2016年12月12日星期一

▌保養 ▌DIY 聖誕花圈 ♥ philosophy 胡桃夾子聖誕套裝...*


第一次自己DIY做聖誕花圈, 超滿足, 覺得成品勁靚!! 出面買一個都唔平架~

謝謝 philosophy 為我們帶來這個DIY的新體驗~
活動當日黎到沙田連城廣場的分店, 除左有這個小小workshop之外, 當然還試用了幾款皇牌產品, 也少不了留意一下節日套裝啦!! 好物不能獨享, 就happy share下啦~



未入去已經見到大大隻聖誕童話「胡桃夾子」巨人喇!!! 真係人咁高好壯觀~個個都爭住合照!
今年philosophy 推出的聖誕套裝就係以「胡桃夾子」作為設計靈感, 展現故事中的三個場景~
分別是放置胡桃夾子與木偶玩具的大宅飾櫃、雪花仙子表演雪花圓舞曲的白雪森林, 以及克拉拉欣賞胡桃夾子王子精彩舞姿的糖果宮殿, 務求透過童話故事帶領大家投入聖誕氣氛。


今季4款禮盒包括: 
(左下)精選面部護理的renewed hope for the holidays護膚套裝 ($365)
(左上) 品牌最暢銷的amazing grace香氛套裝 ($450)
(右上)皇牌護膚產品組合的most wonderful things護膚套裝 ($710)
(右下)冬日三合一sparkling hollyberries身體護理套裝 ($230)

個人最想試 amazing grace香氛套裝! 400幾蚊有枝60ml香水再加body wash同body lotion, 試過個味真係好girl好好聞架!!!

另外就係包含左皇牌產品的renewed hope for the holidays 護膚套裝! 基本護理眼霜+日霜晚霜係人都適合, 下面會有用後感分享~~

budget 夠當然推薦 
renewed hope for the holidays 護膚套裝啦~一set包含左幾件皇牌產品, 收到一定勁開心呀!


睇完 Xmas set 梗係要試試d皇牌產品!
最令我有興趣, 又覺得幾得意既, 就係呢set the microdelivery peel 維他命c/縮氨酸家用微晶煥膚組合
佢既賣點就係可以在家中享受3分鐘煥膚體驗, 只需要進行兩個塗抹的簡單步驟, 以縮氨酸及維他命 c 煥亮肌膚及補充所需, 就可以讓肌膚明顯變得更幼滑~

先搽圓罐step 1 磨砂霜, 輕輕按摩後再倒少少 step 2 縮氨酸, 兩者混合後就會泡沫化~
等多1分鐘就可以洗走佢地~

用完真係會覺得滑過未用架!!!!


我地手頭上呢兩罐就係上面提到的皇牌產品之二, 
renewed hope in a jar 高效再生保濕乳霜 + renewed hope in a jar overnight 高效再生嫩膚晚霜!
我們都拿到了這盒
renewed hope for the holidays 護膚套裝~~~用後感立即送上!


hope in a jar 系列一直都有聽到唔少好評~我都好期待試用呀!
renewed hope in a jar 高效再生保濕眼霜
能溫和及持續地為眼部保濕, 減淡黑眼圈, 減褪細紋和眼部浮腫。

質地好幼滑, 好易推, 我覺得推開仲有少少打亮效果~~~潤但唔會笠!


renewed hope in a jar 高效再生保濕乳霜 
透過三種不同性質的透明質酸、亞洲果實精華使肌膚瞬間變得水潤幼嫩,並持續保濕

質地比較順滑, 呈lotion狀唔會太heavy~搽完夠滋潤但同時感覺清爽!



renewed hope in a jar overnight 高效再生嫩膚晚霜 
蘊含天然植物精華「再生草」 MYRAMAZE™ - 提煉自一種「再生草」, 具有驚人的生命力
可以為晚間保濕配方注入強效修護力量, 幫助肌膚24小時持續鎖住水分


質地明顯較厚身, 推開後像有一層保護膜於皮膚上~
好夠潤! 好似敷左個好薄的 sleeping mask 感覺咁~
第二朝洗面會覺得皮膚滑左架!!! 冬天用真係一流~~~


睇埋兩罐分別的水份測試做參考啦!!


最後當然要講返當日workshop少少花絮啦!
導師一早已經為我地每個人準備好材料, 個個都有d唔同架, 所以整出黎真係好獨一無二~~

黏黏貼貼以為好易, 但要掌握個比例又要黏得緊都唔容易架!
不過好好玩! 玩到overrun 晒都唔知~~


大家個花圈都整得好靚, 各有特色呀!


最後仲忘形地狂影合照!! 過了開心滿足的一晚~再次謝謝philosophy的招待!
未買聖誕禮物的朋友仔可以趕快去朝聖一下, 為家人好友挑選為肌膚創造傳奇的禮物吧~~~

#philosophyhk #shatinphilosophy #xmasgift  #thenutcracker #cherishthebeloved #christmas2016 #skincare #christmasgiftidea  

philosophy銷售地點
沙田連城廣場20a號舖專門店(查詢電話:2565 8333)
尖沙咀海港城 facesss(查詢電話:2111 4536)
尖沙咀彌敦道20號崇光百貨(查詢電話:3911 1036)

2016年12月11日星期日

▌保養 ▌Gene Skin 清痘去印一次見效 ♥ DermaQuest 南瓜酸淨膚療程...*

雖然生日早已經唔會再同朋友狂歡玩樂徹夜不眠, 但少不免都會比平時食得多
呢個生日蛋糕油膩炸物全部都落晒肚, 年紀大左, 一食d junkfood就好容易就會o係皮膚反映出黎, 
所以生日第二日我就衝去做facial!



PR 深知我有痘痘問題困擾, 所以就幫我預約左尖沙咀 Gene Skin Rejuvenation Centre 做返個適合我當時皮膚的facial喇~~呢度都好易搵!


為左揀到適合自己的facial treatment, 所以先做個皮膚分析先!
我最大的問題除左係咀邊常長痘痘之外, 就係底層有色斑呀.....
下一個目標就係想打斑!!!! 幾年前打過3次, 清晒之後都keep左幾年白白滑滑架~不過今年曬得多, 又開始冒出黎喇....


做完分析就可以入房喇! 呢度環境都幾好呀, 舒舒服服, 雖然地方唔大但整體感覺都好warm~
美容師話我我皮膚比較薄, 如果做杏仁酸treatment可能會比較容易burn親有反白情況, 所以就幫我揀左比較溫和的DermaQuest 南瓜酸淨膚療程。


療程就係用呢3枝DermaQuest產品為主~
DermaQuest係由專門研究醫學幹細胞應用的科學家Sam Dhatt創辦。
南瓜酸成份有以下幾樣:
 南瓜酸酵素Pumpkin Pulp (40%) - 去除角質, 疏通毛孔
• 甘醇酸 Glycol Acid (10%) - 美白、增加皮膚光澤、減少皺紋疤痕
• 乳酸 Lactic Acid (10%) - 去除角質、促進細胞再生
• 水楊酸 Salicylic Acid (2%) - 去除角質、改善暗瘡問題、修復紫外線傷害• 柑果植物幹細胞 Organic Stem Cells - 刺激皮膚的纖維母細胞、促進製造第四型膠原蛋白及彈性蛋白, 減少皺紋
呢個DermaQuest 南瓜酸淨膚療程除左可以去角質一疏通毛孔及抑制暗瘡細菌之外, 仲可以有效減淡因暗瘡而引起的發炎及色素沉澱!
首先美容師幫我用左Peptide Glyco Cleanser 潔面, 佢成份有甘醇酸乳酸等, 不過洗落唔會有刺激感, 好溫和。


跟住就會用重點的 Power Pumpkin Resurfacer 均勻搽上面, 呢枝果酸搽上皮膚之後感覺都有d強烈!
不過美容師幫我一邊吹風, 感覺就舒服好多喇!
 

果酸大約在皮膚留幾分鐘之後, 就可以抹上第三步Neutralizating Solution作中和果, 仲會敷上冰冷紗布再吹風舒緩刺激感。


舒緩完舒服晒! 不過仲未完架, 痛苦的事還在後頭....


打針? 唔係! 係針清呀~~~~~~~~~~~~~~~~~~~~~~~
Gene Skin的獨家柔針清痘法是先用暗瘡針斜針將油脂粒表層挑開, 然後把油脂粒兩邊的皮膚捻起, 再下針把油脂粒擠出來, 咁就可以減少針清由上而下的壓力, 減少皮膚紅腫及受傷留疤印的機會。
另外, 柔針清
痘仲可以同時能減少因果酸療程後而有機會產⽣的暗瘡爆發問題! 所以南瓜酸淨膚療程後做都好適合!

過程係有d痛苦架!!! 尤其係針清鼻子的時候真係有少少流眼水呀!
不過清得徹底d都好過清唔晒傷晒d痘痘位置但入面仲發緊炎啦, 忍一忍好快過!
針清完的可怕泛紅高清照都唔敢post 出黎嚇大家了~

針完又紅又盛, 即刻要舒緩喇!
美容師幫我用Derma Medream 的 Dermatological Intelligent Masque 蘆薈防敏降紅水份凝膠膜做導入~


導入完泛紅退左好多呀~之後再厚敷多20分鐘~

最後搽埋醫學品牌的簡單skincare就完成整個療程了!
療程後的10日我都每日敷補水面膜, 
因為呢個時期皮膚最吸收, 敷乜吸乜, 充份補水可以令療程效果更加好!

療程之後我原本d痘痘都有消退, 不過第2-3日開始生左2-3粒新痘痘, 無特別搽暗瘡膏都退得好快呀~大概第8日左右就得返痘痘印喇~

day 10 的皮膚已經可以見到下巴d痘痘好返好多得返d印。

而我覺得呢舍療程最驚喜係可以徹底清到鼻子粗大毛孔的黑頭, 效果都last到成十日~
如果keep住做呢個treatment 應該效果會更加好呀!



雖然療程後都係爆左幾粒痘痘, 不過overall 黎講我都幾滿意呢個療程, 而Gene Skin的柔膚針清都有相輔相成的效果! 如果有痘痘同痘印的苦惱都不妨一試!

DermaQuest 南瓜酸淨膚療程 (HKD780; 特別針對暗瘡性皮膚) 
Gene Skin Rejuvenation Centre
尖沙咀店地址:尖沙咀廣東道12號松鳳商業大廈8樓全層
預約電話:(852) 3188 0426
元朗店地址:元朗鳳攸南街3號好順景大廈地下37號
預約電話:(852) 2677 9776
營業時間:
星期一至五(公眾假期照常營業): 11am - 9pm星期六(公眾假期照常營業): 10am - 7pm星期日休息

2016年12月9日星期五

▌保養 ▌媽媽的聖誕禮物 ♥ 限定 SK-II 神仙水 x 日本墨流藝術...* ...

年年都為左諗買咩比媽咪做聖誕禮物諗到頭都爆, 今年就唔使諗喇!


聖誕氣氛剛剛先開始飄出黎, SK-II 已經急不及待推出一系列聖誕套裝!

每個套裝都好吸引!!! 隨便選一套我都會超開心!
一場黎到SK-II 的活動, 當然要例牌做下Magic Ring啦~~~~
Magic Ring 的神秘之處在於每次覺得皮膚ok時, 測試結果就一般....
相反覺得皮膚狀態一般的時候, 測試結果又幾出人意表架喎!!


今次我除左色斑之外其他分數我都好滿意呀!!!
自從轉了這份工作, 常常曬到, 底層色斑好像有增加的跡象.....防曬要做得更好才行!

除了Magic Ring之外, 為了令我們更了解神仙水, 還看了好幾個小測試!
首先這個是用紅外線分別射向清水和神仙水, 
竟然發現神仙水能被紅外線穿透, 而清水就穿透失敗! 証明神仙水的滲透力比清水更高~

再做一個簡單的酸鹼度測試, 對比使用潔面乳和神仙水的皮膚後呈現的酸鹼度。
圖中可見神仙水比潔面乳較淺, 是接近5度左右的顏色, 非常接近人體肌膚酸鹼度。


另外我們還做了個神仙水小問答!!! 我只錯了一題ja!!! 
原來PITERA™ 並唔係由米提煉而成, 而係酵母, 係酵母呀!!!
呢個問答好好玩, 如果用中文應該會再易少少~~~

玩完一輪就要進入戲肉喇!!
當日邀請左一位導師教我地創作出日本墨流畫, 好似好耐無搞藝術, 我都有少少技癢呀!

日本墨流藝術 (Suminagashi)是由彩墨和水互相結合的藝術。
將彩墨滴入水中, 再以一筆一筆撥動漂浮在水面的彩墨, 形成獨一無二的圖案。
日本墨流藝術的哲學在於沒有一滴是錯誤, 因為任何一滴獨特的彩墨都會成為墨流藝術的重要設計之一。
所以創作墨流畫的時候完全唔需要擔心畫錯, 只要隨心而行就可以係一幅獨特的畫作。


我發現墨流藝術創作過程實在係一段可以讓心靈放空的美好時光, 
佢唔會好似畫素描一樣受到技術的規限, 亦唔會像graphic design一樣賣弄創意, 
只需要用思想帶動身體, 不需要諗呢一筆之後要點樣畫, 靜靜地畫完之後, 心靈真係好似refresh左一樣。


今次新推出的限量版神仙水($1,280/230ml) 樽身就係以日本傳統墨流藝術 (Suminagashi)繪製, 
我諗Suminagashi 同 SK-II 的宗旨都係一樣, 每一滴神仙水都是造就晶瑩剔透肌膚的重要元素, 為女性帶來改變肌膚命運的奇蹟。其實女性無需要被社會固定框框所規限, 能夠一手一腳改寫命運, 活出自己獨一無二的色彩。


三款設計代表住三個寓意。
紅色代表勇氣 // 綠色代表喚醒 // 藍色代表純潔

除左我自己之外, 我亦都借花敬佛送了一枝給我最愛的媽媽~


希望佢除了照顧家庭之外, 更可以做到自己想做的事。


除此之外, SK-II 今年都唔例外, 推出一系列照顧唔同皮膚需要的節日護膚套裝, 大家選購聖誕禮物時唔使好似我咁諗到頭都爆喇!


銷售點:SK-II概念店及全線美容專櫃中環國際金融中心商場1樓1091號舖 Tel. 2831 9836 九龍九龍塘又一城G層22 號舖  Tel. 3104 0263

#Pitera#SKIIHK#Skiigifts#CrystalClearSkin#ChangeDestiny#BestGift

▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...