道優良純種馬的胎盤，含有豐富維他命C和多酚，能促進細胞恢復活力，啓動身體對抗衰老的因子
蛋白多糖 - 提取於鮭魚鼻軟骨中的成分，與玻尿酸相比較，有著130%的鎖水力，且該成分擁有和EGF近似的作用功。有效恢復肌膚彈性及光澤。

聽完講解就入房準備了!
由於療程最後包括香薰肩頸按摩, 所以我都換左件袍~

step 1: 深層潔面

美容師會首先用上植物蛋白潔面奶替我卸妝和洗面,
原本以為平平無奇, 但可以搓到超綿密泡泡, 而且洗完面好乾淨但完全唔繃緊!

step 2: Peeling

搽一層toner之後會做peeling, 溫和去角質死皮~
呢個step都非常舒服!

step 3: 針清 + 修眉
療程當日我下巴都有發炎中的痘痘, 呢個步驟我都有d擔心會好痛....
但美容師好貼心, 佢完全無強行擠壓我未見膿頭的痘痘, 但鼻頭鼻翼和下巴的粉刺就清得乾乾淨淨而且無痛!!!!!
原來佢地用的黑頭針係用徳國Pocken品牌, 針頭比較幼薄, 可以減低紅腫和敏感問題!!!

step 4: 超聲波導入

呢個步驟就係用頭先講過的北海道馬胎盤及蛋白多糖精華導入, 短短5分鐘就舒服到快要睡著了....

step 5: 面部按摩

到我最期待的時候喇!!! 呢個按摩產品係用植物及水果提取配製, 比較天然唔會引起敏感。
唔知幾時開始, 面部按摩竟然會成為我最喜愛的一環......以前按摩完一定會爆瘡, 但而家覺得按摩真係可以加強保養品吸收, 有按同無按真係好大分別!

按摩期間美容師會問力度是否適合, 其實力度對我黎講唔重要, 我只係覺得好舒服ja~~

step 6: 營養面膜 + 軟模倒膜

面膜係用藻類及褐藻萃取物，可以改善暗淡膚色~
除左按摩之外, 倒膜就係我的第二最愛時間喇!

與此同時, 美容師會同時進行 step 7 的香薰肩頸按摩, 有時我覺得美容師要幫瞓喺度的客人做肩頸按摩其實都幾辛苦...
但又因為好舒服所以我都好期待呢一環.....不過都曾經試過有d美容師手勢唔好, 按到我好辛苦又唔自在, 只想時間快點過, 今次就好享受、想時間再長d, 証明左美容師手勢認真唔錯!

step 8: 玻尿酸面霜
呢個面霜成份有水溶性骨膠原及藻類萃取物~