2017年4月10日星期一

▌身體保養 ▌焗住排毒 ♥ 美人蒸古法薰蒸養生館...*

講到排毒, 我諗都市人無乜邊個唔需要, 
經常外食、零運動、好夜先訓應該都係好多人的寫照,  
我知我知總有d人話點忙都抽到時間去做運動o既! 忙都係懶的藉口jei!
但係如果設身處地諗一諗, 如果個個有呢份動力同毅力就無肥人、個個人都身體健康啦下話~~~~

我慶幸自己雖然工作忙, 但都唔使日日ot, 放工放假有時都仲可以抽時間去做運動郁下, 
不過好多朋友仔都仲係晚晚OT, 放工已經攰到喪屍咁, 休息時間都唔夠, 叫佢地晚晚去做運動都唔係咁容易, 

其實如果想出一身汗, 又想唔好太辛苦, 都唔係冇辦法既!!


呢一類型的薰蒸排毒應該都聽過唔少, 唔知點揀就睇睇我既試後感啦~
今次要分享既係位於荃灣大河道的 美人蒸 뷰티찜 - 古法薰蒸養生館。


呢度雖然唔近鐵路站但連接天橋一直行就到, 都唔算難搵~
店子雖不大, 但感覺舒服, 竟然仲有一間托兒室, 好細心呀!


黎到就首先揀左想蒸身定係蒸腳, 同埋揀個藥包先!
我今次就同Cat一齊做古法蒸身, 為時40分鐘, 會有5款藥包可以揀, 
分別係: 消脂瘦身、驅寒袪濕、女性修復、排毒美顏、養心安神


樣樣都想試! 我諗左好耐先決定要排毒美顏!
決定好就可以去換衫喇~~~


更衣室唔算大, 只有兩格換衫的地方, 不過都唔重要, 因為有另一樣野吸引左我地........


就係化妝間竟然有大量名牌護膚品、香水可以任用, 連風筒同乾髮劑都係amika!!!!!
呢一刻只想快d蒸完可以黎用XD


換好毛巾袍就可以入房喇~其實蒸身前店家會提供每人一枝水, 建議蒸前飲半枝補充水份, 期間都可以自己決定飲唔飲水~
如果問薰蒸同焗桑拿有咩唔同, 就係呢度每人會有一個獨立蒸箱, 可以增加私隱度, 
如果好似我同Cat一齊黎蒸, 仲可以request雙人房tim~! 


配合都市人忙碌的生活, 每個蒸
箱前仲會貼心地放置懶人手機支架, 箱前仲會有個窿, 雙手可以選擇伸出黎玩電話或者放埋入蒸箱蒸! 另外仲會有個小鐘仔, 如果薰蒸期間覺得不適, 或者想調較溫度, 可以隨時按鐘叫同事幫忙。

箱入面就係咁喇~~~~入到蒸箱就可以拉低天使袍令皮膚盡量暴露於蒸氣當中, 
好, 等我地舒舒服服蒸設返40分鐘先!


頭20分鐘都仲可以輕輕鬆鬆玩下手機傾下計影下相, 但後半段時間開始成身都出汗, d汗勁到可以由頭滴落腳.....
Cat 表示佢好快已經成身汗, 我就比較慢, 應該每個人反應都會唔一樣, 
如果戴眼鏡, 基本上係會朦晒架!! 所以後半段我地都決定靜靜地享受。話咁快, 40分鐘就過了~~~


蒸完身建議等身體乾一陣先去換衫, 我覺得通體舒暢呀!! 呢個時候開始覺得眼訓想睡了~~~~
換好衫就搽下skincare, 呢個時間皮膚就最吸收。
btw 前排粉紅色 L'OCCITANE handcream 好好用呀~又潤又唔笠!!

搞掂晒之後, 再飲多少少水就可以走喇, 走果陣同黎果陣身體的感覺真係好唔同, 
本來帶住疲憊我身軀過黎, 肩上有如千斤重;
走時帶住少少睡意離開, 身體輕盈左d, 精神好似做完運動咁有種淡淡舒暢感, 
雖然同做運動出汗果種爽有d唔同, 但係一邊休息一邊流汗排毒點都係正既!

最最最最後, 梗係要比d優惠大家啦!
手頭上有十張免費蒸腳券送出, 得獎者可以選免費蒸腳或者$99全身古法薰蒸, 
有興趣就快d去我既facebook fanpage睇睇點樣參加喇~
https://www.facebook.com/WinWinXCatHui/posts/1319953181426761

美人蒸 뷰티 찜 - 古法薰蒸養生館
https://www.facebook.com/SteamBeauty/?fref=ts

沒有留言:

發佈留言

▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...