2015年4月26日星期日

▌妝文 ▌試用+評比!!! ♥ bareMinerals Complexion Rescue 礦物鎖水啫喱粉底 ...

對我這種遮瑕女來說, 粉底最緊要一定係遮瑕度高啦!!! 其次就係要夠貼服持久,
有時因為懶得用太多遮瑕膏, 寧願粉底厚少少....
什麼「化妝同時護膚」的賣點我就通常會排得比較後, 但原來呢個諗法分分鐘就係令皮膚愈用愈差的原因之一!!!!




點解咁講呢?
原來好多粉底都係用緊「色素繞水」技術, 水分被色素及油分埋藏於最深處,

由於只有色素及油分可留於肌膚表面
, 所以皮膚根本無法吸收粉底中的保濕成分,
結果雖然底妝有足夠遮瑕度, 但相對就令妝容因缺水而導致容易脫粧、粉底厚重且不貼服等情況。

唔怪得總係有d產品用緊都係特別容易脫妝浮粉啦!!!!


自從早兩年試過bareMinerals 的產品之後我一直都對佢地讚不絕口,
無他的, 因為最hit的礦物粉底又夠遮瑕又可以同時護膚!

無獎問答遊戲: 圖中邊幾枝係新品?

開估之前就用呢set產品跟櫃姐示範練習一下吧~~~



首先是我蠻喜歡的 Prime Time foundation primer~

 
少少已夠全面搽 (上圖份量已夠兩次!), 搽完塊面會好平滑, 可以遮到少少毛孔。
但分量一定唔可以多, 多左就會卡粉~



而粉底方面, 今年春夏就推出了全新的 Complexion Rescue 礦物鎖水啫喱粉底! (HK$280/35ml)


我從來未用過bM 的非粉狀粉底, 所以都好期待!
試用前仲專登去左連卡佛專櫃搵櫃姐示範一次比我睇~

呢枝
Complexion Rescue的賣點就係用了反傳統的「水繞色素」技術, 同上面提過的技術正正相反,
礦物水分精華如鈣、鎂及鉀於最外層, 包裹著色素及保濕成分, 所以塗上粉底後, 水分第一時間接觸肌膚!
另外仲加入橄欖萃取出之角鯊烯複合物、甘油及透明質酸, 肌膚即時得到滋潤。



上粉底就要配合呢一枝Smoothing Face Brush輕柔圓頭粉底掃 ($240)
毛質是
混合纖維掃毛, 仔細睇睇就會見到刷毛是長短不一的!!
這設計有助粉底均勻地暈開並緊貼肌膚, 配上圓頭設計,提升粉底的遮瑕度。


櫃姐說直接將逐少粉底液吱到刷毛處, 再直接打圈掃開!



粉底接觸皮膚時真係涼浸浸架!!!
而且的確是啫喱質地無誤, 但掃開就會好似粉底液咁樣, 都幾得意!

如果用量未夠就可以再添, 總之一層層薄薄地掃上去。



第一次用的時候覺得好薄無乜遮瑕度, 用多幾次就識薄薄地上多層, 遮瑕度就提高了!
另外仲見到after的明顯比before亮澤。

仲加入了生長於歐洲及土耳其的高山區的Heart-leaf globe daisy毛花藍繡球, 具有超卓抗氧化效能;
而它所使用的色素是天然礦物色素Iron Oxide氧化鐵及Titanium Dioxide二氧化鈦, 不含油分、有害防腐劑及香料!


上圖是全面掃兩層的效果, 都已經遮得7788啦! 係下巴痘痘比較頑強~


於是我會用bM的遮瑕膏, 這小小一罐我用了好久!!! 幾乎每天都用, 用量超少但很好遮瑕力!


最後當然要定妝啦~~~~ 又是大家熟悉的Mineral Veil。



粉質超級幼細!!!!



使用時也需用斜角碎粉掃配合。



這枝
斜角碎粉掃抓粉抓得很平均, 而且用上臉後好薄~~

我會把臉上分四區, 額頭 / 左頰 / 右頰 / 下巴, 各自掃一層~



輕輕掃完就有霧面柔膚效果! 我蠻喜歡!



咁就搞掂底妝喇~~~~


畫返個眼妝就可以出街喇, Complexion Rescue都幾long last, 而且真係好透薄,
皮膚唔會覺得好焗, 呢樣野我覺得bM一直都做得好好,
可能你會問, 咁佢有咩特別先, 我點解唔揀一隻coverage好少少的tinted moisturizer 或者 bb cream?
我一開始都有呢個疑問, 所以專登拎左兩隻差不多level牌子的產品做測試。


測試就係用一杯水, 再加少少foundation, 拌勻, 再睇睇杯子的情況!
講真, 測試結果令我好驚訝, 亦都好失望......


除左Complexion Rescue之外, 另外兩隻不單止與水無法混合, 油份亦浮在水面,
把水倒掉之後亦有很多殘留物留在杯邊....
証明了兩款產品色素和油份比水份多, 而且容易殘留於皮膚表層, 也正因為這樣它們兩款都帶給我很滿意的coverage呀!!!!
由於兩款都是我平日愛用品, 所以真係既驚訝又失望....

如果你話呢個測試只係証明左bM不防水, 又唔係喎...因為我亦都試過用清水係卸唔走
Complexion Rescue!
做完個test的感受是....卸妝千萬要卸得乾乾淨淨啊!!!!!!!!!!!!




Complexion Rescue 礦物鎖水啫喱粉底已經推出一星期啦!!
有興趣的趕快去專櫃試試吧!

bareMinerals 專櫃﹕
旺角朗豪坊Beauty Avenue 2466 2128
尖沙咀海運大廈Facesss 2995 3065
尖沙咀The ONE Beauty Bazaar 2262 6978
銅鑼灣祟光百貨B1 /F 2796 2066
銅鑼灣時代廣場連卡佛 2506 1515

一般查詢:info@bareescentuals.com
.hk
網站:www.b
areminerals.com.hk





2015年4月15日星期三

▌保養 ▌神速吸收 ♥ Vaseline®全新潤膚噴霧...讚!

Vaseline 的潤膚露又便宜又大枝, 相信都無乜人未試過喇~~
我都當然唔例外! 呢一年其實都開始適應搽body lotion, 但一到夏天無咁乾就想連搽lotion果幾分鐘都懶XD
唔知係咪好多人都有呢個想諗法呢? 因為Vaseline最近就推出了首支潤膚噴霧!!!



對於懶人黎講,真係一大福音,但係咪真係如佢的宣傳所說, 真係「
10秒即感滲透吸收」呢?



今次推出的噴霧裝有兩款, 分別是
黃色的修護保濕潤膚噴霧及綠色的蘆薈舒緩潤膚噴霧, 兩款都蘊含凡士林經典Petroleum Jelly(花士苓), 有效修護乾燥肌膚, 降低肌膚水分流失,細緻滋潤肌膚。


如圖示所寫, 黃色的修護保濕潤膚噴霧主要有較滋潤的修護效果, 綠色的蘆薈舒緩潤膚噴霧則著重舒緩補濕




一般用噴霧產品最怕噴咀容易塞, 一旦跌左個蓋又有機會滲漏, Vaseline 連呢一點都照顧到, 噴咀用了扭蓋設計, 向左向右就可以開合噴咀, 超方便!





開頭以為噴出來的lotion會偏霧面水狀, 但出乎意料是較稠身的奶狀!!
如果距離較遠噴出會霧化得比較優, 但絕不影響吸收速度!
好了, 到了最緊要的時候, 到底是否10秒吸收呢?~~~
為了測試吸收速度, 我在噴好lotion後開啟計時器, 同時用手快速把lotion推開。


ok! 測試証實10秒內真的可以全數吸收! 兩款都可以!
而其實為了拍照較明顯我還噴得比較近, 量比較多, 但都可以10秒吸收晒, 無誇大其辭, 讚!


兩者使用後的水份度都有提升, 不算太高但都滿意啦!
我覺得兩款都偏清爽, 完全唔黏笠, 好適合夏天用~~
如果今季未買body lotion, 不妨試試佢地!



產品由Vaseline提供。
兩款零售價為:$49.9/190g

各大萬寧、屈臣氏、百佳、惠康、吉之島、莎莎、卓悦及各大藥房發售。







2015年4月14日星期二

▌底妝 ▌初試cushion底妝 ♥ 秀雅韓 Sooryehan 金屬氣墊粉底...*

底 妝產品日新月異, 早排開始流行一種叫bb cushion的底妝產品, 原理是將bb cream藏在海綿芯, 使用時輕輕按壓就可以取用bb cream, 先利申我是完.全.沒.有試過的, 原因是我覺得唔係太衛生...尤其是我這種容易敏感長痘的膚質, 就更加不敢使用長期濕轆轆的bb cushion...



而今次值得我去試的, 是韓國
品牌秀雅韓 Sooryehan 的新一代金屬氣墊粉底!
翻查資料才知道原來
Sooryehan是LG旗下品牌! 你無睇錯, 的確是你心想的LG!
Sooryehan 的產品啟發自醫學古籍《東醫寶鑑》中記載的韓方藥理,嚴選多種珍貴的天然草本藥材,例如人參、鹿茸、冬蟲夏草等, 並利用純淨水煎釀及過濾提煉而成。


Sooryehan 原本也有推出我一開始所說的氣墊粉底,
而今次就是突破性的
Bichaek Jadan Metal Cushion Foundation 透薄持久氣墊粉底液 SPF50+ PA+++
(HK$398 / 15g
)
價格看似不便宜, 實際上包裝內除了有粉盒一個, 還有多一個替換裝, 換言之每次就買到兩個粉底。


咁到底
呢個氣墊粉底液有幾突破呢?
其實是使用了LG專利金屬氣墊代替傳統的海綿氣墊,
使用時能保持粉底液的潔淨、水分及溫度,
不但改解決細菌積聚的問題, 也由於減低粉底和空氣接觸的時間令底妝的水份和色澤能夠維持。
簡單來說, 每次用才泵上來, 粉底也會變相較為新鮮。




無記錯粉底只有兩色可選, #21適合白皙肌膚, #23適合健康肌膚。
我比較喜愛白一點的粉底, 所以選了#21號。
使用時我習慣直接用粉樸按壓粉餅金屬面, 再均勻點在皮膚上, 再快速推開或者點印。
頭幾次用會嗅到中藥味~因為成份有人參、麥門冬及五味子, 但不算濃烈, 個人蠻喜歡xd


剛上完粉真的比較白一點, 但慢慢會tune返接近膚色, 至少無人問我點解塊面咁白XD
我個人認為粉底水份夠, 但粉質較厚, 但換來的就是高度遮瑕!!


皮膚有打亮和blur的效果, 雖然粉質不黏膩, 但由於我屬於混合性皮膚容易泛油, 會on top再加碎粉定妝。



close up 睇更加覺得遮瑕度一流, 而且有高效防曬度數SPF50+PA+++,再加上美白成分Vitamin B3及抗皺成分Adenosine, 感覺可以一邊化妝一邊護膚, 而事實上雖然粉感較厚, 但都不覺得block住毛孔好焗, 唔錯!



這張是回家補拍的~~~粉底算相當long lasting ! 這是我感到驚喜的一點!
可惜的是控油度不足, 上粉前用控油base先會好少少!!
整體來說我覺得它超級方便, 上妝時間可以大大縮短, 推介給像我一樣較多瑕疵的朋友仔~~~


銷售點:九龍尖沙咀彌敦道20號崇光百貨B1/F   (3911 1031)
Facebook: https://www.facebook.com/sooryehan.hk
Website: www.sooryehan.com.hk





2015年4月13日星期一

▌保養 ▌年度最愛之一 ♥ Faith in Face Hold Me Tight Hydrogel Mask...*

我敷面膜的習慣大概是隔日就敷, 皮膚狀態差的時間會晚晚敷,
便宜和比較貴的面膜會隔著敷, 有時懶就會敷toner mask算數,
所以其實多多少少都敷過很多不同的面膜, 
大概是去年還是前年已經試過的Faith in Face 面膜, 一直因為好用而列入心水面膜之一,
有時見到屈記特價都會買1, 2盒用來急救, 今次試另一款, 革新版的Hold Me Tight Hydrogel Mask 更加被我視為年度最愛面膜之一!!




之前試過保濕為主的After Shower Look Hydrogel Mask, 都覺得好好好好用, $20幾蚊一片完全係覺得抵用!!
而今次的Hold Me Tight Hydrogel Mask就係撫平細紋+緊緻潤澤, 對於我呢d輕熟肌齡真係好適合xd



說到革新版其實唔算改變好大, 但最明顯就係面膜封面的女生由韓國人變為西方古典美人XD
但都保留粉紅色調包裝, 最得意係每款mask都會有這位美人為保美貌提出唔同的beauty tips, 例如:




唔明英文唔緊要, 後面有中文!!



慚愧地說, 我有一半都做唔到....難怪我沒有她的一半美貌啦xd



除了可以增進肌膚彈性和改善細紋的Copper Tripeptide 銅胜肽/ 有抗氧化功效的博士茶萃取 / 可以保持肌膚彈性的紅蔘提取物之外, 這款面膜加入了最新緊緻升級配方 - Adenosine(腺苷), 能有效滲入肌膚預防皺紋形成, 並有效抵預紫外線(UVB)的傷害, 令肌膚保持無紋緊緻, 有效改善前額等重點皺紋區域



呢一種jelly狀面膜的好處是不會滴漏又夠貼面, like!!



可惜我都係嫌鼻位剪裁對我來說大太了一點~~是我鼻太扁了嗎?xd
敷這種材質的面膜我會敷上20分鐘直到面膜漸漸變成網狀就會撕掉。




撕開mask的一剎有肌膚重生的感覺!



除了有明顯的亮白感之外, 皮膚的質感也是立即有改善化!!
試用期間適逢period 皮膚粗糙毛孔又大, 使用後的改善很明顯, 急救用一流呀!



水份上升度都不錯, 整體來說我比90分!!! 真的可說是我的年度最愛面膜之一呀~~
極力推薦大家試試~


Faith in Face
http://www.faithinface.com.hk
建議售價: $69.9/3片







2015年4月7日星期二

▌保養 ▌對付細痘有用喎! ZINO 控油淨痘精華...*

早排天氣突然轉熱,潮濕到一個點, 我的麻煩皮膚當然又少不免來個爆發啦。
還記得當天是周日, 我留在家中執屋, 估計會滿是塵埃, 也一早準備了口罩, 但都避不過....
只需一晚, 下巴就長了好幾顆痘痘, 真係好洩氣...去做facial 時, 治療師都露出不可置信的表情....
然後隔天就收到了這枝ZINO 控油淨痘精華!


諗諗下都好諗無收過去痘的產品試用, 所以今次都幾期待!
ZINO控油淨痘精華糅合韓國珍貴人蔘精華蜂膠及多種漢方草本萃取, 先啟動細胞再生, 再為肌膚消炎抗菌, 收細毛孔, 回復水油平衡。另外配合透明質酸維他命B5, 為細胞源源注水。


想說一下盒子真的太不環保了!!!!


原來精華內的人蔘精華可以加速修復肌膚傷口, 加強肌膚自癒及更新能力, 即是說痘痘會復原得比較快, 而且也可以修補因痘痘、黑頭所形成的粗大毛孔, 聽起來好吸引呀~~~~

而蜂膠及積雪草、魚腥草等韓國漢方草本成份就有消炎、抗菌及紓緩功效, 可預防痘痘形成, 亦能減低痘痘引起的紅腫痛楚~~~


小小一枝15ml, 感覺好快用光呢!!! 尤其是我這種全臉使用的人.....


精華呈半水狀, 不是很黏稠的類型, 算相當易推。

而每次我會用3滴份量, 在toner後就全臉塗抹, 延伸性很高。基本上拍幾十秒就吸晒, 本身少少黏的質感拍完就會變得好乾爽, 感覺對皮膚沒什麼負擔!
趁住下巴有幾粒痘痘就連續用幾日,雖然唔會突然復原, 但係見到對於細細粒有膿頭的痘痘有幫助, 破損了的痘痘都好快KO到,  痘印都唔係好明顯, 不過對於石頭瘡就無效果。

 
而補濕度我覺得有驚喜, 因為精華吸收後其實感覺相當清爽, 
但水份測試的結果卻顯示水份上升得很不錯!


可惜收毛孔方面是完全不覺得有改善的~~
雖然感覺乾爽但控油略嫌遜色, 
個人認為$268的價格就有點小貴, 對我來說當作局部痘痘護理產品來用會比全面使用更合適! 


**各款ZINO精華現已於各大ZINO概念店及萬寧有售。**

▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...