▌妝物 ▌又水潤又夠遮瑕度 ♥ SHISEIDO 智能感應潤澤氣墊粉底...*

呢幾個月以黎唔知點解每個早上都唔願起身, 搞到化妝時間得返15分鐘左右,
平時用開濕粉 / 礦物粉上底妝的我, 最近都迫不得己要用cushion粉底一次過做晒底妝同遮瑕, 

熟習左用cushion foundation的手勢之後, 其實已經唔會再好似幾年前一開始用咁, 覺得cushion粉底一定係又厚又焗身, 當然仲有試過1, 2款粉卜太硬、遮瑕度不足等先天條件一般的產品啦!

手上呢一款就係最近的新歡~~多得佢, 呢個星期我都可以訓到最後一秒先起身化妝xd
講緊既係 SHISEIDO Synchro Skin Glow Cushion Compact SPF23 智能感應潤澤氣墊粉底
全5色 HK$ 390/12g  (粉盒HK$100/粉底補充裝HK$290)

可能你會話$290 得1個粉芯, 好貴喎, 大把韓國呢個價錢買到多1個refill喇~~
但你諗下佢係shiseido喎......
呢個cushion compact 係2016年春夏季新品, 以嶄新尖端感應科技, 能同步及自動調節原本肌色及膚質。
氣墊粉底加入亮肌粉末, 能以光線折射的效果, 締造自然健康、光澤透亮肌色 ;
再配合獨有超卓生物水凝網絡成分, 為肌膚注入高度水分, 打造持久水潤光感底粧。

佢有密封粉盒的設計, 能保持粉底品質, 關上時內蓋會自動密封~
粉底有5色可選, 分別是:


而我就習慣用偏白的粉底, 所以選了 Neutral 1, 不過試用後覺得還是太白了!! 看來比較適合很白很白的女生~

內配的粉撲軟硬度適中, 可以照顧到鼻翼咀角等細微位, 而且輕輕一壓已經取到足夠份量, 唔錯~



而且仲幾親膚貼面, 好滿意呢個粉卜!



首先試上手推開睇睇:



一開始掃開真係好白!!
但推到最後又神奇地tune返少少膚色喎...唔通佢同膚色同步的功能真係咁堅?
等我試上面睇啦~

 
咦, 顏色又比想像中自然喎, 仍然係一開始會覺得好白, 但推開之後真係會慢慢tune返少少膚色,
如果我揀Neutral 2 應該會係最適合!



呢排又係親戚來臨的爆瘡期, 真係可以好好一試佢既遮瑕度。
上圖係搽左一層的效果, 下巴只取一次份量但重覆輕印直到粉卜上無晒粉底, 可以見到修飾毛孔和暗黃膚色的表現好好~
遮瑕度亦比想像中高好多!好似咁樣來回按壓輕印其實已經遮到9成, 好驚喜!!!



剛剛上完cushion compact 會好有光澤感, 我再重點上返少少遮瑕~
因為始終都係白左dd, 所以我會用膚色碎粉定妝, 咁個膚色就會剛剛好喇!



個人黎講極度滿意佢既遮瑕度、水潤度和透薄度, 粉底真係好水好易推, 但同時完全唔會好厚粉, 透薄得黎夠遮瑕真係好good!



而且佢有 SPF23 可以幫手抵禦陽光及紫外線侵害, 有效抗氧化預防衰老。
同埋粉底都幾Long last, 在4-5小時後除左鼻子會有少少泛油、下巴痘痘位置會有少少脫妝之外, 其他部位都keep得好好, 無變灰暗亦無點樣浮粉脫妝, 滿意!
最後提提大家佢個粉底比較濕潤, 頭幾次唔需要大力按壓已經可以取到足夠全面的份量了!


全新SHISEIDO Synchro Skin Glow Cushion Compact智能感應潤澤氣墊粉底 2016年10月7日於香港及澳門全線SHISEIDO有售。

**是次產品由theZtyle.com提供**