眼妝畫得好唔好, 會影響成個妝、甚至成個人的感覺!
好似我以前習慣用黑色眼線畫眼, 而且比較喜歡上眼尾上揚, 睇返相總係覺得惡左少少, 後來轉用啡色眼線, 也較少畫上揚眼尾, 整體感覺就變得柔和左,
果刻先明白到適合自己的眼妝真係好重要!
最近就收到日系眼妝始祖品牌 BCL 的 BrowLash EX 產品,
好老實講對於我呢種油眼人黎講其實都幾怕試新野, 因為好驚用完會印到變熊貓眼樣樣衰衰....
但係見到有啡眼線真係好難抗拒, 即管試下!!!
首先試左 BrowLash EX 防水兩用眉筆 先 !!
我以前覺得自己眉毛夠多都唔使點畫眉啦, 但自從仔細留意到即使係天生濃眉的男仔, 只要畫左眉, 成個感覺都會更加sharp之後, 我先明白到即使係眉毛濃密既人, 畫左個形真係會有神好多~~
我平時係用開鉛筆款的眉筆, 貪佢易handle~
呢款就係兩用設計, 一邊是眉筆, 另一邊是眉液~超方便! 顏色方面有灰啡色及自然啡色可選~
呢款就係兩用設計, 一邊是眉筆, 另一邊是眉液~超方便! 顏色方面有灰啡色及自然啡色可選~
眉筆係膏狀,一開始會較難上色, 在手背畫兩畫之後就會順滑返d~
而眉液就係專門為眉尖而設, 可以好容易畫到尖尾架~
呢款眉筆好處就係無需筆刨, 而且二合一設計方便攜帶。
你睇下我本來眉毛較雜亂又黑, 畫完之後即使無梳無落眉gel都已經整齊勁多.....畫完都好自然~~
就算未畫眼妝都覺得有精神左喇!
跟住就試下 BrowLash EX 防水眼線液 (升級版) ~
顏色方面就有深邃濃黑及柔和深棕可供選擇!
平時我用開眼線液都係好似科學毛筆咁, 軟毛自動出墨,
而呢一款就係硬身少少好似sign pen咁~毛係硬身, 同樣係自動出墨。
而呢一款就係硬身少少好似sign pen咁~毛係硬身, 同樣係自動出墨。
畫係手背上面都好顯色!
佢個深棕都幾深色, 畫起上黎好順滑, 而且粗幼都好易控制呀!! 畫尖尾亦無難度~~~
我試過好幾個牌子的啡色眼線液, 唔知點解總係好難填滿條眼線, 畫完一筆畫第二筆果陣, 永遠都會畫走左第一筆...................而曾經的愛牌H牌近期仲有愈來愈少墨的情況出現...........
呢一枝BrowLash EX 防水眼線液 (升級版) so far用左成2個月, 墨水都仲好豐富, 容易填滿眼線, 而且最重要既係佢真係可以做到防水防油的效果, 出完一日街都無變熊貓眼呀讚!!!!
最後試埋 BrowLash EX 梳型濃密纖長睫毛液 ~
佢有個特別設計, 係7行鋸齒排列梳型刷頭, 可沾上大量睫毛液, 讓每根睫毛更延長分明、不聚結。
而且睫毛液仲含5種美容精華成份, 賣點仲係防水防油但係暖水可卸喎~~~聽落都幾吸引。
而且睫毛液仲含5種美容精華成份, 賣點仲係防水防油但係暖水可卸喎~~~聽落都幾吸引。
溫馨提示: 每次用新睫毛液, 頭幾次都一定要先用紙巾印一印, 否則會過濕, 睫毛會塌!
最近天氣都幾濕.....睫毛夾極都係唔太理想, 呢枝睫毛液都算係咁, 可以做到根根分明而且有增長效果, 不過濃密度就一般, 要來回掃多兩次先夠密。
而持久方面就幾滿意, 出一日街返到屋企, 眼妝都冇溶, 睫毛亦無塌, 過關!
而持久方面就幾滿意, 出一日街返到屋企, 眼妝都冇溶, 睫毛亦無塌, 過關!
最後補返價錢比大家參考返:
BrowLash EX 防水兩用眉筆 $98BrowLash EX 防水眼線液 (升級版) $75
BrowLash EX 梳型濃密纖長睫毛液 $105
以上產品都可以於 SaSa、Log on、Colourmix、Citi store、AEON、UNY及wishh店舖買到架!
沒有留言:
發佈留言