▌底妝 ▌GA 粉必儲限量版 ♥ My Armani to go cushion couture edition 絲光輕透氣墊精華粉底…*

今時今日Cushion粉底大行其道, 大部份香港女仔追棒的韓國大小品牌係就係好夠高遮瑕度,
不過試過5、6款都覺得相對比較厚粉而且控油能力一般都較差, 始終氣候唔同都係爭少少!
GIORGIO ARMANI 粉底出名高遮瑕又唔厚粉, 2017年推出氣墊精華粉底已經好燒!
我好記得當時一推出討論度就極高, 等到今年我終於有機會可以試下限量版的
全新限量版My Armani to go cushion couture edition 絲光輕透氣墊精華粉底♥♥♥♥♥

GA有兩款Cushion 粉底, 除左我呢款以遮瑕卓越, 貼服自然為賣點的紅色的絲光輕透氣墊精華粉底之外
仲有以質感柔滑輕盈, 清爽細緻零粉感為賣點, 粉紅色的雪紡水光氣墊精華粉底!

全新限量版的粉盒設計 , 靈感源於 GIORGIO ARMANI 時裝秀上的獨特元素: 扇子!!
別出心裁的扇形紋路延伸至粉盒上的圖案設計, 將品質的彩妝與時裝藝術完美結合,成為底妝界破格時尚。

絲光輕透氣墊精華粉底的獨特配方, 配合氣墊軟枕緊緊鎖住精華粉底液, 化妝之餘同時護膚,
可以輕鬆塑造合所需的遮瑕度, 即使用上層疊塗抹, 妝容仍然如裸肌般輕盈透亮, 淡雅自然地綻放 ARMANI Glow。

我手上的是3號色, 輕輕印一層上手, 已經見到好透薄, 同時好有光澤!
粉底含有玻尿酸保濕因子, 可以長時間維持肌膚水潤減少出油脫妝的情形
同時添加珍珠母貝與荔枝萃取精華, 使妝感呈現細膩的光澤度而不泛油光,
首創的「色澤精華」則能完美遮蓋瑕疵、柔焦毛孔、修飾膚色不均。


我自己就特別鐘意佢個水滴形專用粉撲, 鼻翼咀角上粉完全無難度!
我用其他Cushion粉底都要用返三角粉撲印返d細微部位,
而家小小設計就可以慳返呢一步喇~~

薄薄一層已經可以遮到8成瑕疵!! 係爭少少痘痘位置要補少少遮瑕膏, 但毛孔、鼻翼位泛紅、色斑都遮得相當唔錯。
尤其遮蓋泛紅效果相當理想, 而我重災區的下巴位置就算印多兩層都唔覺厚, 呢一點令我好impressed!


自從用左My Armani To Go Essence-in-Foundation Cushion 之後我出門前所花的時間明顯短左XD
而且粉盒設計時尚夠霸氣, 帶出街補妝拎出黎勁型! (虛榮up)

雖然$590的價位唔係好親民, 不過用過就會知真係值, so far 我覺得佢真係做到高遮瑕度但好透薄的妝效,
而且持妝度頗高, 唔會好快浮粉, 唔使下下補妝, 我呢種懶人覺得更加吸引呀!
更多產品資料: 按我
GIORGIO ARMANI Facebook: https://www.facebook.com/armanibeautyHK 

▌保養 ▌升級版! Kiehl’s 特效保濕乳霜 ♥ 向極乾天氣說不...*

香港天氣經常潮濕, 每年都總有唔少日子濕度突然跌到好低, 然後皮膚突然處於極乾燥繃緊狀況, 個個叫苦連天...
又因為習慣左潮濕氣候, 每逢去到日本韓國旅行, 就會覺得皮膚乾到痕癢敏感...
所以每次有人問起咁乾燥環境下到底搽咩Skin care好, 我都會不期然諗起佢!



其實見到標題可能大家都不禁諗一諗: old news is so excited?
Kiehl’s Ultra Facial Cream 年年冬天都講架啦, 仲講?
其實係因為今年推出左升級版的Ultra Facial Cream呀!



Kiehl’s 呢個品牌其實都做得好成功, 就算連我有唔少無乜點研究Skincare的男女朋友們, 聽到Kiehl’s呢個名,
就算唔識讀, 都會記得佢個骷髏骨醫生造型, 然後同樣都一致覺得品牌形象係「d產品幾mild好似任何皮膚都會適合咁」。
呢個亦都係我對Kiehl’s的感受, 可以令人安心使用的, 就係好產品, 唔需要去比好多唔同賣點件產品, 結果講到周身刀, 但又無張利。
就好似保濕型產品, 其實簡簡單單做到長效補濕滋潤不致敏, 就已經滿分。
Ultra Facial Cream 都有用開, 又係簡單做到乾淨而唔會過份清潔, Overnight Hydrating Masque 等我d痘痘好返就即刻試下!



突然有感而發添, 講返升級版Kiehl’s Ultra Facial Cream,
賣點好簡單, 就係可以在極端乾燥環境下持續高效保濕。



而升級版就改良左升級配方, 南極葡萄醣蛋白及優質橄欖油2大天然成份,
可以防止水份流失, 修護肌膚天然屏障。
仲強調零添加化學成分, 不含羥苯甲酸酯防腐劑、胺甲醯胺、三乙醇胺呢類可致敏成份。



乳霜質地好似比之前仲滑左少少 (定我皮膚粗糙左?)



即時滋潤返我乾燥到爆的虎口位置



水油份都提升唔少。
次次去做Facial 都係得一個評價: 你好缺水喎!
我知我知我真係太dry 喇~



呢排明明唔係好凍, 但濕度相當好低, 皮膚乾燥到一個點, 最討厭係連鼻入面都感覺到好乾,
夜晚搽完精華再上一層Ultra Facial Cream, 唔使太多, 第二朝係會明顯見到潤返, 無咁多乾紋, 同埋覺得皮膚會軟熟左。



如果有時間, 可以拎多少少份量按一按面, 皮膚吸收左之後上妝會再貼面d!
而我就覺得如果想旅行都用, 可以買50ml細細罐拎埋去用! (可惜我最近都無旅行計劃.....sosad....)

三言兩語都講唔晒, 想知更多資料可以去官網睇睇: https://bit.ly/2Vn8OSF
緊貼 Kiehl's 最新動態啦:
Instagram: kiehlshk
Facebook: https://www.facebook.com/KiehlsHongKong