最好就係又方便快捷, 透薄同時遮瑕度高啦!
對比我用左好多年的粉底液, 不得不承認近年推出的cushion foundation真係方便好多,
尤其係趕出門的時候, 用cushion foundation可以同時做好底妝、遮瑕甚至highlight的效果, 所以我手邊都有一兩盒韓牌傍身架! 不過韓國牌子的cushion foundation唯一缺點就係大多偏厚, 夏天用好易出油....
今次就好開心可以試到 Bobbi Brown 新出的 Foundation Cushion!!
對我黎講Bobbi Brown都係實力派品牌, 價錢雖然偏高但質素對得住價錢~呢個Foundation Cushion唔知又滿唔滿足到我呢個瑕疵女呢?
其實有好多時買完產品返去覺得唔好用, 有一半都係因為唔知道真正的用法!所以試用之前我都黎到 Bobbi Brown 在Elements的分店搵化妝師幫幫手, 揀隻適合自己的顏色, 同時教下我用個 Foundation Cushion~~
收工黎到個妝已經脫左一半喇, 而且困在office一日皮膚都變得好乾...
我係一個懶得補妝既人, 尤其係收工無節目就一定唔會補妝XDDD
多謝化妝師幾下手勢就幫我補好個妝~
化妝師話呢個新出的 Foundation Cushion特別適合我呢種疲憊+容易敏感泛紅的皮膚使用,
因為粉底蘊含具提升肌膚成份的合歡花及咖啡因, 能互相補足以優化肌膚細胞能量, 令疲憊肌膚重新展現活力, 同時保護肌膚的天然屏障, 防止水分的流失。
打開Foundation Cushion仲會見到好似咖啡capsule咁的包裝好得意!
佢其實係以 「膠囊」 技術及高度緊密的氣墊而製成, 能減低粉底內水分流失。
氣墊粉底內的粉底液份量適中, 不會令氣墊過濕, 令每次利用粉撲按壓氣墊使用時, 可取得適量的粉底份量使用。
我覺得呢個設計對於控制泵出份量非常不錯, 用左成個月從來未試過泵太多的情況出現~
佢一共有六個色系, 我用的色號係Light, 都唔覺得好白~~~
粉底比想像中薄身, 都好易印開! 氣墊粉卜都幾軟熟, 唔會硬繃繃無彈性, 呢點要讚。
睇過有d人話覺得遮瑕度麻麻地, 我又覺得以佢既透薄度黎講, 遮瑕度算係唔錯, 尤其毛孔都遮得幾好!
薄薄地印左一層都已經tune到個膚色平均晒, 大部份瑕疵都遮到, 皮膚唔差既基本都已經出得街。
毛孔遮得幾好, 痘印就遮到紅遮唔到灰~~仲要補返少少遮瑕膏。
但光澤度我相當喜歡, 唔係笠果種油光感, 而係好似好smooth的光澤感!
除左上面的Foundation Cushion, 仲推出左全新Luxe Lip柔絲亮澤唇膏系列, 向Bobbi Brown 起家的10枝經典唇色以全新配方推出! 呢3枝就係當其中三枝最受歡迎的顏色~
我就試左#36 Tahiti Pink, 係偏紅的粉色!
原本以為好紅, 但搽上咀又唔係果回事喎, 個色tone down 左少少, 反而幾易carry!
搽一層都好自然!! 而且一d都唔乾, 好夠滋潤度!
今次兩個產品都好滿意呀! 尤其係 Foundation Cushion 夏天用都唔覺得好易溶妝,
係下巴位如果有發炎痘痘就會容易脫妝, 但overall 係幾long last! 亦唔會好快覺得油光滿面, 呢一點都唔錯。
而且佢仲有SPF 50 PA+++, 呢度真係加晒分!
唯一要挑剔就係貴少少啦~粉底 $300、粉盒 $130, 加埋都要400幾蚊架, 而且cushion 粉底一向都無粉底液咁耐用, 不過要方便快捷就係要荷包傷少少喇~~
沒有留言:
發佈留言