▌保養 ▌每日一面膜始動 ♥ 頭炮 Kate Somerville 保濕 x 緊緻面膜...*

之前睇左某個藝人的保養小撇步, 就是每天都敷cream mask令皮膚保持水潤彈性, 
為左皮膚你可以去到幾盡? 所以我今年夏天都開始試下每晚都敷paper mask / gel mask / cream mask, 睇睇會唔會改善到我的底層缺水問題先!

打響頭炮的係早前介紹過的 Kate Somerville~

Kate Somerville的護膚哲學, 是利用活性平衡技術來增加肌膚吸收診所專用強度有效成分的能力, 讓護膚效果即時可見。KS所採用的診所專用強度配方蘊含最合適濃度的有效成分, 配合具紓緩作用的生物成分作平衡。
這樣的組合可將強大的有效成分溫和地傳輸至皮膚底層, 帶來直接快捷的功效, 同時植物成分能鎮靜肌膚, 減少對皮膚的刺激, 以致成為荷李活首屈一指專業美容護膚專家。

呢枝係咪熟口熟面呢??
早前的文章已經有略略介紹過呢枝水漾保濕凝霜面膜, 但當時使用的是旅行裝, 未能長時間試用, 今次就可以再講多少少喇! 

成份方面:

Matrixyl™ 3000胜肽複合物: 經臨床證實有效改善細紋及皺紋、提昇及緊緻肌膚。 
超微細透明質酸 : 提供長效特潤肌底保濕。穩定維他命A : 使肌膚飽滿及柔嫩。穩定維他命C : 刺激膠原蛋白增生、有助改善黑斑、美白肌膚及阻擋自由基的侵害。薑萃取 : 舒緩刺激感及提昇肌膚光澤。

透明的就是水漾保濕凝霜面膜~
官方的用法是: 每星期一至兩次，可於日間或晚上使用。避開眼睛周圍，於清潔乾爽的面部輕輕平均塗上，待5-10分鐘後，用清水沖洗及輕拍面部讓肌膚完全吸收養份。

由於它的質地不厚重, 而且gel mask 比較清爽, 味道又清新, 所以我都會在早上使用!
這枝mask的賣點是可以強效緊緻肌膚並改善剔透感, 更可保持肌膚24小時水感滋潤, 使肌膚更飽滿、柔嫩及明艷照人。 

他的成分之一超微細透明質酸則可提供長效特潤肌底保濕，即時撫平幼紋及皺紋 ; 
而獨有的抗氧化維他命可形成保護膜，有效阻擋自由基形成並改善肌膚彈性!

我自己就覺得早上使用後會令我神清氣爽! 才短短5-10分鐘的急救時間就可以極速補補水, 水份值都升得唔錯, 而且皮膚睇落飽滿d~
質感涼浸浸夏天用實在爽! 而且我覺得鎮靜抗紅力都唔錯, 感覺曬後都可使用作舒緩!

夜晚我就會用呢枝Age Arrest保濕緊緻面膜~~

主要成份:

TELO - 5™技術(根據獲得諾貝爾獎之細胞端粒醫學研究而開發的)：全面對抗所有衰老現象，令肌膚整體變得更年輕。純正Ceramide-3 膠囊 :可補充流失皮脂，重建保護皮膚的鎖水屏障。白色水百合萃取及積雪草萃取 : 有助緊緻鬆弛下垂肌膚，改善彈性。抗衰老肽：具有抗糖化特性，有助減少膠原蛋白的降解，令肌膚變得緊緻。專利的海鞭萃取物和藻類等離子混合成：能為敏感肌膚帶來即時和持久的舒緩功效。

Age Arrest保濕緊緻面膜是白色的, 屬於cream mask質地,一搽上去就感覺到比較厚身及滋潤!
所以我會拖薄少少黎敷~

不得不提呢枝mask係敏感肌都可以用!!!
除左當係普通cream mask 之外亦可以臨訓當sleeping mask用的~~~~

而我就習慣敷10分鐘之後用tissue印走大部份多餘面膜, 再按摩吸收, 唔會洗走。
其實10分鐘之後已經吸得7788! 都見唔到白色了~~~~

唔知係咪因為經過一日的妝容洗禮, 皮膚比較缺水, 敷完會有少少泛紅~~~
毛孔有少少收歛但不算明顯, 摸落皮膚彈性有即時效果, 但我覺得最驚喜係沒有敷過夜的情況下, 第2朝洗面覺得滑左勁多!

水份上升度都係滿意既!!

其實對於歐美品牌的skincare一直都抱住一個「應該唔會比亞洲品牌更適合香港人用」的心態, 
但 Kate Somerville 都可以話係巔覆左我的睇法, 有少少估唔到佢每件產品都咁溫和唔刺激, 而且我呢種敏感肌膚都可以放心使用, 有機會我仲想試埋暗瘡護理系列!

更多有關 Kate Somerville 資料及價格:

http://hk.katesomerville.com/www.lanecrawford.com/kate-somerville

▌美食 ▌無分時段最抵讚 ♥ 銅鑼灣尚鮮日式燒肉漁市場...*

去食放題 / 火鍋最唔鐘意就係餐廳分晒時段...
我明白餐廳都想做多一round生意, 但分時段對好多人來說都非常麻煩, 
第一輪又太早, 第二輪餓暈了都未有得食...好多時都係呢個原因轉移去其他餐廳。

今次終於搵到一間又新開, 又唔分時段的燒肉放題店!!

呢間尚鮮日式燒肉漁市場近總統戲院, 兩小時燒肉放題, 星期一至四$268/位 ; 星期五至日$298/位。

星期六晚上7時半到達, 已經幾乎滿座, 好彩一早Book左, 仲有個卡位坐下!
不過未坐低已經見到梳化有條菜.....以至有少少影響胃口....
其實都唔係第一次係餐廳見到污糟既梳化同檯底....我覺得服務生執檯時應該要注意一下!

之前食日式燒肉試過燒牛肉沾海鹽驚為天人, 見到呢度有, 即刻叫男友試, 但他不領情, 只好獨樂樂。

收拾心情點菜啦!
呢度用平板電腦點菜, 比較環保又無咁易漏單, 服務生做少一樣野, 自然可以專注服務客人。

而食物種類都好多!!!
特選燒肉類、燒烤類、卷物、壽司、刺身、小食、嚴選炸物、冷盤熟食, 仲有另外收費的海鮮和肉類、酒類~
仲有一大堆台式名稱的食物可以點, 什麼—粒米、小皮球、恐龍蛋、麻吉燒等等, 好得意!

 

點菜期間, 服務生已經送上兩個拼盤~

一個係刺身船, 有8款刺身可以試試, 蟹棒好好食!!!

而燒肉拼盤的單骨雞翼同一口牛都好好味~~~
而值得一提的是黃色的魚片好易燒焦但好好吃, 想encore但平板完全搵唔到....
想問服務生後來又不了了之XD

試完一ROUND就到自己點的肉了~
左起: 安格斯牛小排、牛舌、QQ肋肉棒

安格斯牛小排牛味好濃! 而且軟腍度適中~~~~不過肥膏稍微多左少少! 但咬左佢就OK~
牛舌就太韌了....QQ肋肉棒都不錯, 很入味!

上圖是encore的安格斯牛小排xd
小隻的帆立貝都是放題的, 不過燒了好一陣子仍然是處於一個濕潤的狀態....燒海鮮好難!!
下面黃色的是麻吉燒, 大概是燒魚肉 + 年糕的食物, 味道比想像中一般...

燒完一輪肉之後用燒菠蘿和一口番薯抖抖先!!!燒菠蘿好甜, 番薯好綿~

然後我們點了兩款蝦, 上圖的是放題內已包~燒完無霉味, 覺得幾新鮮!
下圖是另外付費($88/3隻)的虎蝦。

size比一般的蝦大好多, 而且上桌時已經開邊釀了蒜泥~

因為是另外付費點的, 所以我們燒得超細心~~~~
燒完無乜點縮水, 蝦夠鮮, 蒜泥超入味, 但我覺得多左少少, 蓋過左蝦本身的鮮味, 有點可惜~

食到尾聲再Order了一杯收費啤酒嘆下, 呢個時間已經飽到不得了, 
出面甜品櫃都未食過, 明知埋單會有movenpick雪糕送都食唔落了....勁浪費!!!!!

最後埋單每位大概350蚊左右, 2小時唔覺得好緊迫, 
而且最讚都係無時段限制, 平日收工食最fit!

▌保養 ▌貼薄好用面膜 ♥ Aqua Royce 晶鑽煥彩蠶絲面膜...*

呢2個星期好勤力呀! 好耐未試過咁勤力出文....
自從返左呢份工半年, 就忙足半年, 返到屋企已經唔想再做任何野, 只想攤係度休息...
近日重整旗股調節心態, 繼續努力寫分享文章!

今次係介紹一個新的本地品牌 - Aqua Royce。
參考官方網頁暫時應該只推出了一個產品, 就是這款晶鑽煥彩蠶絲面膜~
產品先後通過了GMPC及ISO22716等國際認證和多項過敏性測試。
因為係針對東方人而設的保養品, 我覺得應該比歐美品牌的產品天貼近香港人要求。

成份方面, Aqua Royce晶鑽煥彩蠶絲面膜採用法國頂級五大主要護膚成份，包括:
♥ 法國鑽石粉末♥ 鱘魚子醬提取物♥ 諾貝爾生理醫學得奬成份「juvinity」♥ 生物多糖膠 ♥ 輔酵素Q10

每個成份的功效呢?
♥ 法國鑽石粉末－軟化皮膚角質層，促進皮膚新陳代謝，達到細緻幼滑效果♥ Juvinity－經諾貝爾生理醫學驗證能有效延緩細胞老化及阻截皺紋形成♥ 輔酵素Q10－抗氧化、活化細胞，改善膚色暗唖及細紋問題♥ 鱘魚子醬提取物－增加皮膚彈性，修復受損肌膚，使肌膚緊緻嫩滑♥ 生物多糖膠－抗炎、抗敏感、保濕功效

蠶絲面膜係我喜愛的面膜紙之一, 因為既貼薄又唔會滴漏精華!

面膜紙的精華好多~敷面後仲可以搽埋雙腳~不過對body黎講唔夠潤呢。

面膜紙剪裁都算唔錯, 咀角開得剛剛好!!!鼻位如果可以闊多少少就最好喇~~~
呢種面膜紙敷耐左會乾, 所以敷15分鐘就夠晒喇~

敷完效果比我想像中好喎!!!
有即時淨白, 真係做到改善暗啞~
洗面後少少泛紅的狀況都有舒緩到!
個人認為補水度都相當唔錯, 但稍嫌清爽左少少, 唔即時搽返面霜會有少少繃緊, 如果潤返d就更加好。

加返張水份上升測試圖先, 影的時候都唔知原來影得咁朦.....

overall黎講夏天用真係唔錯, 喜歡清爽度的朋友不妨一試~

*產品由Qooza Beauty提供*

Facebook : https://www.facebook.com/aquaroyce/

Website : http://www.aquaroyce.com