▌妝物 ▌染橙染紅無煩惱 ♥ IPSA 全新5色Eyebrow Creative Palette...* ... ... ... ...

就黎過年喇!! 相信大家都會襯新年去剪髮染髮, 誰都想新一年紅運當頭, 所以過年最熱門的髮色一定係紅髮吧~
呢幾年我就比較喜歡染帶橙的copper色, 一來令髮色無咁黃, 二來又比較sharp!
不過由於我天生毛髮較粗黑, 次次染完髮, 黑黑的眉毛顏色都好礙眼, 跟亮麗髮色形成強烈對比 XDD


我相信唔止我一個有呢種煩惱!!!好喇而家終於有件法寶可以解決喇~~

IPSA 推出全新的 Eyebrow Creative Palette, 小小一盒已經集齊 5種色調及 4款專業眉掃!

Palette內備有 3 種最能配合亞洲人膚色的深淺啡色, 同時加入突破性的橙色及紅色色調, 
可因應個人髮色而自由微調眉毛色調, 同時填補眉毛之間的空隙, 打造陰影輪廓, 塑造自然立體眉型妝效。

另外並配備 4 種不同形狀的專業眉掃, 包括硬身斜角掃、軟身斜 角掃、斜身陰影掃、圓形掃頭。

成盒野好似 eyeshadow palette 呀!! 相信兩用都絕無問題~ 而且橙紅兩格比我想像中顯色呢。

 
本身都有少少擔心咁多色唔識用, 好彩膠片上連教學都齊了!!!
我就黎一步步試下先!

Before的眉毛, 毛髮長、粗且黑, 如果黑髮我唔會畫眉, 只會用眉gel固定長的眉毛, 
但我其實keep住都有染髮, 所以畫眉都係我每日的功課, 基本上不會要求自己將整條眉毛變色, 但想睇落無咁黑實就OK!

首先, 利用硬身斜角掃以(A)自然啡色掃於眉型前2/3位置, 勾勒自然柔和眉型。

勾勒幼身鮮明眉尾。

再利用斜身陰影掃以(C)淺啡色掃於眉頭下方凹陷位置，塑造立體陰影輪廓。

最後視乎自己的髮色，利用圓形掃以(D、E)橙色或紅色掃於整個眉型，微調眉型顏色。

搞掂!!

開頭以為咁樣化應該要花點時間先完成眉妝, 但試左幾次又覺得比想像中快~~
不過始終我的眉毛較長及黑, 光用眉粉還是不能完全tune色。
但overall黎講幾match我的髮色啦!!! 如果再補少少橙啡眉gel, 顏色應該會更實在, 不過亦都無咁自然就是了~~

呢盒 Palette 中仲蘊含獨有的 Eyebrow Fitting Powder, 每一顆細粉都被 Smooth Oil 包裹著, 所以高效防水、 防汗, 令眉妝持久貼服。

個人認為幾適合常常會改變髮色的朋友仔, 或者係化妝師!
一盒$300可以用好耐, 對眉妝要求高的朋友仔絕對值得投資。

Website: http://www.ipsahk.com 
Instagram: @ipsa_hk 
Facebook: @IPSA HK 
Weibo: @ipsa 香港茵芙莎

▌保養 ▌原來彈力最緊要 ♥ SOFINA LIFT Professional 科研緊緻修復精華...*

呢幾年成日聽「膠原蛋白」好緊要, 過左25歲就年年流失乜乜乜, 
搞到我地個個一聽見可以補充膠原蛋白的產品就即試!
但原來只佔真皮層構成約2%的「彈力線狀纖維」先係肌膚「彈力」的塑造者, 
而膠原蛋白狀纖維則為肌膚塑「形」。
所以一旦「彈力線狀纖維」退化或斷裂, 肌膚就如牀褥失去彈弓般, 無法回彈至原本緊緻平滑狀態, 結果就是皺紋、鬆弛、下垂等老化現象的浮現.....

簡單黎講除左內外補充膠原之外, 都要好好照顧彈力線狀纖維去維持表面彈性先真正會靚!

呢枝LIFT Professional 科研緊緻修復精華就係SOFINA花左超過30年研究「如何抑制彈力線狀纖維分解」的重大突破, 可以恢復肌膚的緊緻及回彈力!

膠原蛋白會因年紀而流失, 而彈力線狀纖維比膠原蛋白更容易受紫外線傷害而出現變異, 
真係想靚原來都咁難...

呢枝科研緊緻修復精華就用左嶄新的胜肽複合物和生薑精華來抑制「彈力線狀纖維」分解, 同時增加彈力線狀纖維的生成量。
另外又加入創新水嫩緊緻配方 [墨角藻 EX +馬粟樹精華 SP + 檸檬精華] + 新添加胜肽複合物, 可以提升膠原蛋白線狀纖維張力及拉伸力。

最後利用「深層鎖水層狀構造」的層狀結構來鎖住大量水分, 並調整肌膚的 pH 值, 令美容成分及滋潤水分能長時間持續滲透到真皮層, 令皮膚有返彈性。

精華有少少香味, 原來係以茉莉花、鈴蘭及玫瑰作基調，配合生薑、香柑、 香橙、紅胡椒子及花草草本的優雅香氣。

質地都好水潤呀!!! 而且好易推。

推開按摩一陣就吸收, 而且一D都唔黏笠!!!
Lifting product黎講佢真係好清爽!!

而我都有按照官方教的重點緊緻提升按摩方法黎按面, 我係泵2下搽勻全面就直接按喇~~~
(請無視我胖胖的手指)

1) 額部: 輕按眉間, 以手指按著額頭並向上提升塗抹。
2) 眼部: 以指腹輕按眼頭, 緊貼眼下, 由眼頭向眼尾均勻向上塗抹。3) 唇部: 從鼻翼到嘴角的法令紋, 用一隻手輕按在法令紋內側, 另外一隻手向上提塗抹。<<我都順便提拉腮位

而呢枝精華對我黎講最大的賣點就係改善乾紋, 而且有效針對眼部及唇部四周容易出現鬆弛及皺紋的問題!!!!
所以我係毫不猶豫咁搽眼底架!!! 按完再搽eye cream鎖水。

用左都1個月, 我自己覺得呢邊法令紋係有少少提拉效果架! 面頰好似都緊緻左少少少少無咁pou。
不過本身呢邊面的法令紋本身就不是太明顯~~~另外bonus係我覺得可以收歛到不太嚴重的毛孔~

水份方面我覺得有10幾個%的升幅雖然唔算好多, 但都係滿意既。

總括黎講我自己就幾中意呢枝 LIFT Professional 科研緊緻修復精華夠light唔笠, 有時懶會跳過保濕精華直接搽佢都唔覺得唔夠潤, 所以都幾推薦比唔喜歡較heave的lifting product的朋友仔啦~!

SOFINA LIFT Professional 科研緊緻修復精華售價：HK$490 / 40g11 月 23 日（SOFINA Beauty Shop 率先發售）/ 12 月 1 日（全線公開發售）

查詢電話︰2866 3776 
香港網址：http://web.sofina.com/hk 

▌保養 ▌同雪肌精一齊賀生辰 ♥ 滋潤版化妝水超推介...*

不知不覺已經在theZtyle過了4個寒暑, 話咁快...已經在剛過去的年尾渡過了30歲的生日, 
原來已經跟大家分享了4年來的皮膚護理點滴, 一直說不上是什麼教學或者是心得, 就只想把用過的產品感受分享出來。這年來開始變得比較忙, 文章產量變少, 但心裡也一直惦記著想要閒時分享些什麼, 感謝仍會看我文章的你, 也感謝仍會找我試用產品的品牌們。

***

聖誕前出席了一個一直很想試試的品牌活動! 早前去東京玩時也一直在藥妝店看到它的蹤影, 很想試卻又捨不得買, 結果終於等到這個機會!!

yeah 就是雪肌精喇!!!
好多人話佢有神仙水咁好用, 但又平過神仙水一截, 所以我先會一直都想試~~

而且藍色瓶身加上字體好日系, 看起來特別吸引 XD

當日大會邀請了好多位網絡紅人及Blogger到來!
不過我就覺得較長時間的活動鹿安排座位會比較好, 畢竟拿著東西到處拍照也不怎方便。

雪肌精除了toner之外的產品系列。

呢set 防曬系列好燒!! 尤其是 essence gel....感覺是可以護膚的防曬產品是不是???

當日大會的dress code是藍和白, 所以大家都很乖的穿了相關顏色的衣服!!!
司儀整個流程都很生動, 一直跟大家互動玩遊戲, 不過當天我有點不舒服就沒在參與了。

而活動後大家都得到一套三件雪肌精產品回家試用!我就用左大半個月了!係時候分享喇~~~

左起:
藥用雪肌精美白化妝水藥用雪肌精美白化妝水<滋潤版> 
藥用雪肌精美白乳液<滋潤版> 

兩款滋潤版都係為迎接品牌誕生的30週年而特別推出架!!!!
「滋潤版雪肌精」除了加入與「藥用雪肌精」共通的和漢植物萃取液外, 更額外配合具高度保濕力的麥門冬萃取液及去除暗黃暗啞的天人花萃取液。

試用左幾個星期, 我認為最好用的係藥用雪肌精美白化妝水<滋潤版>!!

兩款化妝水外表完全一樣! 滋潤版就在瓶身多了 Enriched 的字樣, 買的時候小心睇清楚啊!
滋潤版美白化妝水除了補濕之外, 同時亦具備極佳的油水平衡配方, 兼備「高效滲透力」和「滋潤度」兩大功效!

味道方面, 滋潤版化妝水帶有少少爽身粉味, like!!!!

原本以為滋潤版化妝水會有少少杰身, 但原來同普通版一樣都係透明水狀的~~

單用其實都已經好補水好夠潤! 但為左效果好, 我會濕敷!!!
首先用清水稍稍沾濕化妝棉再倒toner, 就唔會被化妝棉吸走太多toner喇~

敷完個toner mask皮膚明顯水潤又飽滿架!!! 去黃效果明顯, 毛孔都有收歛,
最重要係我試過有幾晚單用滋潤版toner, 唔用精華, 然後直接用滋潤版乳液, 皮膚完全無乾爭爭的感覺, 
所以懶人用一流呀! i am loving it!

藥用雪肌精美白乳液 <滋潤版>與化妝水的賣點同樣是「高度滋潤」﹑「不黏膩」, 
乳液更能平衡肌膚的水油成分, 護理因乾燥而造成的暗啞問題。

成份方面含薏仁萃取液、當歸萃取液、白蘞萃取液、旋覆花萃取液、麥門冬萃取液、天人花萃取液、甘油。具高保濕效果的麥門冬萃取液和天人花萃取液可以滋潤肌膚。

成份上跟滋潤版toner基本是一樣的!

乳液就唔係爽身粉味喇~反而係以玫瑰和茉莉作基調, 再混合甘菊和牡丹花的淡香!
乳液質地濃厚, 伸延性極高, 推開之後又唔覺得笠!

通常我會用兩泵份量全面用, 由於伸延性高, 我會稍加按摩等佢吸收得更好!!

toner+lotion之後皮膚好軟熟, 兩個step已經有足夠滋潤~對皮膚的負擔亦比較少。
值得一提的係雖然佢係美白系列, 但可以有咁好既保濕效果, 真係幾surprise!

做左個水份測試, 效果極之滿意!
用「一試愛上」黎形容我對雪肌精呢幾枝產品真係無誇張~~
產品幾貴、口碑幾好都假, 皮膚感覺舒服就最緊要!

最後再謝謝雪肌精的活動和提供試用! 兩枝產品都係$310, 唔算貴! 有興趣可以一試~

***

https://www.facebook.com/kose.com.hk/?fref=ts
http://www.kose.com.hk/

▌活動 ▌2015 Mary Kay ® Dream Beautiful 美妝大賽 ♥ 香港區3強誕生...* ... ... ...

Mary Kay®已連續兩年舉辦了 Dream Beautiful 美妝大賽!! 
呢個比賽每年都吸引不少美容顧問及模特兒參加，今年亦不例外，大中華區及亞太區的比賽中，香港區一共有接近2500隊參加，成功躋身香港區總決賽的則有13隊。

如果你想問點解一個化妝比賽都會有咁激烈的競爭, 就係因為出線隊伍將會代表香港出戰大中華區及亞太區總決賽, 仲有機會贏取意大利造星之旅!

出線的最後3強將代表香港出戰明年1月於上海舉行的大中華區總決賽，以及2月於香港舉行的亞太區總決賽，與來自大中華 (中國、香港、台灣)、新加坡、馬來西亞、泰國、韓國、菲律賓、澳洲及紐西蘭9個國家的出線隊伍競逐2015 Dream Beautiful 美妝大賽年度大獎各奬項。

於大中華區總決賽通過專業評審團的綜合評審而躋身首10名的隊伍，將獲得參加「意大利造星之旅」的機會，而其餘隊伍亦可前往韓國參與專業培訓。

至於各亞太區總決賽的參賽隊伍，更將獲享千載難逢的專業培訓機會，接受由國際級專業化妝師、造型師、模特兒等主理的全方位專業培訓及指導，當中包括由Mary Kay®全球造型彩妝師主理的專業彩妝培訓，為終極一戰作賽前最後裝備。有機會可以接受韓國星級化妝師傳授化妝技巧，真係機會難逢，我黎緊亦有幸被邀請出席一同參與培訓，期待!!!

今年的亞太區總決賽會邀請極具分量的嘉賓做專業導師及評判, 而呢班就係去年的導師評判們, 有國際名模CoCo Rocha、亞洲名模Cara G、國際知名化妝師 Luis Casco、星級造型師Christie Simpson等等, 位位都係重量級人馬!! 

由於參賽隊伍實在太多, 初賽都足足舉行了3個多月!! 連埋公眾網上投票、以及Mary Kay®管理層及首席代表專業評選，呢3隊就係 Dream Beautiful 美妝大賽香港區最後3強喇!!! 黎緊2月佢地就會出戰亞太區總決賽, 到時我都會在場親身直擊來自9個國家的精英對決，見證佢地實踐夢想，請期待之後的報告啦 :)

售賣點: Mary Kay香港總公司 九龍彌敦道345號宏利公積金大廈12樓1202-03室查詢電話: 800 906 833

https://www.marykay.com.hkhttps://www.facebook.com/MaryKayHK