▌妝文 ▌愛上高遮瑕超細滑質感 ♥ L'Oréal Paris Cushion 妝品介紹...* ... ...

我仲好記得當初 cushion foundation 流行左一排之後
我有少少疑惑點解自己從來冇試過
到今時今日已經過左快2, 3年喇, 呢個熱潮居然完全冇減退, 仲愈來愈普遍
幾乎問每一個女仔都至少用過一款
而我當然唔例外, 光是發文介紹的都好像快有5, 6款了!

對於cushion foundation更是愈來愈難捨難離!

如果仲停留o係Cushion foundation 就太out喇! 因為Cushion產品已經唔止底妝, 胭脂、眼影甚至唇膏都已經同cushion扯上關係喇!

今次就收到L'Oréal Paris 的氣墊成員大集合!
包括有陶瓷光感氣墊粉底、光透水潤氣墊粉底(光 Cushion)、
光感輕盈胭脂Cushion及限量花瓣霧感Cushion唇筆。 
可以話係擁有最多元化氣墊成員的品牌! 就等我一件件介紹啦~

粉底就有兩位成員, 分別係陶瓷光感氣墊粉底及光透水潤氣墊粉底(光 Cushion)。

上面海綿面層的就係LUCENT MAGIQUE 光透水潤氣墊粉底($199/15g), 又名 「光 Cushion」~
佢延續 LUCENT MAGIQUE 一系列底妝產品的透亮、光澤, 更注入水光透亮配方, 締造光感空氣祼妝。
配方清爽透薄, 絕不黏膩, 持久水潤。加上高科技專利氣墊粉撲, 一按就可提取適當份量。

而LUCENT MAGIQUE Cushion Porcelain陶瓷光感氣墊粉底 ($199/14g), 就有首創雙網面設計, 
粉底利用過千超微小網點的雙網包裹而成, 粉底必須經過雙重網面提取, 令粉底質感更細緻幼滑!
而粉底的密度更高、沾取份量更準確, 令底妝更柔滑貼服；
而陶瓷光感氣墊粉底更具是獨特的霧感粉底, 其半啞的效果, 高度的遮瑕, 配以珍貴精華油成份, 令底妝更加滋潤。

我呢種比較多瑕疵的皮膚加上色號的選擇, 我就毫不猶豫揀左陶瓷光感氣墊粉底的 N2 試用!

幾中意佢個粉卜, 有彈性!
雙重網面的設計真係會減少沾取太多粉底液的情況~

薄薄一層已經有相當不俗的遮瑕度!!!!

剛好我亦一向比較喜歡啞緻妝感, 上完底妝完全唔覺厚粉但皮膚明顯平滑左好多!
頭2次用的時候不太習慣拿捏份量覺得遮瑕度不足, 後來習慣左就識控制份量, 近期已成為愛用品之一!
夏天出汗之後都唔會嚴重脫妝, 只有少少浮粉但唔會浮到一撻撻粉咁, 呢一點唔係隻隻Cushion foundation都做到。

跟住就到我覺得比想像中好用得多的 LUCENT MAGIQUE 光感輕盈胭脂 Cushion ($109/11g)

創新的 cushion 水凝配方, 能與各種底妝完美融合, 三款糖果甜蜜色調, 色澤透薄不厚重, 不論白皙或健康膚色都 適合使用。産品注入水光透亮配方, 能即時提亮肌膚, 臉頰打造紅粉菲菲好氣色, 令輪廓更立體。 

cushion胭脂最大問題就係每次都會好容易沾取超多!!!!!
而且印上面果陣比較難推開, 但呢隻我反而覺得沾取量比想像中少, 有時更需要重覆沾取~

除左份量容易控制之外, 佢都好易推勻! 

試用色係我一見鍾情的 P3 Rose Affair, 粉紅色偏粉橙, 睇個海綿已經覺得好靚, 
我習慣搽完cushion foundation 就即刻用佢, 大概輕輕印2次就好自然~
最後先撲碎粉, 就會有白裡透紅感覺, 而且可以keep返個霧面質感。

最後就係(對我黎講的)壓軸好戲!
Tint Caresse花瓣霧感Cushion唇筆(HKD $99/ 0.9 g)

唇筆一共有8色! 而且每枝都係以珍貴花卉為創作靈感~個人認為調出來的色調和所屬的花卉真的相當貼切呀~~

突破性的Cushion 氣墊唇筆設計, 獨特的柔軟彈性筆頭, 配以創新不易脫色的啞緻質感, 輕輕一按便能均勻為雙唇上色, 輕鬆打造啞光霧感的漸變咬唇妝, 習慣使用之後更可以兩種色調一同塑造 Two-Tone 雙色唇妝!

我就試左3個色, 分別係01 Sakura、03 Peach 和 06 Rose, 睇下邊款適合自己?

Sakura 係經典少女粉紅, 百搭易carry! 日常返工絕對冇問題~

跟住我就再挑戰下03 peach!

呢個咀係先用03搽咀唇內層, 再用棉花棒沾少少護唇膏Blend開邊緣, 變左一個水潤版咬唇妝~

跟住挑戰下sharp少少的06 Rose!

呢個唇妝就無用護唇膏做blending, 只係單純用06色搽咬唇效果~妝效會比較啞色。

唇色愈sharp, 妝感就會相對較重~不過我都幾中意06 Rose喎!


幾款cushion妝物入面Tint Caresse花瓣霧感Cushion唇筆就最得我心!
佢就算裸唇直接搽都唔會覺好乾, 而且妝感比一般同色唇膏輕盈, 唔會比人一種好強勢的效果, 
而且顏色還原度高, 搽上咀同搽上手顏色非常近似, 唔使用遮瑕膏都可以遮蓋原有唇色呢一點, 我個人就好中意喇!

各大萬寧、屈臣氏、莎莎、主要超市及藥房現已發售。 

L'ORÉAL PARiS專門店:  
沙田新城市廣場1期479A店                                      
屯門鄉事會路83號V City MTR層M-V7 & V8店       
上水龍琛路39號上水廣場2樓268-269號                   

L'ORÉAL PARiS專櫃:  
崇光百貨B1/F
尖沙咀海運大廈FACESSS
旺角朗豪坊BEAUTY AVENUE屯門AEON1期
CITISTORE荃灣千色匯 II 

顧客查詢熱線 : 2828 1437

▌飲飲食食 ▌朋友聚腳好去處 ♥ Chelsea Garden & Restaurant...*

同朋友聚會多數會就遷就大家出尖沙咀或者旺角, 不過愈來愈覺得旺區餐廳又迫又嘈, 
即使係中價餐廳, 諗住舒服少少啦, 又要將Background music播到震耳欲聾, 試過無數次傾一晚計之後喉嚨痛.............而且好多餐廳d 檯椅排得密密麻麻, 傾計都比隔離檯聽到, 真係唔係幾暢快, 
香港幾時變到想搵個靜靜地既地方食餐飯都咁難?

呢次同朋友約食飯, 就決定唔揀大街大巷, 由佐敦地鐵站向龍堡方向行5-7分鐘左右, 就黎到Chelsea, 樓下已經睇定menu, o岩食先上去!

舖頭唔算大, 但竟然有個露天balcony, 適合想食煙的朋友仔, 又唔會影響到室內用餐的客人。

好中意呢個裝飾!!!
我同朋友兩個人就揀左1個主菜2個小食同甜品黎試~

烤嫩羊鞍配雜莓汁($248)
我平時出去食野一係揀牛一係揀豬, 雞同羊都係較少出現在我的清單入面
但係見到佢配雜莓幾特別喎! 就一於試試~

一碟有3枝羊鞍, 大小平均, 而且火喉都好一致, 
羊鞍煮到完全冇難入口的羶味喎! 加分! 而且肉質夠腍, 生熟度都剛剛好, 配埋雜莓好清新唔覺膩~

呢個小食係我一見到就話要食的 炒洋蔥西班牙臘腸 ($58)我好中意食臘腸! 每到冬天隔幾日就要食,  送飯真係一流!
上桌之後我都有少少估唔到個份量都算好大, 因為西班牙臘腸較濃味, 厚切又比較易膩, 好驚食唔到咁多呀...
好彩佢有唔少洋蔥中和味道, 食下一片食下又一片, 細細啖食就會食得出佢有陣甜味, 應該好適合作為下酒菜。

而家我無論係去卜餐廳都一定要點蔬菜來吃。
去日本餐廳我都會點個炒野菜, 去食西餐都要食個沙律, 
呢度竟然有我最愛的椒類喎!

海鹽西班牙鬼椒 ($58)
我一直以為pimiento會係幾辣的, 但原來佢有一種微辛但唔係麻辣的味道
感覺好似尖椒咁, 唔細細咀嚼都唔會真正食到佢到底辣唔辣, 幾得意。
用海鹽輕輕烤過, 無左椒類的草青味, 好食!

留肚食甜品是常識吧?
第一次食Churros, 終於了解到佢到底係咩味喇....我一直幻想係好似餅乾條咁, 
原來係冬甩+牛脷酥的味道!!
無左牛脷酥的油膩感, 而且味道比較淡, 所以大多配巧克力醬享用, 而我就覺得就咁食都好好食~

最後試埋呢個 焗朱古力焦糖蛋糕
其實我真係麻麻地香蕉......但係朱古力我又好難抗拒......結果係驚喜o既!
蛋糕口感濕潤, 朱古力夠黑夠濃唔會超甜, 竟然同香蕉味好夾!
兩人share一件就岩岩好喇!

唔知道係咪環境使然, 大家都無大聲傾計, 檯同檯之間唔會好迫, 傾計都唔會比隔離位輕易聽到, 
我會再黎架!

Chelsea Garden & Restaurant

地址 : 佐敦柯士甸道7號UQ Place 4樓

電話 : 3974 0822

▌保養 ▌眼和面都要強勁抗氧 ♥ 來自韓國的新品試用...*

4月頭開始膚況因為轉季突然變得時好時壞, 每日上妝前都覺得好暗啞無精神, 而且幾粗糙下.... 
呢個時期就試用左兩款來自韓國的抗氧化產品, 希望可以救救小win面!

黃色瓶子係Fresh Nation Premium Oriental 全新活膚修護煥采精華($460/45g)
而銀色條裝的就係 ABOUT ME  亮白淨化明采眼霜($250/20ml)

睇個名都估到 Fresh Nation Premium Oriental 係採用漢方原料作成份而成的保養品,
傳統漢方美肌以「治療美學」為基礎, 著重自然界之相互協調, 
而古代皇后對草藥美顏推崇備至, 講求為肌膚益血養氣, 滋補嫩顏。

而全新活膚修護煥采精華就利用珍貴草藥萃取成分, 調和肌膚陰陽韻律, 強健細胞元氣。

主要成份就有:
人蔘根 ♥ 豐富皂苷成分能增強肌膚彈性, 預防細胞老化及阻截色斑形成鹿茸 ♥ 活化修復並促進代謝, 鞏固肌膚自我保護機制，免除污染及損害當歸根 ♥ 溫和滋補, 暢通血氣, 顯著改善暗黃肌膚, 讓面色回復粉嫩透亮枸杞 ♥ 對抗疲勞, 釋放肌膚壓力, 柔滑粗糙膚質, 賦予青春緊緻光澤

質地係啫喱偏水狀, 唔升好杰, 好易推開~而且真係有股中藥味, 幾好聞~
一向有種感覺覺得有中藥成份的產品會比較厚身同黏笠, 
但佢就唔算厚身, 推開有少少黏, 不過推勻之後呢份黏感好快消失。

我就用一泵全面搽, 再加一泵重點搽色斑位置~

用左1個月感覺良好~色斑好似有少少淡左, 不過要去斑談何容易丫。去新痘印的效果唔錯。

同時我都試用埋呢枝 ABOUT ME亮白淨化明采眼霜~~

佢既主要成份係檸檬!!!! 檸檬汁、檸檬皮、檸檬花及萃取物含有高抗氧效果的維他命C成分, 
可以阻截色素沉澱, 預防色班並亮澤眼周~

而且備有冰感按摩頭, 能有效促進眼部血液循環, 改善浮腫及黑眼圈。
眼霜質地偏杰身, 延伸性一般, 需要慢慢推勻。

幾中意眼霜有埋呢d按摩頭, 唔使用手指按, 感覺力度會較易控制, 無咁易推到出眼紋~

只係用左一個月左右, 亮白效果唔算好出色, 仲係好大個黑眼圈呀! 但係配合按摩之後覺得無之前咁浮腫~
不過我覺得佢唔乾但又唔會太滋潤, 夏天用就剛剛好!

唔講唔知原來韓國品牌ABOUT ME曾於2014年獲得「大韓民國消費者信賴代表大獎」架!
有機會都要試試佢其他產品先~

以上產品全線Colourmix卡萊美獨家發售
www.colourmix-cosmetics.com

今天就這樣。

▌保養 ▌清爽舒緩痘痘不適 ♥ ISOI全新艾克尼系列...*

每年呢個季節正值轉季潮濕天氣我皮膚都會奇差!
有痘痘之餘仲會因為轉季皮膚未適應出現敏感粒粒, 又會時好時壞, 今日幾好聽日又突然勁殘咁!
而去年這個時節遇到一枝覺得幾好用的精華, 好快用光之後一直念念不忘, 結果上天又讓我今年同樣時節重遇她!

就係左邊粉紅色的Blemish Care Serum Plus保加利亞玫瑰零瑕疵精華喇~~~
今年仲多左右邊的Acni Dr. 1st Speedy Gel Cream艾克尼速效凝膠面霜,
呢d天氣皮膚特別容易出現水油不平衡的狀態, 所以我最近的skincare steps 都主要以aloe gel為主, 偶然再配杏仁酸mask幫幫手, 不過始終唔係個個人都受到酸的刺激性, 咁就可以考慮用天然成份的產品去舒緩皮膚問題喇!

今次呢兩枝 ISOI 全新艾克尼系列產品就針對敏感肌膚的暗瘡問題,
採用頂級保加利亞玫瑰萃取出特級玫瑰精油作為產品主要成分,
再配合珍貴純天然高保濕植物成分如白柳樹葉萃取、魚腥草萃取、甘草及積雪草萃取等,
有效即時滲透肌膚底層, 疏通毛孔並快速安撫痘痘, 增強肌膚抵抗力!

今次我就即管試試雙管齊下會唔會再正d~



頂級保加利亞玫瑰精油本身有效保濕及亮澤肌膚、均勻膚色、有助淡化色斑及印痕,
所以就算痘痘已經復原, 去痘印都會有幫助!

包裝到今年都係無進步地完全冇一粒中英文字解說,
只上過韓文初級班的小學雞表示完全唔識睇的寵! XD



佢個泵裝做得好好, 可以徹底泵到最後一滴架!!!



質地好清爽, 而且玫瑰味好似仲香過以前!!! 仲帶有少少草本的味道~幾好聞!


搽上面推開之後幾水潤, 好快就吸收晒, 感覺好清爽!



跟住就用埋艾克尼速效凝膠面霜 Acni Dr. 1st Speedy Gel Cream
最近覺得有點煩惱, 用潤少少的面霜又會泛油, 用清爽少少的又嫌唔夠滋潤......其實呢個系列產品的天然植物成份如魚腥草萃取、甘草萃取及白柳萃取等, 能舒緩抗敏之外 ;
橄欖葉萃取和栗殼萃取分別可以強效保濕和提升肌膚彈力 ;
而馬蜂草及油菜花萃取就可以抗氧化,
五倍子萃取仲可以收歛毛孔!



又係一粒中英文解說都無~建議可加label比多d朋友了解~



Gel cream 最怕係搽完有一層野留係面, 呢罐都算好, 無呢個問題出現。



不過gel cream 就無乜味道~

搽完佢地會覺得皮膚好舒服, 唔會乾爭爭又唔會笠痴痴,
我覺得夏天用相當唔錯呀!

今次試用期太短都試唔到d咩效果
不過就真係有舒緩降敏功效。
人大左愈容易因外來因素搞到皮膚敏感唔舒服或者災難式爆瘡,
呢d時候有時唔一定要搵到強效藥去ko佢地, 搽返d 舒緩為主的產品, 早d訓應該會有相當的幫助!

送上水份度測試比大家參考~我相當滿意!
最後仲要提一提 ISOI 呢個品牌嚴選 100% 天然成份, 絕不添加有害的化學物質天然成分, 並確保不含8大添加物質 (如parabens、人造色素、香料、礦物油等),以有效提高肌膚自身免疫力為首要護膚概念! 

ISOI 全新艾克尼系列已於於莎莎獨家發售
顧客服務熱線：2505 5023

***產品由 theZtyle 提供***