2017年7月30日星期日

▌保養 ▌肌膚啟動自我修復 ♥ Swissmiracle DNA基因活膚系列...*

年紀漸大, 皮膚的需要就唔止係補濕咁簡單, 
仲要抗衰老、抗氧化, 回復彈性, 做女人真係唔容易呀!



瑞士 Swissmiracle 深入研發之抗老精華配方, 可以解決因年齡老化、環境侵害及現代生活壓力造成的肌膚問題。

呢兩件Swissmiracle DNA Cellular Smart基因活膚系列產品, 係引進由植物肽鍵組成的「肽生物嫩膚因子」 ,能夠啟動肌膚DNA自我修復功能, 一方面抑制自由基產生, 另一方面促進膠原蛋白合成, 從肌底開始回復細胞彈性, 深度撫平皺紋, 徹底擊退各種肌膚衰老癥狀。


以前比較少接眼部精華、眼霜的試用, 因為好懶搽eye cream XD
但而家完全相反喇! 早晚都要搽, 唔搽就覺得好擔心....
呢枝 DNA基因活膚亮澤眼精華 專為疲倦及鬆馳的眼周肌膚而設, 
蘊含海藻及紫花苜蓿精華, 透過促進淋巴排水, 活躍眼周循環系統, 撫平眼袋及浮腫, 淡化黑眼圈。

當然仲結合左重點抗老成分「肽生物嫩膚因子」及水解R.N.A, 
進一步修護並滋養肌膚, 顯著減淡皺紋, 瞬間提升眼簾, 讓眼周回復細緻平滑。


雖然係 Gel 狀精華不過比想像中滋潤度高, 唔算十分清爽~


最近覺得成日烈日當空比太陽曬住, 妝好易溶都不特止, 眼底特別易乾!!!!!
D乾紋好容易變得明顯....所以一有時間我會搽多少少呢枝Eye serum , 跟住拎枝熱感按摩棒出黎按下眼底, 加強吸收之餘仲可以舒緩一下浮腫眼底。


水份度上升幅度好滿意!!! 


用左一個月左右, 覺得眼底無之前咁乾呀~去紋呢方面就無特別明顯改善。


面霜方面, 呢罐 DNA 基因活膚緊緻面霜 亦係以獨家「肽生物嫩膚因子」作為核心配方, 
揉合多種高親膚性植物精油, 蘊含豐富蛋白質、礦物質及維生素E, 深入滲透肌膚並有助柔滑粗糙膚質, 強化緊緻度及彈力, 延緩肌膚老化現象。


配方更添加「鎖水磁石」異構寡糖, 能瞬間提升肌膚水分, 擴大肌底儲水量 ,擊退乾燥及皺紋問題。


面霜質地幼滑易推, 用少量已經夠潤, 味道好似柔順劑咁好親切好好聞呀!!!! 


搽少少就已經夠全面滋潤!


水份方面提升都唔錯! 面霜多是鎖水功效, 有呢個升幅都相當唔錯呢。


用左一個月, 個人認為皮膚質地滑過之前, 而且夜晚用完第二乾會有皮膚變滑的錯覺架xd
overall黎講兩枝產品都好滿意!

DNA基因活膚緊緻面霜 50 ml  推廣價 $590 
DNA基因活膚亮澤眼精華15 ml  推廣價 $530
全線Colourmix卡萊美 獨家發售
www.colourmix-cosmetics.com

2017年7月24日星期一

▌保養 ▌一星期KO紅腫暗瘡 ♥ PHYTO-C Bionic Serum活化再生精華...*

♪  ♬痘痘肌福音 ♩ ♫
最近呢個月試左一隻超級好用的精華, 除左對紅腫大大粒的痘痘有顯著消炎功效之外, 
仲可以令痘印快少少變淡, 簡單黎講就係痘痘肌的恩物!
 



就係呢枝 PHYTO-C Bionic Serum活化再生精華 (零售價:$580/15ml)

佢係特別針對夏季而設, 透過當中的水楊酸及BHA成份, 能夠即時渗入患處溶解毛囊中的油脂及雜質, 
疏通毛孔, 從而減少黑頭、粉刺、油脂粒及暗瘡形成的機會。
更可縮小被撐大的毛孔, 促進表皮細胞快速更新, 即時消退暗瘡。

聽落就覺得好適合我呢種易長痘痘, 毛孔又大的人呀!


佢既主要成份有以下幾樣:
♥ 水楊酸Salicylic Acid又稱為BHA, 可以滲入毛孔深層, 溶解堵塞毛孔內老舊污垢, 阻斷粉刺形成和改善黑頭狀況, 並能縮小被撐大的毛孔, 促進表皮細胞快速更新。
 熊果素Arbutin
可阻止酪胺酸脢的活化作用, 阻斷酵素的活性, 抑制黑色素生成及淡斑, 具美白和均勻膚色的功效。
♥ 氨基酸Amino Acids
皮膚和毛髮蛋白質的主要成份, 具有調節皮膚pH值與水份的機能。
♥ 多元勝肽Polypeptides
結構性質與蛋白質相似, 可合成或由蛋白質部份水解而成。
♥ 麴酸Kojic Acid
麴酸可螯合銅離子, 抑制酪胺酸酶的作用, 進而阻斷黑色素的形成, 所以具有皮膚美白的效果, 並擁有強效抗氧化的功能, 可協助皮膚抗老化, 亦可抑制結核菌與真菌。
♥ 橄欖多酚Oleuropein抗氧、抗菌及抗病毒功效, 能增強皮膚免疫力及癒合能力。
♥ 薄荷Menthol
具溫和的抗菌能力, 控制皮膚表面細菌的生長, 也可柔軟皮膚, 清除黑頭粉刺。


要留意返呢張鐳射貼紙, PHYTO-C只於指定醫生診所及醫學美容中心有售, 任何於網上或水貨店購買的PHYTO-C產品, 品質都係無保證架!!! 搽上面的產品都係小心D好!


Bionic Serum 係屬於非常水狀的質地, 無乜味道, 好易推, 用1-2滴已經夠搽成個下巴架喇!!
因為價錢都唔平, 我都唔捨得全面搽呀, 淨係會用於常常長痘的下巴位~我會輕輕按摩粒瘡的位置, 等佢吸收得快d! 搽上皮膚感覺涼浸浸幾舒服, 而且完全唔笠好清爽~~~


如果你好似我咁, 係暗瘡至油性皮膚, 
可每晚用指尖將2-3滴PHYTO-C Bionic Serum活化再生精華塗於面部及頸部或常出痘痘的部位。
如果係一般中性至乾性皮膚, 就可每星期使用2-3次, 於晚間薄薄塗於全面或常出痘痘的部位。
提提大家, 記得夜晚先用呀!


為左睇佢效果我忍住冇搽暗瘡膏.....如是者我搽左一星期, 即係7晚, 下巴係有莫大的好轉! 
仔細睇其實連鼻翼下面粒8婆瘡都消失左, 成個下巴明顯滑左, 細細粒d瘡仔都冇晒 !!!
本身粒瘡又紅又腫, 一星期後得返個印, 個印又唔算深, 真係有驚喜架!


一星期的效果已經咁好我真係驚為天人, 所以每晚會用2滴搽下巴+人中位呢兩個常常長痘的位置,  都用左差不多一個月喇~~


呢段期間除左呢粒大瘡都仲有長痘痘的, 不過整體復原時間都快左, 個人認為真係好適合暗瘡肌夏天用, 而且用完唔會好似暗瘡膏咁收乾粒痘痘的周邊皮膚, 感覺無乜負擔, 個人來說非常推薦! PHYTO-C 仲有好多針對唔同問題的精華素, 枝枝都好吸引呀!!! 一定會搵到適合唔同皮膚問題的產品~

查詢:香港總代理Capto (Hong Kong) Limited
熱線:2527 0333

2017年7月23日星期日

▌身體保養 ▌纖面纖腿一試見效 ♥ PPC 冷暖去水腫...*

如果坐係度可以瘦可以線條靚, 相信一定無人會去做運動
對於我呢種骨子裡懶到出汁的人黎講, 會去做運動減肥已經係奇蹟, 
我的問題除左脂肪仲有水腫, 以前真係無節制咁食重口味野, 又成日坐全日唔郁, 都係報應黎架哈哈~~~
雖然運動可以幫助到我的水腫問題, 但懶左無做一日, 水腫又會同我 say hello, 
比起做運動, 其實按摩更加可以有即時改善水腫的效果, 講到按摩我又係三分鐘熱度, 
為左快d見效, 我偶然按摩時多數會加d body oil呀消脂膏呀之類加快效果! (但勤唔勤力用就......)


老老實實, 我諗呢幾年都試過十隻左右唔同牌子的纖體膏, 有d效果都幾明顯架! 有d就用過1, 2次無乜料到擺埋一邊封塵。呢個月我就試左 PPC 呢兩款產品, 係即時見效架!! 唔分享唔得~


首先介紹左呢枝 PPC Contour Serum 纖顏V熱精華 (標準價 $360, 優惠價 $290)
賣點係熱感塑造V面輪廓, 可以改善鬆弛下巴及輪廓提升, 完美地打造立體面形, 同時能修護頸部肌膚, 加強減淡頸紋。


主要成份 Phosphatidylcholine 係一種營養素, 
好多肝臟和心血管健康食品都會加入呢種成份去解決脂肪引起的身體問題, 亦係消脂針經常使用的一個成份, 有效治療局部脂肪囤積。

另外仲含有緊膚藻精華 (Pepha® Tight), 
如肉毒桿菌原理, 針對肌膚型咀嚼肌, 可刺激膠原蛋白及彈性蛋白的循環再生, 令肌膚重現柔嫩, 恢復彈性。

六胜肽 (Acetyl Hexapeptide-8)
纖顏同時能修護頸部肌膚, 增強減淡頸紋效果。可以瞬間提拉、緊致肌膚及修護老化的痕迹。


用法方面都有少少技巧架, 不過都好簡單! 用之前記得睇睇圖示:

留意返佢係一枝精華油黎架, 所以質地會比較杰身, 份量大家可以按需要自行斟酌。

 

好欣賞佢個泵咀夠大!!!!


我一般用兩泵就夠喇!

首先搽勻在下顎線、下巴及頸部位置, 輕輕按十秒。

然後用中指及食指擺出v字手勢, 食指放在面部, 中指緊貼下顎輪廓位置。
用v字手勢從下巴朝耳朵方向輕力推上, 然後用力夾住耳朵, 整套動作重覆5次。
(不過對我黎講重覆5次仲覺得有精華在手, 所以我會重覆直至精華吸收為止, 大概10次左右)
按摩的位置係會慢慢有發熱感覺架! 不過比想像中舒服好多, 不至於熱, 只會係覺得暖笠笠咁啦!


按摩之後, 下巴同腮線線條係明顯firm左架!!!!
同埋留意到因為加強左血液循環所以皮膚會有少少泛紅, 一陣就會退~
個人認為效果都相當明顯, 而且只係佔好少時間就可以完成呢個按摩程序, 比想像中方便又有效!
朝早用黎去水腫真係一流呀~~~~~


講完纖面就介紹下呢一枝纖體的產品 - PPC Energizing Emulsion 冷暖纖腿王 (標準價 $290, 優惠價 $230)佢係一枝專效針對下半身線條水腫的瘦身產品, 亦係唯一同時擁有冷熱感覺的修形纖體霜。原理係透過冷熱交替, 先放鬆及舒緩肌膚, 令血管收縮及擴張交替, 能有效加速血液循環及新陳代謝, 達到排水、修身、修形效果。


成份方面除左剛才的 Phosphatidylcholine 之外, 
仲有:
Remoduline™
能促進血液循環、疏通淋巴排毒, 擊退腿部水份積聚而引起的浮腫現象, 令腿部回復美麗線條

Kalpariane™
緊緻肌膚, 改善鬆弛現象, 可以瞬間提拉、緊致肌膚及修護老化的痕迹

Adiporeguline™
改善橙皮紋, 令肌膚變得更柔滑, 可刺激膠原蛋白及彈性蛋白的循環再生, 令肌膚重現柔嫩, 恢復彈性。

Caffeine
能有效排出多餘水份, 加速循環代謝, 幫助水腫消耗, 有效令腿部肌膚回復彈性組織, 重現柔順平滑的線條


呢枝冷暖纖腿王係膏狀質地, 而且延伸性好高但一d都唔笠架!


沐浴後, 取適量PPC冷暖纖腿王並以打圈方法按摩於問題部位上約2-3分鐘, 直至完全吸收為止。
產品適用於下半身及手臂或任何較水腫位置。


我雙腳的腳腕位置有好明顯的水腫情況~所以都集中試小腿位置。
只要有時間, 臨訓前我都會抬腿, 再著壓力襪睡覺, 而家可以再加埋呢一個step, 三重擊退水腫喇!!!


按完又係覺得firm過before架! 而且仲會覺得皮膚滑左好多, 
搽完真係會有種涼涼地又暖暖地的感覺, 我都唔知到底係涼定暖, 好搞笑!


針對水腫黎講, 呢兩枝產品可以話係有即時效果, 當然要勤力先可以keep住水腫情況愈來愈有改善啦, 
另外都係要配合清淡少少的飲食和適量運動先會有更明顯的進步,  不過講就易有幾多人可以持之以恆?
有時靠少少產品幫忙效果更好何樂而不為呢?
最後提提大家如果係脂肪型部位, 晚間可選用PPC燃脂精華油, 效果會更加具針對性架~

2017年7月16日星期日

▌妝文 ▌BeautyMaker 新底妝品試用 ♥ 控油持久之選 ! ...

終於又考完一科可以還返d文債! 呢科仲係我最討厭最怕的Econ, 考完佢就正式踏入BBA之旅,
呢個年紀PT讀書都幻想到有幾辛苦, 
相信之後會更忙, 希望仲會有時間繼續試用多d新產品繼續分享!


最近非常中意試氣墊粉餅! 因為氣墊粉餅好快用晒, 屋企的存貨都慢慢變少......
同埋真係好方便呀! 平時趕時間又快手, 去旅行又唔使拎咁多野, 完全愛上
氣墊粉餅呢樣野!
今次除左可以試台灣 
BeautyMaker 的零油光晶漾持妝氣墊粉餅之外, 仲有零油光晶漾長效妝前乳!
兩件產品都係底妝必備!!


台灣夏天天氣同香港一樣都係咁熱又潮濕, 出街一陣就好易出油! 
所以底妝一定要揀枝控油又夠持久先得!

零油光晶漾長效妝前乳(零售價$139)除左係make up base之外佢仲有spf35防曬度, 平日返工叫做剛剛好啦!
佢含有「超磁妝粉體」及「超磁妝薄膜」, 

可以藉由磁鐵般的磁力效果, 完整緊密服貼肌膚上, 持久力up!


成份方面仲有水平衡控油精華液, 可以平衡水油, 穩定肌膚狀況。
使用前需要搖勻~全面大概倒兩下盡就夠用~


開頭都種蜜桃色的make up base會泛白, 不過推開之後就唔覺得好白~而且無想像中咁笠喎!


點開再推勻就得, 我多數用手指推開, 延伸性高!


搽勻之後唔會有好明顯的遮瑕度, 但反而有少少調色和提亮效果, 最驚喜係有修飾毛孔功效喎!
用左佢之後我可以慳返遮毛孔果20秒!


最concern的油份都無升高, 水份反而keep到唔錯的程度!


聽說第一代零油光晶漾持妝氣墊粉餅一上市就熱銷30萬顆, 今次成份升級再加埋防曬功能的升級版一定更受歡迎喎.....未試之前睇到粉紅色設計, 少女心即刻出晒黎!!! (升級版零售價$229)


升級版不僅保留原有氣墊的輕、薄、透以及強效控油的特性, 
更有三大新突破:
1♥ 全新觸控面板 
2♥ SPF40防曬升級 
3♥ 微米柔焦粉體VR

獨家的「全新觸控面板」透過「真空保鮮科技」, 形成一個隔絕空氣、外界污染的真空保鮮層,
讓每一滴粉底都新鮮、純淨, 甚至還能作為底妝調色盤, 調和最適合自己的膚色。


雖然使用前需要做多一步按壓適當份量出來, 不過又的確比海綿氣墊衛生d !!


而微米柔焦粉體VR 就可以令每一顆粉體, 360度都均勻分布吸油孔洞, 
吸油孔洞比原版增加30%, 瞬間控油力加倍, 讓臉上油光1秒就變成粉嫩光。
試上手都覺得搽完粉底唔會覺得好令, 係偏向matte感妝效。
而且佢含有高效保濕成份玻尿酸, 上完妝皮膚都唔會好快覺得崩緊乾乾的。


個粉卜都好好用呀! 厚度適中又好夠彈性。


搽勻一層已經覺得底妝完成8成了~

遮瑕方面表現不俗, 已經遮到8成, 係爭少少紅印未完全遮蓋~不過如果返工就唔會再花時間另外遮了~遮下黑眼圈就算 ; 
整體膚色都均勻左, 大部份泛紅都tune到色; 
另外可以留意到Before的光澤感已經調低左, 唔會有油光滿面的感覺, 呢一點對於毛孔粗大比較易泛油的人黎講係喜訊!


拜好用的底妝產品所賜, 底妝愈來愈快完成, 反而眼妝花最多時間!
呢半個月我日日用, 我覺得在室外地方比室內地方更加可以發揮到持久效果!
上班日子我經常需要行出行入, 在戶外地方逗留時間也不算短, 即使出了汗也沒有太脫妝, 
相反一直坐在冷氣地方反而到下午就有少少浮粉了, 難怪有台灣明星大讚用了它去做運動也很讚!



以上只是個人分享, 大家可以斟酌購買使用。



除了單獨購買之外, 新品上市期間仲推出限量銷售的「新一代零油光超持妝粉嫩禮盒組」售價:HKD$599
內含:
《零油光晶漾持妝氣墊粉餅SPF40**》14ml x2 
《限量版 美肌修修無痕專業粉底刷》x2 
《限量版 化妝包》x1

好抵買喎!!!!!有朋友share就超划算!

▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...