2017年3月31日星期五

▌妝物 ▌肌底色配唇色? ♥ bareMinerals Gen Nude 礦物祼唇系列...*(附送禮)

每次話要化個nude唇, 一定會直接聯想到肉色/淡色/啡tone等等的唇色, 有時搽左總係覺得有少少面無血色, 
結果唔係個個carry到實在可惜~~~如果你有相同諗法而打算放棄祼唇, 又似乎太早喇, 不如睇睇bareMinerals Gen Nude 礦物祼唇系列幫唔幫到你先!



呢個全新系列, 突破性以43款深淺裸色作主打, 推出共4種色系及4款不同覆蓋度及效果的唇部彩妝品, 互相配合可以變幻出無數的組合, 讓任何人都可擁有無法抗拒的誘惑雙唇, 突顯妳的內在氣質!

43款咁多, 到底點樣可以揀適合自己的唇色呢? 
呢個系列就先根據自己的肌底色選出適合的色系, 不如睇睇以下概念先:

♥皮膚白 >> 粉紅色系
♥偏黃膚色>> peach色系
♥古銅膚色 >> 紫色系 / 大地色系

揀完色系, 再根據唇色深淺, 睇睇自己適合用下面邊一種texture既唇部產品啦:

♥ 礦物柔亮裸色唇膏 
♥ 礦物啞緻裸色液質唇膏
♥ 礦物潤澤裸色唇彩
♥ 礦物裸色唇線筆 


我手上就有其中三種產品, 等我逐一試下啦!


礦物柔亮裸色唇膏 ($190)唇膏質感如牛油般豐潤幼滑, 蘊合多種萃取自芒果、可可及乳木果油等天然滋潤成分, 
配合銅、菱、鋅、礦等礦物複合物, 可以保持雙唇水潤, 並預防乾燥並減淡唇紋, 效果立體自然。


佢仲備有15款色調以供選擇, 具有中度覆蓋度及半光澤效果, 可根據自己膚色與唇色, 配襯出不同妝效!


呢幾枝當中, Crave 和 Xox 原來都屬於紫色系, 睇落較偏向淺紫紅色, 比我想像中的紫系唇膏靚好多!


第一次用紫色系唇膏, 梗係要試試!
上咀之後發現好夠潤呀!!!! 而且都幾襯我喎~~~~肉眼睇感覺似深少少的珊瑚色,
其實我舊年開始用緊的Pop of passion 系列唇膏都已經覺得好夠潤~~~
不過顏色種類真係比唔上呢個系列咁豐富!!!


試埋Xox, 佢比Crave 偏紅色少少, 但少女味仍然甚濃!




跟住就試試左邊兩款、我甚少接觸的啞色唇膏啦!


礦物啞緻裸色液質唇膏 ($170):有11款色調以供選擇, 質地水潤輕滑觸感, 絕不黏膩, 輕輕一掃液質唇膏瞬間轉化為自然啞緻色調, 顯色度高, 有效完美覆蓋櫻唇, 持久不脫色。而且產品加入植物蠟成分, 讓唇部時刻保持滋潤, 配合獨特配方, 塑造柔焦效果, 讓雙唇看起來更柔軟順滑, 另可防止唇膏向外化開, 使唇膏持久保留。


然後我發現又唔覺意試左紫色系!!!!
Juju 呢一款啞緻裸色液質唇膏比想像中好用太多了!
首先我以為會乾乾地, 但反而好潤滑喎!! 搽上咀好精神但又夠低調, 好適合愛霧面妝容的朋友仔~


最後試埋唇彩先!
礦物潤澤裸色唇彩 ($170):質地水潤幼滑, 輕易掃開, 能塑造亮薄至中度的覆蓋效果, 為唇部增添晶瑩剔透及立體感。高效天然胜肽成分, 具即時及持久豐唇功效, 深層滋潤同時鎖緊水分 ; 糅合乳木果、牛油果、棕櫚乳脂、古布阿蘇等保濕滋潤成分。柔滑而不黏且膩配方, 加上專利的礦物複合物, 蘊含豐富礦物質及胺基酸, 有效柔軟幼嫩唇部。


唇彩就挑戰桃色系的 Popular, 感覺比搽上手紅潤少少, 但整體都係偏淡啞色d, 唔會搶左眼妝, 
而且好夠滋潤, 搽左之後零唇紋~

憑我一人之力無法子將咁多款都一一演繹, 就睇睇model既配襯吧 ♥
明明全部看起來都好colorful, 搽出黎偏偏整體就有祼妝效果, 幾得意呀!!


最後我決定送出其中兩枝產品同大家happy share!!

♥ 
礦物柔亮裸色唇膏 - Nudist
♥ 礦物啞緻裸色液質唇膏 - Friendship
兩枝都只係搽上手試色~唔介意先參加呀!
參加辦法好簡單~
1. 必須 like 我的 fb fanpage : https://www.facebook.com/WinWinXCatHui 和 follow 我的 ig : winwin_winwin
2. 去 fb page 相關照片比like+share, 再留言話我知你想要邊枝 ; 
4月7日晚上11:59 截止, 我會盡快抽選出兩位幸運兒, 然後包本地平郵寄出禮物, 只限香港地址喔 :)

有興趣就趕快參加吧~

2017年3月26日星期日

▌保養 ▌夠潤唔笠眼霜之選 ♥ L'Oreal Paris Revitalift Eye Cream...*

上一篇分享過開架品牌的基礎保養品, 
呢一篇就分享一下另一個價錢十分親民的品牌眼霜啦~~



早幾年都試過L'Oreal Paris Revitalift 系列的產品, 所以都抱有相當的好感~~
年紀愈大都特別要注意雙眼的保養, 所以家裡的eyecream 呢兩年突然用得好猛!
1月推出的全新昇級版活力緊緻修護眼霜 Revitalift Eye Cream ($165/15ml) 就我今次的試用品~
由L'Oreal Paris皮膚實驗室研發出強效抗老科技 - Dermalift肌層提升科技, 可以刺激皮膚底層8大天然提升因子的產生, 幫助肌膚由內而外盈潤飽滿、回復緊緻。

成份方面同時加入維他命原A (Pro—Retinol A) 及具強大修護力量, 
來自馬達加斯加的積雪草 (Centella Asiatica)成份, 能夠促進膠原蛋白新生, 激活肌膚細胞更新, 強化表皮層的組織, 撫平皺紋並修護眼部肌膚。


其實我揀眼霜最緊要就係要夠滋潤, 但唔可以潤到出粒粒!
呢罐都好滿意!

質地感覺似gel狀的乳霜, 沾少少推開已經夠滋潤~



我其實無咁勤力日日按摩, 記得就會按下啦!
有時間的話我會搽一層厚厚地既眼霜再敷上面膜, 大概10分鐘就撕走順便按摩剩低既眼霜, 滋潤效果都好唔錯架! 不過就唔可以成日敷, 驚太潤會出粒粒~ 
雖然眼袋因為成日夜訓愈來愈明顯, 不過慶幸係暫時仲未見魚尾紋....


產品都用左差不多個幾月, 改善眼底眼紋成績好似都唔錯!

反黑張女好似睇到多少少效果, 眼紋好似真係有少少少少減淡到?


而佢既水份提升度亦都相當令人滿意! cp值高值得一試~
最後要提一提係眼霜完全無添加香料, 我覺得呢一點都幾令人安心!

2017年3月22日星期三

▌保養 ▌小資女推介♥ KOSÉ COSMEPORT黑糖精透潤護膚系列...*

最近好似都有2, 3位朋友問起開架有冇基本護膚產品可以推介,
其實開架品牌咁多產品真係好多都相當唔錯,
但係最近試的KOSE COSMEPORT 黑糖精透潤護膚系列我覺得性價比甚高, 連share用的媽媽都讚, 實在有必要分享一下。



KOSÉ的產品其實有貴有平, 上次介紹過40片裝的面膜一早用晒,
今次亦都係走平民路線的 KOSÉ COSMEPORT, 粉紅色包裝睇到都覺得Girly呀~~~
呢個黑糖精透潤護膚系列係用日本純正黑糖提煉及發酵出黎既「黑糖精」作主要成份,
黑糖有豐富的鈣、鎂、葉酸、維b群之外, 對於皮膚有很好的滋潤效果~
另外亦加入雙重透明質酸, 以兩種大小不同的透明質酸鈉及水解透明質酸, 滲透深層肌膚。



唔知大家洗面產品中意用洗面奶定、泡定係膏?
呢枝
黑糖精深層清潔濃黑洗面膏 ($59/130ml)非常特別, 亦係4件產品中我最最最推介的產品! 


因為除左黑糖精華之外, 仲加入左炭成份, 可以吸收肌膚多餘油分, 同時緊緻毛孔~

另外佢質地仲係面膜泥質地~~~~



洗面的時候用好少份量就夠已經夠用, 感覺似開左d泥洗面咁!
我會開到杰杰地, 洗完面會停留多30秒-1分鐘先沖水~



洗完感覺超乾淨!!! 毛孔明顯乾淨左而且油光拜拜, 驚喜既係完全唔會覺得崩緊~
同敷左個泥mask感覺差不多, 個人大推!


洗完面水份仲高左唔少, 幾驚喜~~~




洗完面第一時間補補水先! 我對toner都幾高要求, 全面用的話最好係保濕為主,
而且對我黎講toner都可以話係skincare之中用得最兇的產品, 因為有時仲會拎黎做toner mask, 消耗得超快!



無色無味無添加的toner係最好的~~~因為係第一層接觸皮膚的skincare感覺愈簡單愈好, 黑糖精透潤精華化妝水($79/180ml)成份有頭先提到的發酵黑糖精華、雙重透明質酸、保濕因子, 而且成個系列都係弱酸性、無香料添加、無色素、無礦物油架!! 


個化妝水質地好水唔杰身, 搽上皮膚好快吸收晒, 覺得飲飽水的感覺! 水份度都好滿意呀~~~



敷mask前有用化妝水的話, 面膜精華會吸收得更加好~黑糖精超濃厚水潤凝膠面膜($89/4片) 除左頭先提到的成份之外,
仲加入左雙重膠原蛋白!~仿膠原蛋白和水溶性膠原蛋可以令肌肉飽滿緊緻, 改善暗啞問題, 持續有彈性。
而温泉水GL(甘油)就可以促進肌膚新陳代謝, 令肌膚柔軟水嫰。




面膜紙係用日本Bemliese 無紡布製成, 可以緊貼面部和鎖緊精華唔會滴漏~
而且面膜的精華都好多呀!!



貼面度我比99分! 唯一不足係鼻翼位開大左dd~



前後對比圖有少少色差請見諒, 敷完覺得皮膚有即時透亮感, 滋潤度足夠但完全唔黏笠, 好適合夏天用呀!



水油度圖作參考~~~



最後一步梗係要鎖水啦~~黑糖精水潤彈力美肌凝露 ($109/30ml)仲添加左牡丹皮提取物, 可以促進肌膚新陳代謝, 均勻膚色, 維持水嫰肌。



質地就比較杰身但推開感覺幾水潤唔笠~



搽完唔會覺得有層野係皮膚上面, 感覺算幾清爽!


不過個人認為佢有加少少silicon, 所以用完之後皮膚會覺得平滑左有光澤左~~
介意者可以早上用~~~ 



用完之後水油份都keep到同敷完mask差不多~~~~

四件產品加埋都唔使400蚊, 除左mask之外枝枝都用到成個幾月兩個月, 真心覺得性價比好高~~
如果打算平平地買基本護膚產品的話一定要考慮一下呢個黑糖精透潤護膚系列~


2017年3月13日星期一

▌指彩 ▌Keep 得好好 ♥ 一試 Yinensis 美甲服務...*

早排同事介紹我玩甲貼, 看似好方便但係手勢麻麻地, 貼完就算用gel top coat都只得幾日貨仔, 
對於soak off gel 甲始終念念不忘......諗起好似好耐冇去整甲喇, 適逢旅行前有少少時間就去整一整啦!!!



今次整甲的地方係位於尖沙咀漢口道的Yinensis 然淙養生文化館, 
上一篇文章都有分享過她們提供的Fit Magic Plus 磁穴瘦身療程~

其實當日黎到見到有美甲服務已經好有興趣, 因為display出黎既甲款都好靚呀!



為左節省選甲款的時間, 今次我都上ig搵定d參考圖比美甲師睇, 因為當時就快情人節, 我都想整sweet少少的甲款!
同美甲師溝通好之後就即刻開始喇!


美甲師幫我極速修好圓方甲形, 剪短少少可以比空間佢留長~~
加上我都唔習慣留太長指甲, 所以呢個長度剛剛好喇!


我選既設計係由白、粉、桃紅為主, 仲有少少雲石紋+金箔設計, 
所以都會花少少功夫同時間架!
美甲師好專業好快手就幫我一隻接一隻咁搽, 我仲留意到佢搽每一隻指甲甲緣時都會推多半秒, 
當時我以為只係一個習慣, 日子耐左發現d甲油完全冇崩裂同翹起的情況, 我估呢半秒就係關鍵喇! 


幾個顏色仲要互相堆疊, 我以為無個半鐘都走唔到(畢竟我去過花2小時做了一雙設計簡單, 款式麻麻地又keep得唔耐的店家...........), 但最後我一個鐘就完成走人, 仲可以返屋企食飯, 勁感動!


整完再搽埋指緣油就完成了!


欠缺保養的手指好胖哈哈哈~~~而家已經成日搽handcream架喇~
成日啪手指搞到關節好粗, 大家唔好學我呀~


5隻手指入面有2隻用淨色+金屬貼
有2隻係淺粉gel打底, 加白色同桃紅色雲石紋+金箔
中指就係淺粉gel打底, 加白色雲石紋+金箔


唯一覺得厚左少少, 不過都可以接受~始終都有一定層數~


情人節指彩配上情人節限定咖啡杯~


呢張係上星期影架喇!
已經過左1個月, 指甲長左好多, 但係gel甲完全冇崩冇翹, 真係有驚喜~
而家反而煩惱緊佢keep得咁好唔捨得卸左佢........但指甲好長唔係幾舒服XD

Yinensis 的美甲服務單次只係$228, 仲係款式任做~~~~~
坊間好多都只係包單雙色畫花, 加貼紙呀閃石呀都一定要逐隻收費!
所以我都會再去整甲架!! 推介比大家~~~

Yinensis 然淙養生文化館查詢電話: 2818 0818  地址: 尖沙咀漢口道28號亞太中心3樓11室https://www.facebook.com/Yinensis/http://www.yinensis.com/

▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...