2015年8月31日星期一

▌底妝 ▌夠薄、遮瑕度高 ♥ Clinique 完美極緻遮瑕粉底...*




講到試底妝產品我覺得我真係一個幾適合的人選, 
要試遮毛孔效果, 我得 ; 要試遮紅印效果, 我得 ; 要試 tune色, 我得 ; 要試控油, 我又得 XD
皮膚要夠多問題先可以擔任呢個位, 真係唔係個個做到ga XD
最近出席了 Clinique 完美極緻遮瑕粉底的介紹會, 見到化妝師幫model 化完個底妝真係好多野都遮到晒
同時又唔厚妝, 真係好amazing!

 
左邊係Clinique 的化妝師, 右邊係今次的示範model~
化妝師手上的就係今次活動的重點推介產品 - Clinique 完美極緻遮瑕粉底 Beyond Perfecting 
Foundation + Concealer SPF 19 PA++ (HK$270/30ml)
香港區共有5色可選。

呢一枝粉底液的賣點, 是同時結合了遮瑕膏的功效, 可用作高度遮瑕的粉底液塗抹全面, 
能於90秒內極速完粧, 省卻遮
瑕膏的步驟。


只需使用專利設計的美粧魔法棒沾取適量粉底, 在臉上均勻點開, 再用手指 / 粉卜 / 粉底掃推開, 
必要時再局部點印在需要遮瑕修飾的位置, 就可以完成遮瑕度高又不厚重的底妝!
見到model臉上的痘印和少許粗糙感都瞬間變得平滑, 我超心動!!


化妝師再向我們介紹了Skinny Sticks極緻纖幼眼線筆及Just Browsing Brush-On Styling Mousse 完美塑眉霜的用法, 令model粗粗的眉毛立即變得貼貼服服!!!

活動完後我都急不及待試試呢幾件妝物啦!!!

好少會講粉底的成份, 但今次都講一講:
二氧化鈦(Titanium Dioxide):提供廣譜UVA/UVB防曬保護,預防色斑及肌膚老化,亦不會引致敏感不適。
聚十二酰胺 (Nylon 12):締造獨特的粉底質感,有如忌廉般柔軟輕滑,極致輕盈透薄,透氣度高。
硫酸鋇(Baruim Sulfate):有效持久遮蓋臉上瑕疵。
PEG-7聚二甲基矽氧烷(PEG-7 Dimethicone):於肌膚上形成一層補濕薄膜,令膚質如絲幼滑,保持粧效12小時持久不脫粧。

當然少不得的是粉底有SPF19 PA++, 好過無啦 :)

CLINIQUE的化妝品及護膚品均通過過敏感測試, 百分百不含香料, 背都背得出。


呢枝就係傳說中的美粧魔法棒, 是CLINIQUE的專利設計, 能控制沾取粉底時的份量, 
每次取出時都已沾取了份量恰到好處的粉底液, 既可適當控制粉底的用量而避免底粧變得厚重, 同時它的斜角掃頭又可以作遮瑕棒局部點印遮瑕, 好方便!!!

Rose Beige / Fresh Beige / Crème Beige / Neutral / True Beige 五色可選, 我用的是 Fresh Beige。
試上手時可以見到推開係完全見唔到上左粉咁滯, 好貼薄。


化妝師話均勻點在全臉之後再慢慢推開, 都唔怕粉底液會變乾難推, 我驚死試左半邊臉先, 又真係喎, 隔左一陣都好易推!!!
 
上圖是薄薄全臉上左一層粉底的效果, 都已經tune到整體膚色, 瑕疵有一大半已經遮左。
跟手再重點遮遮黑眼圈同下巴痘痘。

真心講句, 真係好貼薄, 以無用遮瑕膏的前提來說, 遮瑕度好夠!
它其實有水油平衡配方, 可以吸走過剩油脂, 但對夏天+易出油的人黎講都係用埋碎粉穩陣。
我自己幾滿意呢枝完美極緻遮瑕粉底!


化左底妝當然要掃埋條眉、畫條眼線先見得人啦。

我本身眉毛多, 眉形亦託賴長得還可以, 所以都係畫少少再用 Just Browsing Brush-On Styling Mousse完美塑眉霜($130/2ml) 輕輕 gel 下就得!


它的刷頭好細, 非常易handle 眉頭眉尾的毛毛!!!
4款色澤Blonde、Light Brown、Deep Brown及Black可選, 我這枝是light brown 配深髮色也覺得不錯。



眼線方面就用全新Pretty Easy Liquid Eyelining Pen 持久輕巧眼線液 ($180/2ml)

科學毛筆型設計, 筆頭也是超尖細, 可以畫到極幼細的眼線, 而且黑色好夠黑!


完妝~~~
個人相當滿意呢一枝完美極緻遮瑕粉底, 返工同出街用都好long lasting, 
而且控油方面表現相當唔錯, t zone位置超過10小時後的脫妝情況不明顯,
中間完全無補過妝都keep到一日, 最重要係粉底一d都唔厚亦唔乾, 痘痘位置即使過左幾小時都唔會變乾一舊舊, 亦無引致痘痘惡化, 非常適合我。 

全新CLINIQUE Beyond Perfecting Foundation + Concealer SPF 19 PA++ 完美極緻遮瑕粉底 SPF 19 PA++於各CLINIQUE專門店及專櫃有售。
售價:HK$270 (30ml)
店舖查詢 : 3188 1112。



2015年8月26日星期三

▌保養 ▌我選的 Origins 三甲面膜 ♥ 快靚正之選...*

早幾個月受邀到了 Origins於ifc Mall的全球首間「溫室」概念店參觀!!!
而家先分享真係有少少唔好意思, 所以我會一併介紹埋當日我選取的三款人氣面膜用後感~~~




Origins全新「溫室」概念店的門前以玻璃作為牆身, 客人於店舖遠處已能看到店內設計, 感覺令人煥然一新。
玻璃牆的左右兩邊鐵架分別放了仿如Origins產品中的天然植物精油裝置及裝著植物標本的玻璃器皿。
而店內則設有以雲石打造的潔手盆, 配以一組悠閒設計的木椅, 顧客可以在這裡輕鬆試用產品並且享受輕鬆愉悅的皮膚護理諮詢。


而我就最容易比呢d小型booth吸引, 總係要睇下店內主打推介產品是什麼!


呢set Zero Oil 好吸引... 相當適合油性 / 暗瘡肌!


見到火熱產品第一位的mask我都忍唔住要拎返屋企試下喇!!!


我就帶左呢幾枝返屋企喇!!!
左起:
Origins Out of Trouble 去油暗瘡面膜 (HK$260/100ml)
Origins Clear Improvement 活性炭深層清潔面膜 (HK$260/100ml)
Origins Drink Up 速效紓渴水份面膜 (HK$260/100ml)

潔面後, 首先我會同時使用Out of TroubleClear Improvement~
Clear Improvement 內的活性炭可以像磁石般把閉塞毛孔的污垢雜質吸走, 
白泥則能深入毛孔吸走污染物、排出毒素, 卵燐脂則能淨化肌膚, 使毛孔「呼吸」暢通, 潔淨無瑕。
所以我會將佢用在臉的上半部份~

而下半部份我就會用針對暗瘡的 
Out of Trouble!
產品中有多種能挽救皮膚問題的天然成份, 包括吸油力強的氧化鋅及硫磺、鎮靜肌膚的樟腦及去除死皮的水楊酸, 能迅速而有效清除引起粗糙的老化角質及阻塞毛孔的油脂污垢, 令肌膚回復平滑, 幫助預防及紓緩粉刺及暗瘡。
用在我常常長痘的下巴就最適合了!!


就這樣一起敷10分鐘就ok了~~~


我自己覺得2枝都好好用呀~~~明顯有收油光的功效, 而且清潔度亦好好!!!
下巴的小痘痘有即時收歛的效果tim!


緊接住我就會敷返個 Drink Up!
裡面的海藻精華能補充細胞水份, 滋潤的杏桃油則為肌膚注入提供水份和活力, 
10分鐘即時為肌膚解除乾燥缺水,重拾水潤、柔軟、飽滿。


敷起來聞到陣陣桃味好醒神! 而且涼浸浸好舒服, 敷夠10分鐘又可以洗乾淨了。


Drink Up的即時效果無咁明顯, 摸上去皮膚會覺得比用前柔軟, 雖然唔明顯但水份度都有上升。


總括而言~我個人都幾推薦 Origins 的mask~ 用過好幾款都覺得滿意, 而且價錢合理!!
有興趣不妨去專門店參觀順便試用一下產品~

**產品由Origins提供**


2015年8月9日星期日

▌保養 ▌PARKWAY 七天脫疣記 ♥ 幾分鐘打走鬼祟粒粒...*

呢兩年成日覺得自己塊面好多類似暗粒的東西, 化妝後特別明顯, 
總覺得某止部位的皮膚總是不平滑, 吱又吱不掉、泥mask又解決不了, 才慢慢懷疑這些都不是暗粒油脂粒咁簡單!
見到好多朋友都紛紛去打疣, 而且還打到整臉都是紅點, 開始思考自己臉上的到底是不是疣呢?



看過朋友的分享, 就膽粗粗去了 Parkway 百皮膚中心找醫生做個諮詢, 順便做個皮膚測試。

開頭以為 Parkway 都只不過是普通美容中心, 但原來它的母公司是亞洲最大的醫療營運公司, 在新加坡、馬來西亞、中國大陸和香港、印度、越南和汶萊投資私營醫療機構之一。它的控股公司IHH Healthcare Berhad (IHH) 在新加坡和馬來西亞上市, 更是全球第二大醫療機構(以市值計), 而且全球擁有18家醫院!


最讓我想不到的, 是即將2016年落成、於黃竹坑的港怡醫院(Gleneagles Hong Kong Hospital)
是由百匯的母公司新加坡醫療保健公司百滙班台、新創建集團及香港大學李嘉誠醫學院共同創立的!! 它將是香港第12間私人全科醫院, 亦是香港首間由私人公司營運的教學醫院, 並提供15個專科(包括內科、外科、骨科、婦科、兒科、中醫、矯形外科、創傷外科、急症室及深切治療部等)服務, 門診及日間護理部、手術室、心血管實驗室及復康設施等, 共提供500張病床。

知道以上背景後, 我對百
的信心大大加強!! 


療程前幾天我已經提早會見醫生做了個諮詢, 看看臉上的疣情況嚴重與否。
幸好比我想像中輕微, 除了眼皮之外, 其餘的疣都集中在臉頰近髮鬢, 大概只有20粒左右, 不算很多。
我常常聽說疣是個無限loop, 不易斷尾, 到底它是何方神聖呢?

會見我的年輕陳醫生說, 疣一般呈
黃色、啡色或肉色, 是一些由人類乳頭瘤病毒感染表皮而引起的無害性皮膚增生, 經由微細傷口的皮膚入侵而形成疣, 主要透過人與人的直接或間接接觸傳播, 例如赤腳於泳池、健身室等公眾地方行走, 又或是與人共用毛巾 ; 
也有機會
透過親密的人接觸傳染, 尤其是同住的家人

重要的是, 如果用手或器具抓損患處, 可以令疣擴散到其他部位的皮膚 <<< 如果像吱粉刺一樣強行吱掉就會擴散的意思!!!!!如果對臉上粒粒有懷疑請千萬不要亂吱啊...

而坊間我聽過的對付疣的方法大多是冷凍治療或者laser!
百匯就採用
二氧化碳激光(CO2 Laser) 來替我打走惱人的疣!!



陳醫生在療程前會先在皮膚上畫上記號, 然後局部塗上麻醉劑減低激光時的灼熱或痛楚感覺。
看~~~我全臉連頸才不到20顆, 原來鼻兩邊的不是疣, 真的是暗粒 / 油脂粒XD, 當中有一顆困擾我好久, 
陳醫生說那是閉塞了很久的油脂粒, 而且比較深入, 如果勉強打laser也許會造成一個小孔, 所以我放棄它了XD


麻醉藥待了30分鐘後, 就可以開始打Laser了! 用的是這部儀器:


二氧化碳激光的波長是10600nm, 照射到皮膚上會被皮膚的水份吸收, 瞬間將皮膚有問題的組織氣化。 
它可以用來消除各種皮膚問題包括疣、癦、痣、脂溢性角化、粉刺和汗管瘤等。它的好處是所切割的深度比刮除術較深, 亦較精準, 復原期也較快!


well....原來照片都被大光燈擋住了!  請湊合著看~
原本又塗麻醉又是激光, 讓我有點擔心皮膚反應會好大, 但原來係少少感覺都無架....
比激光打斑的感覺更低, 可以話係零痛楚, 連少少似橡筋彈的感覺都無, 好神奇xd
大概打了幾分鐘就已經完成! 超快~~~~


打完之後會有少少紅, 麻醉部份抹乾淨後, 搽返少少消炎膏就可以走人了~~
醫生仲開左一小罐藥膏比我每日早晚塗在傷口, 減低發炎/ 敏感症狀。
中心職員同時亦提醒我在傷口未結焦前避免使用非保濕類產品, 儘量不要接觸化妝品, 洗臉最好用清水, 防曬可以搽。復原期大概需要5-10天, 每4星期覆診一次直到疣完全消除。


原本有點擔心脫疣後上班很麻煩, 但由於疣數量不多, 也集中於臉兩側, 對我的影響不怎麼大~


療程後第2天, 仍未完全結焦, 傷口偏紅, 細看有點呈現下陷狀態。


day 4 開始結焦了, 傷口開始變深紅色, 不要去弄結焦的部份就好。


day 5 結焦部份開始脫落。


到day 7 基本上已經復原了! 復原期比我想像中快而且毫無阻礙我的日常生活。
每天盡量用清水洗面, 也只用保濕的產品, 美白緊緻甚麼的通通暫停。
事實上我day 5 開始已經能化全妝了, 頭幾天也只是重點遮一遮鼻子和下巴痘印(絕對不碰到傷口位置), 戴個眼鏡就上班~


另外很重要的是, 由於疣具傳染性, 治療後最好能把所有化妝品換掉(但我知道好難做到xd)不換掉也要把所有接觸到皮膚的化妝工具都徹底洗乾淨! 嗯...幸好我平時較少用刷具 XD


而且直到完全復原前, 我都每天早晚塗上消炎藥讓傷口好好復原!
總括而言我好滿意今次脫疣啊! 4星期後我就會再覆診一次看看有沒有漏網之魚吧~

皮膚中心 Parkway Health Skin and Wellness Center
地址:中環皇后大道中36號興瑋大廈16樓Email: skin@parkwayhongkong.comTel: 2526-8088 | Fax: 2810-9968facebook.com/parkwayskincentre
www.parkwayskin.comwww.parkwayhongkong.com

**脫疣治療收費已包括診金,填寫保險索償表格,藥費和隨後覆診收費。

▌保養 ▌保濕 x 修護 ♥ 炎夏合用的 ZINO 注水蝸牛B5精華...*

有d朋友唔係太鐘意用B牌的B5精華, 話嫌佢太清爽喎, 而我就特別中意佢果份清爽XD
剛剛用完家中那枝存貨, 就收到 ZINO 的 注水蝸牛B5精華, 短短4星期試晒成枝! 覺得好適合剛才說過不喜歡B牌的朋友仔!! 原因? 睇落去啦!



哈哈, 影相的時候已經係用左3星期的份量了, 我真係好少試用品會用晒成枝, 一來只有15ml唔算多,二來真係得我心!


產品產自韓國。它的主要成分有: 維他命原B5、蝸牛精華、β-葡聚糖、透明質酸維他命原B5和透明質酸主打保濕、蝸牛精華就有效修復細胞、β-葡聚糖可強化肌膚抵抗力
對我的暗瘡肌 / 易敏感皮膚來說, 加入蝸牛精華的產品總係用得比較安心, 而且用的期間肌膚狀況一般都比較stable, 不過呢枝精華就無講明蝸牛精華有幾多濃度了。


滴管設計, 方便衛生, 我早晚都會各用一整泵。


它的質地偏稠, 但延伸性高, 我會輕輕用手掌全面推開再打圈按摩。


相比B牌的 B5 精華, 它比較rich, 皮膚需要點時間吸收, 但吸收後都會好爽, 唔會覺得笠痴痴有一層留在皮膚表面, 反而禁落去會覺得皮膚飽滿左。


即時效果係覺得好飽滿啦, 用左足足一個月, 覺得皮膚整體係滑左同埋有彈性。

呢張對比圖就係用後三星期影的, 我覺得最大分別係下巴的痘印有變淡, 額頭乾紋有改善!!
p.s 產品介紹指改善細紋都係蝸牛精華的賣點之一。


不過用後即時的水份測試就有少少失望, 明明皮膚感覺好水, 但增幅原來唔多。

總括而言我個人都幾滿意呢枝精華的表現, 用得舒服! 
唯一缺點就係15ml實在太細枝喇!!! 出返枝30ml 的差不多喇~
同期推出的杏仁酸黑頭導出夜精華都好吸引呀, 想試!!


ZINO 注水蝸牛B5精華$268/15ml
銷售點:萬寧、ZINO概念店、MAX Club、Sasa購物網、BonBonTong購物網

▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...