Win's blog: 9月 2016

2016年9月27日星期二

▌妝物 ▌平價玩妝之選 ♥ ABSOLUTE NEW YORK 12色眼影Palatte...*

眼就得一對, 但唔知點解見到眼影組總係心思思想買,
就算明知d色唔係常用, 都會想儲, 到底呢個係咩心態呢?

相信唔少朋友仔都會有一樣的諗法,
作為blogger成日試用妝物, 眼影真係會儲到一世都用唔完,
係呀今次我又想燒大家呢一set眼影Palatte喇!!!

登登~呢盒係2014年創立的美國時尚彩妝品牌ABSOLUTE NEW YORK的第一火熱主打產品 -
ICON Eyeshadow Palettes耀目時尚炫彩光感柔滑眼影盤 ($149@)~

ABSOLUTE NEW YORK以「前衛、創新、大膽」作為品牌的創作概念,
為彩妝愛好者打造一系列多色彩、具個性的時尚彩妝產品, 唔講唔知佢地已經短短兩年進駐多於75個國家,
並於全球設有超過2,000多個彩妝專櫃!

直到今個夏天先進駐香港ja!而且仲邀請左韓國少女時代成員金孝淵作為香港、台灣及韓國地區代言人~

我覺得孝淵係少時入面比較carry到濃妝的成員黎! 搵佢代言都好適合丫~

呢個ICON Eyeshadow Palettes總共有3款, 分別係

AIEP01 – EXPOSED極緻裸妝 // AIEP02 – TWILIGHT黃昏魅惑 // AIEP03 – NOIR GARDEN深魅花園

每個palatte都有12個色調, 而且配有華麗的雙頭式眼影掃及大型鏡面, 方便隨時上妝~

我手頭上就有上圖的 AIEP01 – EXPOSED極緻裸妝
除左日妝大地色一定無問題, 佢仲可以畫smokey eye~
眼影超級顯色! 而且粉狀好細滑唔飛粉!

呢盒就係AIEP03 – NOIR GARDEN深魅花園
佢以園林色調為主題, 藍、綠、紫超靚呀!!!! 呢盒比01更加實用, 不單止有基本的大地色, 仲可以同藍、綠、紫互相配搭, 日夜妝轉換無難度啦~

我就試左2個基本祼妝+1個晚妝, 睇睇上眼圖啦!

**黃色係上眼皮使用色, 白色就係下眼皮使用色**

上眼皮用深淺啡色, 下眼皮同粉紫點綴一下~

呢個妝就相反, 上眼皮用紫色混少少灰綠色, 眼底只用兩啡混合上色, 係一個超實用的不敗眼妝。

最後係挑戰同墨綠和啡色打造的晚妝~~

呢隻寶石綠色睇落好有氣質, 唔會係收銀綠, 閃爍度亦一流!

個人認為呢兩盒Palatte 都好實用!
顯色之餘唔會飛粉, 而且閃爍度剛好, 亮片不會太大片顯廉價,
每盒都有幾格matte色用黎打底夠實用, 價錢亦非常大眾化, 唔一定再捱貴牌喇!
推薦比化妝師朋友使用呀:)

銷售點：屈臣氏獨家發售
顧客查詢： 2377 9000 網頁： www.absolutenewyorkcosmetics.comFacebook： https://www.facebook.com/Absolute-New-York-HK-573274349515022/Instagram： https://www.instagram.com/absolutenewyork_hk/

2016年9月25日星期日

▌日常 ▌聽歌控送禮之選 ♥ Sudio VASA 耳機開箱+試用分享...*

相信有無數人都遇到「唔知送咩禮物比身邊人」的苦惱!
將心比己我自己多數想收到實用禮物, 所以送禮比人都會首先考慮實用性,

而「耳機」就係我一向都納入送禮考慮之一!

今次就想分享返來自瑞士斯德哥爾摩 Sudio 呢個牌子的耳機開箱同試用喇~~

我係一個典型人馬座, 送野比身邊人唔會太著緊價錢, 但買比自己就用cheap野就算,
由於一直覺得自己對音色無特別要求, 曾經試過隨便去買個一百蚊左右的耳機線自用,
結果d音色差到無朋友, 連聽都聽唔清楚, 結果都係要買多隻貴少少用, 計返根本得不償失~
所以送比身邊人的話, 更加唔會買太便宜, 至少都要有牌子先!

男友對耳機好有要求, 但又成日亂塞耳機搞到好易壞, 所以成日都要買新!
今次Sudio呢盒耳機就啱晒佢喇!!

Sudio Vasa 有兩個系列, 包括VASA BLÅ 藍芽系列及我地手上的VASA 系列, 分別就係藍芽和非藍芽的分別喇~
前者係SUDIO首款藍芽耳機系列, 也是品牌的旗艦產品! 不過男友不習慣需要充電的藍芽耳機, 加上多數係搭車聽歌或者在家獨自睇碟用, 最後還是選了這款~

呢款耳機共有4個顏色, 深藍和灰色都好靚!
而每一款都已經包括以下所有配件! 連耳塞都有4個size實在貼心!

唔講唔知, 原來 Sudio 堅持以手工替代大部份機械生產程序, 所以每次只可以限量製 80 至 500 對耳機,
亦會在生產過程中反覆檢驗及提升產品性能,務求產品每個細節達至高水平。

扁平式耳機線收納簡便, 減低打結纏繞及扭曲造成的破損。

備三鍵遙控及收音咪, 具有分別與Android或iOS系統裝置相容之型號以供選擇。

佢採用新一代10.2mm驅動程式, 音響表現出眾, 音色細緻且極為清澈。我唔識得好專案咁分析音色, 但可以講聽歌睇片的時候, 雜音係比較少, 而且耳機緊貼耳仔, 對外來聲音的接收都可以減少~~

男友表示耳機設計簡約又夠潮, 拎出街用都好型! 加上有佢最愛深藍色就再加分~
用黎傾電話方面, 耳機的收音咪用上MEMS科技, 可以消除回音, 對話就更加清晰!
呢一點真係好重要, 最憎講電話時聽到晒對方身邊所有人既聲音同雜音, 就係聽唔到對方講乜!!!

男友就話有埋呢個真皮耳機收納袋就更加唔會亂塞耳機整壞佢喇!!

個人認為男女用都一樣型!

VASA 系列耳機各色 $499, 如果有興趣就唔好錯過下面的 ♥讀者優惠 ♥ 喇!!

凡於Sudio官網（香港站）購買任何產品, 除享20%退稅折扣外
輸入優惠代碼「winwin」, 更可額外再享85折!
(全港免運費, 一年保養, 網上購買可享免稅優惠)

www.sudiosweden.com/hk

Instagram: /SudioSweden #sudiomoments
Facebook: /SudioSweden @SudioSweden

2016年9月22日星期四

▌保養 ▌10年大眼不老? ♥ R.N.A. Power 立體緊緻修護眼霜...*

光陰真係唔等人架, 話咁快又一個月喇.............

上回講到出席完SK-II 新品R.N.A. Power 立體緊緻修護眼霜介紹會之後,
我就即刻開始晝夜無間踏著面前路咁.....用佢喇!

回顧返少少啦!
SK-II 在2016 最新秋田(Akita)研究發現, 眼睛會由 20 歲開始隨著年齡增長而逐漸變小,
並於 15 年的時間內縮小 20%, 而主因就係因為眼周缺乏縱橫結合的立體緊緻。

而呢罐R.N.A.Power 立體緊緻修護眼霜 (HK$750/15g)就注入了 SK-II 經典成分的濃縮 PITERA, 綠球藻精華, 與創新 R.N.A.複方 (含大豆精華及酵母精華的抗老成分)及全新成份環狀引流因子(紫花苜蓿及白羽扇豆萃取) 完美結合, 促進蛋白質結構完整、刺激眼周肌膚活化, 激活膠原蛋白結構, 達至全方位縱橫緊緻並減少眼部下垂。

唔經唔覺就用左成個月喇! 真係歲月不饒人, 成日計畫要做乜乜乜, 講完之後時間就咻一聲飛走,
又後悔點解唔坐言起行......所以希望自己可以將決定左要做既野即刻付諸實行。

眼霜質地好順滑, 按眼時用多少少都唔覺笠!

留意返搽眼霜係要由外推向內均勻搽好, 逆眼紋的方向就對了!
目的係要填補眼紋, 順住眼紋搽反而會加深眼紋架。
然後我留意到十次有九次去做facial, 美容師最後都係用錯的方向幫我搽眼霜....sosad
另外值得一提的係所有Deep clean product、導出導入機等等都要盡量避開眼周~

按摩方面, 多數夜晚我先會有時間按下眼周, 不過成日覺得眼周無乜感覺, 要大力少少先按到穴位....
不過有按同無按都真係差幾遠架.....

當日活動仲送左呢個亞麻籽 x 薰衣草眼膜比我地, 可以雪凍敷又可以叮熱敷,
我就中意叮熱用, 暖暖地真係幾舒緩~如果可以有條橡筋帶綁一綁後腦就更好喇~

用左一個月左右的比較:

可以影到咁近似的眼珠角度我都覺得幾犀利XD
用眼白位置黎睇好似冇咩大分別, 不過我覺得眼紋有少少改善。

眼霜潤而不笠, 水份度上升效果不俗~
Overall 黎講好滿意, 長期用係咪真係可以keep住10年, 20年雙眼不老不變細?
我係一個好怕變老的人, 所以我都好期待呀!

銷售點：SK-II 概念店及全線美容專櫃

太古城中心 232 舖 (Tel. 2670 2633)

九龍九龍塘又一城 G 層 22 號舖概念店 ( Tel. 3104 0263)

2016年9月20日星期二

▌保養 ▌bareMinerals Skinsorials 系列 ♥ 一步步進行礦物護膚(上)...*

唔知大家覺唔覺, 有時有冇化妝都好, 只要果日出左街, 夜晚洗面都會發現多左一堆粉刺、死皮, 成日覺得皮膚唔夠乾淨咁....
有時食多左垃圾食物, 又少飲水, 感覺個人好多毒素咁, 仲會表現在皮膚上,
明明早一日先做完deep clean, 第二晚又覺得皮膚粗糙返, skincare點搽都唔多吸收咁....

前排收到 bareMinerals Skinsorials 一系列產品, 除左基礎護膚的產品之外, 仲收到最新的deep clean產品~
如果一次過介紹晒會好長篇, 所以今次就介紹分享以去除角質及排毒為本的全新 Skinsorials 亮肌淨化孖寶!

又話孖寶但有5件產品既?
因為呢5件產品配合使用, 效果會更好架!

首先係今次的重點產品之一, Mix. Exfoliate. Smooth. 柔滑亮肌磨砂粉 (HK$190/25g)

佢混合了多種天然成分, 如法國薔薇萃取物(Rose)、法國白葡萄籽(Chardonnay)、甜橙皮(Sweet Orange Peel)、黑米(Black Rice)、礦物海鹽(Mineral-Rich Sea Salts) 等, 將各種天然成分磨成微細粉末, 可以溫和去除暗啞死皮, 改善粗糙膚質, 加速細胞更新同時滋養肌膚, 讓肌膚展現細緻光澤。

原本以為佢係好似普通潔面粉咁加水起泡就洗面, 但原來可以加入任何bareMinerals的潔面產品, 效果仲會更好喎, 咁我就加入呢枝礦物溫和深層潔面乳 ($190/120g)一齊用啦!

呢枝潔面乳加入接骨木花萃取物(Elderflower Extract), 可以抗氧化及柔軟肌膚。
加上能強效淨化及柔軟膚質的迷迭香萃取物(Rosemary Extract)及蘊含豐富鈣、鎂及鉀的礦物海鹽 (Mineral-Rich Sea Salts), 可以深入清潔毛孔, 徹底去除多餘角質、油脂污垢, 讓肌膚保持潔淨。

咁係咪兩款洗面產品倒埋一齊加水起泡就ok?
No NO no~~~~~~
今次就要用呢個專為柔滑亮肌磨砂粉而設的嶄新 Double Cleansing Brush 雙效潔淨按摩刷(HK$150)!!!

外圍係人造纖維掃毛, 內圍係矽膠刷頭! 佢係一個手動的潔面刷, 唔使叉電而且好輕巧。
柔軟幼細的人造纖維掃毛能深層清潔毛孔；配合矽膠刷頭同時按摩肌膚, 促進細胞更新。

用的時候先整濕刷毛, 之後就將潔面粉倒入中間位置, 潔面乳就吱到外圈毛位置,
之後我會再加多少少水, 就可以打圈洗面喇!

本來以為中間矽膠位置會好硬, 但又唔係喎! 感覺只係會好似按緊摩咁,
外圈的毛亦比想像中柔軟好多, 細微位都照顧到, 洗得好舒服, 會想一路係咁洗XD

洗完面就到孖寶number 2: Dirty Detox Skin Glowing and Refining Mud Mask 排毒淨化礦物泥(HK$300/58g)

我最愛用泥mask, 呢一罐就集合左世界各地的溫泉、海洋、湖泊、火山等地方搜羅的礦物泥, 含有豐富礦物營養, 有效深層清潔毛孔, 柔軟肌膚。

成份有摩洛哥阿特拉斯山礦物泥 (Moroccan Rhassoul Clay)、法國海底泥(French Green Clay)、巴西火山綠泥(Brazilian Green Clay)、西班牙溫泉泥 (Spanish Costal Clay) 及日本備長炭(Japanese White Charcoal)。最後少不了加上木瓜酵素, 有助柔滑粗糙膚質及提升肌膚光澤, 預防粉刺暗瘡等問題。