▌眼妝 ▌聖誕拒絕浮誇 ♥ FreshKon FreshKon 全新大美目攝人系列...*

去年有用過 FreshKon Colors Fushion 系列的 one day con, 覺得舒服但都係想試下平實少少的款式,
今年就試到喇! 戴左不下十次, 係時候分享下!

戴緊既就係 FreshKon Alluring Eyes 全新大美目攝人系列的one day con!

FreshKon® 大美目每日即棄隱形眼鏡有3個顏色可以選~

產品規格
度數 ： - 0.00D Plano (平光) - 0.50D 至 -6.00D (0.25 steps)  - 6.50D 至 -10.00D (0.50 steps)
直徑 ： 14.2mm含水量 ： 58%建議使用方法： 每日拋棄 

我手上的是最自然的 注目啡 Winsome Brown
深啡色網紋外環揉合瞳孔顏色, 為雙眼提升亮麗感, 突顯大美目的神態。

呢幾年我都有戴過唔同款的 FreskKon 但幾次都剛好係比較花俏的款式, 
今次淨係望副con本身都以為花紋會比較明顯架!!

但戴左上眼之後, 花紋比想像中低調, 原來今次的網紋係模仿真實眼睛設計, 可以提升眼部輪廓, 雖低調但應有的層次感都有!

配埋簡單眼妝仲更加自然!!!!

另外就係鏡片蘊含HA特效保濕因子, 含水量提升至58%, 令眼睛高效時刻保持水潤亮澤!
而且鏡片採用高親水性及高透氣物料製作, 令雙眼時刻擁有充足氧分它的順滑邊緣設計, 仲可以提升鏡片貼服度。

唔怪得戴10幾個鐘都係出左少少紅筋, 眼球上下左右郁都唔會移位!

FreshKon Alluring Eyes鏡片採用美國FDA 認可之隱形眼鏡色素, 而家既人愈來愈注重防曬, 鏡片都加入UV防紫外線保護, 可阻隔超過70% UVA及95% UVB, 對雙眼的傷害又可以減少dd喇~

我自己都幾中意呢一款鏡片! 放大效果唔誇張夠自然, 唔認真睇其實同自己眼球無咩分別, 可以以假亂真!!
戴起黎又舒服唔會un住un住, 時間耐左都無缺氧感, 易戴易除, 滿意!!!
今年聖誕就戴佢啦!!!!一定可以在一眾濃妝艷抹的女生中突圍而出~

FreshKon 全新大美目攝人系列$295 / 每盒 (30片裝), 而家仲做緊優惠, 買6盒送2盒!!
搵2個朋友一齊share就平好多喇!!!

查詢: 2503 5511
www.freshkon.comhttps://www.facebook.com/freshkonhk銷售地點 ： 各大眼鏡公司

▌身體保養 ▌又可以放心脫毛喇 ♥ MediLASE 再體驗(一)...*

唔知仲有冇朋友仔記得, 早兩年試過去兩間脫毛公司進行激光脫毛之後, 
手臂和小腿不幸出現毛囊炎的狀況......結果我這兩年都不敢再做激光脫毛了!
當時幾位醫生說毛囊炎的形成除了激光強度未必適合自己皮膚之外, 極少做 body care也是元兇之一, 
自始我就有keep住搽body lotion, 維持皮膚濕度。
再加上小人毛髮極其旺盛, 夏天成日著短袖背心發現前臂毛毛實在有礙觀瞻, 自己脫 / 剃毛又好快再生出黎, 所以我就膽粗粗再去試激光脫毛喇!!!

今次我選了 MediLASE 朗豪坊分店進行療程, 第一次黎, 覺得好大!!!!! 走進去像迷宮一樣~感覺也很專業。

好坦白講, 當時進行激光脫毛後出現狀況的脫毛公司, 其中一間正正就是 MediLASE , 
但身邊幾位好友都完全沒有像我一樣的問題出現, 也公平講句, 當時我除了沒有替皮膚做好保濕之外, 脫毛後立即穿上貼身的legging也是我的失誤吧!
這次我牢牢記著要避免的事, 一旦再出現狀況就不是自己的問題了吧 (奸笑)
除了自己要小心之外, 我也格外留意 MediLASE 的激光脫毛技術是否安全。

MediLASE 使用的儀器都係見慣見熟的 Candela, MediLASE PRO-U™ 755nm 激光脫毛科技, 相比其他光學技術, 其能量更集中地深入毛囊深處, 更有效根除黑色毛髮, 達致理想脫毛效果。

而它所使用的機頭是全球最大直徑24mm放射機頭, 加倍激光能量, 大大縮減療程次數, 療程時間最高節省5倍!!!

MediLASE 的光學治療師都具備一級專業資格, 並通過註冊醫生培訓。 

療程前我已經有跟她提及我的經歷, 開頭我以為佢會支支吾吾但完全唔係喎, 佢好認真咁同我分析可能的原因, 同埋解釋比我聽佢地而家呢個科技可以點樣避免呢個情況, 聽完我覺得安心左好多!

準備打光前, 光學治療師先替我在前臂畫好格仔以便準確打晒所有位置。

唔好睇我咁輕鬆v晒手, 其實好驚痛.............

咦.....無想像中咁痛喎....雖然我療程前已經知道佢採用佢個全球專利PRO-U Cooling System, 可即時將皮膚表層在同一時間時降溫, 在準確的時間裡有效舒緩皮膚的灼熱感, 而且能保持到只是令皮膚的表皮層降溫, 而又不影響真皮層的溫度。但有d脫毛公司一樣話打光同時有冷凍效果, 但根本痛到乜....問返MediLASE先知原來有d公司話就話同樣會用Cryogen冷凍劑, 但份量落好少, 所以仍然會覺得痛!!! 唔怪得平一截啦.....MediLASE 係唯一一間得到Candela頒發使用量優良中心, 仲有証書保証! 唔怪得無乜痛感啦~

兩條前臂唔係花好多時間就打完, 治療師隨即幫我搽返body lotion, 
當晚出左2, 3粒紅點, 少少痕, 但都係正常反應, 忍一忍就無事~
一直到一個月後既今日, 我的手臂都無任何不適!

其實我的Before已經係兩個星期無處理毛毛, 雖然唔算好濃密但近睇會好明顯有短而粗的毛毛.....
激光後當晚其實都見到有少量毛毛未甩晒, 但三星期後近睇只有幾條細毛, 無再生返好似before咁, 第一次效果都好滿意喇!! 跟住仲有5次療程, 期待第6次之後唔使再煩惱前臂毛毛拮親男友的問題喇 XD

終於可以真正放心交比 MediLASE 幫我脫毛喇!!如果你都想好似我咁放心, 可以盡情享用以下的Blogger 讀者限定7折優惠: http://goo.gl/9G1XIY

▌保養 ▌用黃金保養 ♥ 韓國 Dr. Lee Gold Series ...*

呢篇係遲左好多分享的文章!!! 實在抱歉......收到產品後不久就爆痘了(又), 
因為是一整組保養品也不想草草了事, 結果等了兩星期才使用, 也用了三星期去試用, 拖到現在才出真的不好意思...

DR LEE@KOREA 顧名思義係來自韓國的品牌, 
而DR LEE李周赫醫生是韓國著名「KIES‧U醫學美容及皮膚科醫院」院長, 為不少著名韓星根治過無數皮膚問題!! 品牌以先進醫學提煉技術把植物中的天然護膚功效發揮到極致，並配合各種醫學級護膚成分及嶄新的幹細胞醫學成分,全線產品均通過敏感測試。

而呢個幹細胞黃金系列就係抽取24K 黃金和蓮花幹細胞成分而製成。
24K 黃金
# 黃金的傳導力強, 性質穩定, 不易引起人體的皮膚排斥 
# 有效徹底清潔肌膚堆積的污垢
# 活化肌膚的新陳代謝
# 激活細胞活力及肌膚彈性
# 延緩皺紋產生
# 美白皮膚

蓮花幹細胞成分 
# 被譽為「花中仙子」的蓮花, 經科學證實具有強效的抗氧化及保濕功效
# 可抵禦自由基侵入肌膚所造成的老化問題
# 有助延緩肌膚衰老、撫平皺紋及幼紋。

5件產品首先分享呢枝幹細胞黃金還幼水, 亦係護膚Step 1。
主要成分: 24K 黃金，Chromocare，蓮花幹細胞，酵母， 肌肱
主要功效: 能喚醒肌膚細胞、增加肌膚彈性、改善黯啞粗糙肌膚、改善鬆弛及毛孔問題

還幼水其實即係toner, 我覺得瓶口設計好差....玻璃瓶身重, 瓶口又細, 液體少少杰身唔易倒出....
結果每次用都要好大力chok先吱到一點點.....
ok講返還幼水質地, 偏杰身, 其實佢係toner+精華的混合體, 無乜香味, 用後皮膚覺得舒服軟綿綿, 但感覺唔算好補水。

眼部護理有2件產品, 首先係幹細胞黃金眼部精華原液。

主要成份：24K 黃金、蓮花幹細胞、深海魚子、人蔘萃取 及四胜肽 主要功效：有效撫平眼紋、祛黑眼圈、舒緩浮腫，增強眼部肌膚彈性，全面解決暗沉、鬆弛、皺紋等眼周肌膚問題。

泵裝設計取用方便, 質地好水好易推!!! 推開之後精華入面的黃金片狀會溶解~
不過稍嫌太清爽, 這種天氣單用它滋潤度唔夠呀~

 

所以要配呢枝幹細胞黃金還幼眼霜使用。

主要成分：24K 黃金，Matrixyl3000，蓮花幹細胞， 腺苷 
主要功效：撫平眼紋、袪黑眼圈、擊退浮腫，令眼周回復緊緻年輕

成個系列我最愛這枝!
打開瓶蓋後有一個冰感走珠按摩頭, 在瓶底輕輕按壓就會泵出眼霜, 眼霜質地好幼滑, 偏杰身, 
我會直接以冰感走珠按摩棒塗抹眼霜及按摩眼周至完全吸收, 碌完眼感覺好精神, 雖然要花一點時間令佢吸收, 
但用完之後眼紋真係會即時有改善, 化妝後眼底亦無咁易起乾紋! 

有時起身眼腫腫可以直接用佢碌眼, 唔使再雪凍小匙按摩喇xd

按完眼就要搽面霜喇, 呢罐係幹細胞黃金還幼面霜 (配還幼瘦面石)

主要成分：24K 黃金，SYN-COLL，蓮花幹細胞，腺苷，大馬士革玫瑰 
主要功效：矜強效抗皺成分，能撫平肌膚皺紋、增加肌膚彈性及改善黯啞膚色，配合還幼瘦面石按摩面部，能提升面部輪廓，重塑完美 V 面。

面霜質地就比較滋潤, 唔配合按摩我覺得會有少少heavy~

那塊還幼瘦面石同牛骨板差不多, 都係可以用唔用角度按摩面部, 每晚我都會用黎刮面, 主要會刮最困擾的腮位同虎紋。
不過因為我皮膚容易敏感爆痘, 所以我都不會按太久和太用力, 有痘痘的部份會輕輕避開。

按左三星期我覺得係有少少效~ 不過按摩真係要持之以恆, 一唔按就會打回原形 XD

最後就係呢枝幹細胞黃金睡眠面膜

主要成分：24K 黃金，Collageneer，蓮花幹細胞，積雪草， 透明質酸 
主要功效：於睡眠間為肌膚注入源源水份並促進細胞再生，能撫平肌膚皺紋、喚醒肌膚細胞、增加肌膚彈性，令肌膚回復水潤光澤、緊緻細嫩。

sleeping mask 質地都幾厚幾潤, 如果當晚我打算用sleeping mask, 我就會skip 左面霜, 直接敷sleeping mask, 等佢吸收左一半就去訓覺。塗的時候痘痘位置會盡量避開, 痘印位置會照塗。

第二朝皮膚有少少油光, 但感覺似潤澤飽滿, 皮膚無因為敷sleeping mask有敏感或爆痘情況, 
可以放心用!!! 洗面時感覺到皮膚明顯比前一晚滑溜, 唔錯!!

總括而言, 我覺得Dr. Lee Gold Series幾適合我呢種輕熟肌使用, 滋潤度夠又唔會太heavy, 我成set轉左都無皮膚敏感或者大規模爆痘情況, 推介比大家冬天用!

幹細胞黃金還幼水 $229 /130ml幹細胞黃金眼部精華原液  $228 /15ml幹細胞黃金還幼眼霜  $229 /15ml幹細胞黃金還幼面霜(配送還幼瘦面石)  $339 /50ml幹細胞黃金睡眠面膜  $229 /80ml

銷售地點：屈臣氏獨家發售 
顧客查詢熱線：2994 6677 
Website: http://www.drleekorea.com 
Facebook: https://www.facebook.com/KoreaDrLee

▌身體保養 ▌美顏排毒去水腫 ♥ 台灣即沖紅豆水、薏仁水...*

一下半身水腫係我一直以黎的問題, 為左去水腫我都試過好多方法, 

例如每晚把雙腳呈L狀90度倒吊、睡前3小時渴死了也不喝水、按摩等等...
但老實說效果都好一般, 呢一年黎聽過好多女明星大推紅豆水去水腫,
尤其係那些年的陳妍希、韓國的朴信惠, 效果都超明顯!!!
網絡上有超多教煮紅豆水的教學文, 之前我媽都在家煲過紅豆水, 蠻好喝的, 就是要自己煲有點麻煩....

早排呢幾款即沖的紅豆水、綠豆水、薏仁水、紅棗水賣到火紅火熱,
我都唔執輸, 雖然係遲少少, 但總算可以試下紅豆水和薏仁水喇!!!
每盒有30小包, 一天一包好方便!



有時自己煲紅豆水要好小心睇火, 否則煲太久的話把紅豆煲爛, 就會反而添加了熱量。
易生技的即沖劑就以特殊低溫水萃技術，以溫水代替熱水, 用高壓萃取豆中最精華的有效成份, 就紅豆來說, 萃取過程連澱粉都會去除, 每一包的熱量就只有7.2卡!!



紅豆水特點♥ 精選大顆天然紅豆，20倍萃取、濃縮而成
♥ 特殊低溫水萃技術，保留紅豆最精華的效能成份♥ 純正天然，無糖、無色素、無香精、無防腐劑、無抗氧化劑
紅豆水好處♥ 含有豐富的天然胺基酸、維生素、鐵質等，促進新陳代謝
♥ 可作為懷孕、產後，代謝、窈窕、調理的絕佳天然保健飲品
♥ 特別適合經期時，調理滋潤



由於沖劑是粉狀質地, 我會選擇先用熱水沖泡拌勻, 再視乎需要加溫水。



每次建議沖300-500 ml水, 但我覺得沖太多味道會太單薄不好喝, 所以一般我都不會沖多過300ml, 大約就一個暖杯份量。不喜歡這樣喝也可以配茶、咖啡、果汁、豆漿、牛奶等飲料。

紅豆水喝起來沒有想像中濃味, 亦有少少酸味, 後來才知道是因為含鐵質和葉酸所以味道帶酸。
尚算容易入口但說不上好好喝~~~



薏仁水特點
♥ 滴滴精萃，精選大顆天然白薏仁，30倍萃取、濃縮而成♥ 特殊低溫水萃技術，保留薏仁最精華的效能成份♥ 純正天然，無糖、無色素、無香精、無防腐劑、無抗氧化劑
薏仁水好處
♥ 薏仁含有豐富的膳食纖維、礦物質、維生素等，促進新陳代謝♥ 薏仁水有助去水腫，美白滋潤，是追求窈窕美麗的佳品




以前去餐廳吃飯偶而會點薏米水來喝, 覺得清清甜甜很好喝, 薏米也很有嚼勁~
原本以為薏仁水味道會很相似, 但意外的反而跟紅豆水有點相似, 味道較清淡, 但比紅豆水好喝~




我把兩盒都放在公司, 通常會在lunch前喝一杯, 口味看心情而定 XD
說真的由於味道不怎麼樣, 有時會忘記喝....斷斷續續連續喝了三星期左右吧!
覺得最嚴重的下半身水腫方面沒有太明顯改善, 反而改善臉腫的情況比較明顯~
另外就是我覺得紅豆水在經期後飲用, 體質感覺回復得比較快, 因為我這一年來每次period後都會覺得累好久, 但上個月我period第4天就喝, 覺得沒那麼易累, 也許是紅豆水的功勞!
而薏仁水就好明顯改善到我的便秘問題(而且相當利尿xd) !!!! 



其實我覺得呢d沖劑係要日日飲, 持續一段日子先會有明顯效果~
不過點都好過日日飲咖啡奶茶凍飲, 又唔使自己去買材料、花時間煲煮, 也是一個好選擇!
上網看到其他人分享加蜂蜜沖泡會很好喝, 我也會試一試!!! 

香港代理: 香港萬萊有限公司
https://www.facebook.com/EJIA.hk/銷售點: 萬寧