▌保養 ▌菅式美容 Ultra V Lift 無針埋線 ♥ 輕鬆還我面部線條...*

我對自己樣子最唔滿意的, 就係面部輪廓,
天生下巴短, 加上中學時期連續幾年狂吃口膠, 換來咀嚼肌強大的四方臉。
呢幾年再加入低頭族行列, 僅餘的面部線條更加蕩然無存XD
之前成日聽到面部埋線可以明顯改善面部線條, 但無論如何也不敢在臉上注入任何外物,
所以聽到菅式美容 Kan's Beauty 有Ultra V Lift 無針埋線呢個療程, 真係好心動要即刻試!



菅式美容係香港唯一一間獲得「韓國小顏骨気美容協會」認可的美容中心。
之前有朋友黎過做徙手矯形, 大大改善左面部輪廓, 當時已經好心動, 但真係驚痛嘛....
所以黎做Ultra V Lift 無針埋線之前都做過功課, 知道係完全零痛感先膽粗粗一試!





講返呢個Ultra V Lift 無針埋線, 其實並唔係真係傳統埋線療程。
佢係利用醫療級渦旋Hifu聚焦超聲波及TDT熱擴散技術, 將隱形的能量線埋於真皮層及SMAS筋膜層(肌底1.5mm、3.0mm、4.5mm), 可以達到即時拉緊, 同時刺激膠原立即收縮、增生及重組的功效, 並建構出新的彈力纖維網, 即時收緊鬆弛下垂, 承托臉型輪廓, 同時間亦有嫩膚功效, 效果比傳統埋線手術更安全和持久。




呢部就係療程所用的機器。



而療程中就會分別用到呢3個治療探頭, 接觸面較細, 可以更靈活操作, 準確到位。



由於療程唔止做面, 仲會做埋眼周! 呢樣真係唔係每個提拉療程的儀器可以做到~~
另外就係會做埋頸, 所以都要換返件袍先!



美容師首先幫我卸乾淨塊面, 再在面上和頸部mark好需要做的位置, 然後事不宜遲即刻開始!







美容師分別用1.5mm、3.0mm、4.5mm的探頭進行療程, 先做面再做頸, 過程係完全唔痛架!!
除左暖暖地, 基本上可以話無乜感覺, 就算係最近骨的眉骨位和顴骨位都無乜大感覺~
比射頻同hifu的感覺都細好多呀! 做到後段我舒服到睡著....



做左半邊面睇睇, 已經見到有提拉效果。



做埋全面, 自己摸落感覺會更加明顯~
成個過程大概只係30分鐘左右, 做完係完全唔會紅亦唔會腫, 零復原期, 我覺得皮膚細緻度都有即時效果。



第2日盡力影返同一角度去對比, 見到腮線明顯有返線條!!!!!
雖然塊面都仲係好橫但有返線條點都會好好多~~~
呢個療程係好適合想提升輪廓但唔想做埋線、打針、手術 , 或者接受唔到強烈感覺的朋友仔!!!
而且完成整個療程之後效果更長達 2 年~
如果可以做多幾次, 我諗我塊面睇落一定會無咁方>_<

有興趣的朋友可以登記預約體驗:
http://www.kansbeauty.com/ultravlift 


菅式美容 Kan's Beauty
https://www.facebook.com/pg/kansbeauty/ 
Whatsapp: 5118 9583
旺角店電話: 2387 2318
尖沙咀電話: 2369 8818
銅鑼灣電話: 2387 3818
觀塘店電話: 2602 1833

▌保養 ▌Neogence 神敷奇肌黑凍膜 ♥ 淨化保濕一take過...*

夏天的皮膚真係問題多多, 易出油、毛孔粗大、痘痘色斑、缺水敏感....
每日護膚步驟真係一個都不能少, 對於忙著應付期末考試和paper的我真係覺得好攰呀!
成日諗有無一件skincare就可以代替到所有步驟呢?

原來唔係無架喎!
呢罐係我愛牌之一, 台灣醫學品牌Neogence全新推出的神敷奇肌黑凍膜
(諗左一陣先醒覺係「神乎奇技」的普通話諧音!!!)
佢蘊含排毒淨肌的竹碳成分, 可以深層清潔肌膚, 疏通毛孔。
而黑凍膜獨特的保濕啫喱質感, 仲可以做到深層淨化、保濕、控油抗痘及淨白的功效!

聽起上黎好似真係好方便喎!

成份蘊含台灣桂竹竹炭粉, 有效深層淨化毛孔污垢及粉刺,
配合白柳樹、薏仁有效控油淨白, 而洋甘菊及金縷梅等成分就有保濕及舒緩功效!
平時我都Keep住有買 Neogence 的面膜黎用, 覺得價位合理之餘又好好用, 所以對佢都充滿信心~

呢類凍膜都一定有枝凍膜捧, 除左用黎搽上面之外, 仲要用黎刮走面膜架~

面膜獨有的果凍質感, 親膚不刺激, 適合所有肌膚使用, 敏弱肌特別適合。

用法好簡單, 卸妝及潔面後, 厚敷黑凍膜於肌膚上, 待30至40分鐘, 以附送之凍膜捧把面膜刮走, 有助把粉刺推出,
然後以清水洗淨, 再使用後續保養品。
個人認為凍膜質地有少少難搽得均勻, 我會用手指幫幫手推勻佢~
一邊敷, 一邊做其他野, 30分鐘好快過!

刮走凍膜之後係好．明．顯見到塊面乾淨左勁多!!!!!!!!!
尤其係鼻翼位置d毛孔乾淨左, 而且泛紅位置有鎮靜到, 整體膚色都淨白左喎!
摸落平滑過未敷之前好多呀, 有d驚喜!
其實我每星期都有3日會敷base formula 的aloe mask, 次次都厚敷半個鐘, 都幾保濕但清潔效果都呢罐咁明顯!
我諗我之後都會轉會喇 XD

敷完係唔覺繃緊嘅! 講到好水潤好保濕又未至於, 反正都會再搽返精華面霜等等, 對於呢點我的要求唔算高。
但係亮白、潔淨呢兩點真係表現得幾好, 個人認為overall係值得推介嘅~~~

如果你都想有機會試下呢罐神敷奇肌黑凍膜,
只需要在8月3日至8月31日參加問答遊戲, 其中20位參加問答遊戲的讀者就有機會贏得Neogence神敷奇肌黑凍膜 370g 乙份(價值HK$188)!

Neogence活動網頁連結 : https://z7a8u.app.goo.gl/JEH2

 

是次產品由theZtyle.com/品牌提供
產品於莎莎獨家發售, 售價HK$188/370g
顧客查詢熱線：2505 5023

 

▌保養 ▌Kiehl’s 期間限定 ♥ 愛香港Pop Up冰室 + 限量版系列...*

去得多西式cafe有時都會想去下本土懷舊茶記嘆返件多士飲返杯奶茶,
最近就黎到旺角呢間新開的冰室嘆返件港味cupcake先!

哈哈~講緊既係Kiehl’s 在旺角開設了一間充滿本土特色, 而且屬於期間限定的「Kiehl’s愛香港Pop Up冰室」呀!
呢度無菠蘿油凍奶茶, 不過就有好多Kiehl’s crossover 走紐約風格的平面設計師和插畫家Ali Mac,
推出的一系列Kiehl’s Loves Hong Kong的限量版產品和紀念品!
唔講唔覺, 原來Kiehl’s Loves限量版系列已經係第三年喇~

「冰室」細細, 但影相打卡位極多!

連呢d細節位都一絲不苟!

限量版的特效清爽保濕啫喱和特效保濕乳霜 x 充滿香港色彩的包裝!

呢set藍色的特效清爽保濕套裝就係趁住夏天推出的新產品喇!
除左保留皇牌產品特效保濕乳霜的滋潤度, 亦以oil free為賣點, 清爽得黎又夠潤唔會乾爭爭。

有期間限定pop up store, 當然有期間限定的產品同紀念品啦!

就算唔買限定產品, 憑任何消費再於Kiehl’s冰室拍照並upload上社交網站, 仲可以拎到一件香港茶記口味特色cupcake!

個人特別中意凍檸茶味!! 味道真係做得幾似架~~~~~~~~~~

另外, 凡購物滿HK$1000(其中包括特效清爽保濕啫喱乳霜或特效保濕乳霜),
就可以帶走一把限量版透明雨傘, 呢把勁靚! 邊捨得落雨用呀~

我就已經急不及待開始用緊呢set特效清爽保濕套裝喇, 最中意佢潤而不笠, 用完感覺皮膚無負擔!

「Kiehl’s愛香港Pop Up冰室」:
時間：7月5日至7月31日
地點：旺角彌敦道610號荷李活商業中心G8-12b號舖

Kiehl’s網址: www.kiehls.com.hkFacebook專頁: www.facebook.com/kiehls 
Instagram: kiehlshkWeibo: KiehlsHK

▌美髮 ▌無須漂髮 ♥ 隱世小店染亮麗日系髮色...*

成日好想好似日雜d model 咁擁有透明感髮色, 
但每次去到salon染完出黎一係太深色,一係偏橙調, 一係好易黃....
次次d髮型師都話要染得light d 就一定要漂, 但係漂一次真係好傷頭髮嘛, 我又唔想喎.....
然後今次終於染出一隻好滿意的髮色!!!!

呢個髮色染完之後真係人見人讚呀!
我自己都非常中意! 呢個頭其實都係出自之前有分享過的大埔隱世小店 Something Hair & Beauty~

 

一對一的服務和每一個步驟都由髮型師親自主理, 實在令整體體驗感受大大提升, 
時間就是金錢, 每次去到Salon整頭期間到底有幾多時間係浪費在等髮型師幫其他人剪完再過黎幫你睇下d藥水夠時間未...?
不過亦都公平講句, 一分錢一分服務啦:)

黎之前已經大概和髮型師 Keith 溝通過, 想要染一隻充滿日系感覺的透明感髮色
於是他就拿主意替我調好髮色, 我也就放心將個頭交比佢!

Keith 呢度用的染劑係日本品牌 Assort Allia C, 我知Keith定期都會親身飛去日本入貨, 連顏色都會逐隻揀, 
所以熱門顏色可能斷左貨就要等佢下一次再飛去入貨先有喇~
日本染劑比歐美染劑色澤柔和及偏粉, 比較適合亞洲人膚色, 而且Assort Allia C成份溫和無咁傷頭髮。

因為唔想漂頭髮但又想染出黎 light d, 所以今次我會染兩次, 做出類似漂頭髮的效果, 但是對頭髮的傷害少好多!

平時染髮會用蒸氣機加熱, 不過份子比較大, 唔夠均勻之餘仲會滴到一頸都係, 
Keith 就會用納米噴霧幫我加熱頭髮, 香港較少見, 日本salon 反而常用~而且只係臨洗頭前幾分鐘先噴, 令頭髮更加顯色之餘, 亦唔會因為水珠太大粒而影響上色!

染完第一次就已經明顯見到髮色淺左唔少, 再染多次效果一定更好看!

第二次 Keith 稍稍調較過染劑, 加入少少灰綠色集中搽在髮尾下半部, 
再重覆上述步驟就完成喇~~~~

一吹乾已經覺得髮色好滿意!!

要讚既係真係染得好均勻呀! 尤其頭頂部份染得勁貼勁靚! 但係染髮期間係完全無臭味無刺激感架~~

自然光底下髮色好顯氣質!

過左一星期, 灰綠色開始褪, 但髮色仍然係具透明感的淺啡 ♥ 
我自己就真係好滿意!
染髮過程大概只花了2小時左右, 染髮收費一般為$600, 好似我咁染兩次就加$200~

 

有興趣可以同 Keith 預約, 唔好諗住walkin呀~

Something Hair & Beauty 
電話: 9844 7373 (Keith Wong)
地址:　大埔普益新街 33號地下 (六鄉學習園地右側小路進入)

▌保養 ▌痘痘肌福音 ♥ 美味方便膠原蛋白飲...*

可以一邊睡覺一邊護膚的 Sleeping mask 呢個名詞大家都唔陌生啦!
不過身為痘痘肌, 始終都不敢大用特用, 好怕起身之後見到皮膚爆粒粒呀!
但如果有飲得到的Sleeping mask呢??



講緊既就係呢盒 LANEIGE Youth Collagen Drink 膠原蛋白美肌飲 !
其實幾年前已經飲過一排, 當年仲係玻璃樽裝架!! 而家改為膠樽裝, 輕身d拎出街飲更加方便。
肌膚自20歲開始老化, 身體會慢慢流失膠原蛋白, 當膠原組織減少, 肌膚便會失去承托變得鬆弛, 呢樣野相信一定有聽過喇~最簡單可以補充身體膠原蛋白的方法, 就係口服喇! 如果平時都好中意食花膠、豬腳等等的食物, 你一定會愛上LANEIGE Youth Collagen Drink。



LANEIGE全新膠原蛋白美肌飲除左包裝之外仲有咩唔同左?
就係新增綠茶GABA成分, 萃取自Amorepacific集團自家茶園綠茶, 高效抗氧, 可以抵禦游離基侵害,
建議於睡前飲用, 有助於晚間黃金修復期, 激活皮膚纖維母細胞, 促進膠原蛋白及彈力蛋白合成, 同時降低膠原蛋白分解, 修護肌膚重回水嫩回彈, 而且同時有助舒緩緊張與壓力, 提升睡眠質量。



而主要成份仍然係有5000mg 魚類膠原蛋白!
相比市面上一些萃取自豬隻的口服膠原蛋白產品, 萃取自魚類的膠原蛋白分子量極細, 容易被肌膚吸收, 能高效補充肌膚每日所流失的膠原蛋白, 增強皮膚細胞內的儲水與鎖水量,
支撐肌底網絡組織, 減少面上幼紋形成, 使肌膚呈現剔透光澤, 回復水潤狀態。
唔講唔知, 原來女士每日都會流失大概5000mg膠原蛋白, 所以每日一枝就可以補充返流失的份量喇!



除左綠茶GABA成分及5000mg 魚類膠原蛋白, 成份方面仲有:

♥ 天然紅石榴: 含豐富維他命C及礦物質, 有助促進膠原合成, 提升肌膚彈性, 同時具有卓越的補濕功效, 高效抗氧的多酚成分, 可以美白同時抑制黑色素形成

♥ 意國紅橙: 蘊含豐富維他命C, 有助提升肌膚免疫力, 改善肌膚暗啞, 同時抑制黑色素形成, 抵禦紫外線侵害肌膚的膠原蛋白並改善敏感泛紅現象

♥ 美國青提及伊朗椰棗: 強效抗氧化, 有效中和有害的游離基, 預防肌膚內的膠原蛋白被損害, 延緩衰老, 回復緊緻彈性



最近我放工後都留低寫Paper, 幾乎晚晚都9點幾10點先返屋企, 所以成盒擺公司臨走飲一枝!



就算出街放入手袋都完全無負擔, 而且味道甜甜酸酸幾好飲架!





近呢年已經成功撇甩飲甜野的欲望, 所以我最關注的當然係糖份問題!
睇返營養標籤見到每枝都只不過係35卡, 而且糖份只有0.7克! 唔使驚!



寫文章的時候我已經連續飲左兩星期, 雖然距離實實驗証明「飲用8星期後，睡眠質量可有效提升達39.1%, 而且能夠全面改善肌膚狀況」還有一段日子, 不過我發現早前經常凌晨5點左右會扎醒的問題有改善喎!! 皮膚方面呢兩星期都無出石頭瘡, 只有零星小痘痘, 相信Youth Collagen Drink 都間接有幫助!



飲完的膠瓶我都會儲起洗乾淨拿去回收。



LANEIGE膠原蛋白美肌飲Youth Collagen Drink $930/ 25ml x 30pc
現凡膠原蛋白美肌飲Youth Collagen Drink $930/ 25ml x 30pc購買3盒膠原蛋白美肌飲, 可額外免費獲贈20支!
於LANEIGE專門店、專櫃及香港官方網上商店購物更可享免費送貨, 快速安全配送~
了解更多美肌飲: https://bit.ly/2IA0Vl9