2016年10月16日星期日

▌保養 ▌來自韓國的 mask ♥ DDQ透明質酸 B5 面膜...*

轉季的prodcuct介紹左面霜之外, 亦都要介紹一下大家最最最最關注的面膜喇~~~~~~~~~~


呢款係韓國製造的 DDQ 面膜, 不過品牌係香港公司黎架!
DDQ在2015年香港成立, 韓國、深圳及香港都有分公司, 但所有產品都係韓國生產製造~
產品有竹子面膜、黑眼膜、24K黃金棒等等, 仲有呢款
透明質酸 B5 面膜~~~~


轉季要注意邊d肌膚需要? 其實說來說去還是保濕最重要....唔想再比人話「你皮膚好乾喎!」, 
唯有平日再勤力d 做保濕! 呢個 DDQ透明質酸 B5 面膜 ($99/5片)顧名思義, 主要成份就係透明質酸同維他命B5喇~~~~


25g的面膜搏拎上手都有少少份量, 但一拎面膜出黎發現好薄好薄, 精華量多但唔會成袋都係!


面膜夠貼面係加分位!
呢款面膜的剪裁非常貼面合適, 鼻翼位有9成脗合好驚喜~~~~
而且敷上面只有少許滴漏, 尚算滿意!


闊面如我都好good fit! 咀唇和眼睛位開得好好~
呢個mask精華比想像中多同襟敷, 敷左20分鐘仲係好濕~


除左補濕度唔錯之外, 我覺得毛孔都有少少收歛, 泛紅痘痘和印敷完都有退紅呀, 幾驚喜~


水份上升唔算好多, 不過我平時的before水份又好少有咁高喎!
用後肌膚感覺幾好, 上妝前敷可以令個妝更貼, 去飲果日都係敷左佢先上妝, 個妝隔左6, 7個鐘都仲好貼呀~~~
不過想面膜效果更好, 記得做好deep clean再敷就更吸收喇~


如果想搵一款保濕功能佳的面膜, 呢款都係我心水推介黎! 

***
面膜來自dordorcosme 多多日韓化妝零售批發
專賣日本韓國化妝品、護膚品, 貨品種類超過1萬種。
門市:旺角彌敦道610 號荷李活商業中心 11樓1103 室電話: 2628 3909營業時間 : 12:00pm-20:30pm
wechat:dordorcosmewhatsapp : 62206262ig: dordorcosmefacebook: www.facebook.com/dordorcosme

2016年10月13日星期四

▌保養 ▌轉季喇 ♥ 面霜我轉用 Kate Somerville 升級版羊奶乳霜...* ... ... ...

終於等到真真正正的秋意喇!
為免因為乾燥令痘痘大爆發, 早排我已經開始慢慢轉skincare, 精華已經轉用較滋潤的抗衰老系列, 而面霜呢? 我就轉用呢罐Kate Somerville 全新升級版羊奶乳霜 (HK$595/50ml)喇~



之前都已經有分享過使用 Kate Somerville 產品的感受~
對於呢個品牌唔陌生之餘仲有相當的信心~始終產品用上面, 安全無敏感用得舒服最重要!

羊奶乳霜雖然有"羊奶" 兩個字, 但完全唔係我幻想中的厚重黏笠感!
成分方面除左有乳酸、荷荷芭和牛油果、天然蘆薈、葡萄籽萃取物等等之外, 
今次升級版仲加入乳胜肽活性複合物 (Biologically - Active Milk Polypeptides)
能夠進一步呵護及修復乾燥、敏感或脆弱的肌膚, 為用家修復及重建肌膚的天然脂質屏障。

一開蓋估唔到係用泵裝黎!!! 更加方便衛生, 一泵到底就係我每次用面的份量喇, 但我想搽埋頸就要泵多半下。


質地果然係好輕盈, 而且似lotion多過似cream~
因為我呢兩年入冬都會加1, 2滴護膚油, 所以面霜唔喜歡用太heavy太潤~

係手上試, 打圈搽完基本都已經吸收晒! 搽面仲會加少少按摩, 完全唔怕會吸收唔到黏黏笠笠
搽完面皮膚會覺得好似柔軟左, 同埋完全唔會有幻想中的羊膻味, 亦唔會有人工香味, 用落幾舒服, 用完亦都唔會覺得成面油咁。最近我買左枝沙棘油溝面霜用, 聞說可以抗痘痘喎, 試過夾其他lotion就算只係溝一滴油都好笠唔吸收咁, 但溝呢罐 goat milk cream 又吸收得好好喎~~~~~  


唔經唔覺都用左成個月喇, 痘痘仍在XD
不過整體覺得保濕度幾好, 夜晚用完, 朝早起身都唔覺滿面油光, 而且用完覺得皮膚好舒服!
聽講古埃及人以前都成日用羊奶黎舒緩皮膚, 唔知古埃及人皮膚係咪特別好既呢?


最後附上水份測試前後對比圖作參考 :)



更多有關 Kate Somerville 資料及價格:



2016年10月10日星期一

▌美髮 ▌日雜捲髮真係可以電出黎 ♥ 家一樣的 Mold Lab 造型研究所...*



相信10個有11個女仔都感嘆過, 點解每次去電髮, 都整唔到日雜裡面的髮型既?!!?!?!

有髮型師同我講, 日雜髮型係捲出黎 / 吹出黎, 無可能電出黎, 我甚至有一刻覺得一定係要去日本先可以電到!!

但原來唔係架, 香港都電到! 我終於唔使自己捲都有日系曲髮喇!


經過朋友介紹, 我黎到觀塘巧明街萬年工業大廈的一家樓上salon - Mold Lab造型研究所
一上到黎, 見到係我最愛的簡約木系裝潢已經加晒分!
店子小小, 五贓俱全。


Mold Lab 以「比例」作為造型的根源, 為每位客人制定出合適髮型, 準確控制每條頭髮的長度 ,以帶出每位客人最根本的自然美。
呢度環境
舒適企理, 
黎到仲要換拖鞋,好有家的感覺!  
完全唔會好似一般salon 咁又嘈又狂播音樂(我真係唔明點解要咁大聲播歌)
而且佢地行預約制, 可以自己黎, 又可以約埋朋友一齊黎整頭, 靜靜地好relax, 地方鬆動唔擠迫, 大家都知染髮電髮動輒花上4, 5小時, 舒服環境下真係好好多, 呢度仲有埋洗手間, 真係好有vip feel!


Mold Lab的店長曾學藝於全港著名髮型師 Kim Robinson (竟然係Kim呀!!! 佢曾經喺活動上讚我畫畫靚, 真係dream man, 一世難忘!), 再到日本人主理髮型屋擔任髮型師~

店內提供的美髮服務都係使用高品質藥劑, 同店主傾計時, 佢好坦白話覺得市面上成日sell你用貴價藥水、迫做焗油treatment、坐低先話要加錢乜乜乜呢種服務質素實在令人失望, 佢寧願明碼實價, 盡量購入最好的product, 都唔想客人覺得海鮮價、效果不如理想的情況出現。

我仲見到店內有部洗衣機....店主話客人用的毛巾都係自己洗架! 幾有heart!


今次黎我就一心想電髮!
其實我的頭髮已經2年冇電過, 不過就keep住有染髮, 而且早兩年漂左某幾執頭髮到而家都未剪走晒, 
今次希望係電到曲髮, 或者髮尾內彎的髮型!
店主Bond有一份「寧願坦白同客講整唔到, 好過夾硬整出黎唔滿意」的堅持
所以仔細檢查過我頭髮的狀態之後, 就坦白同我講現時髮質唔適合整
髮尾內彎的髮型~
原來髮質比較粗糙或者打kick的話, 做髮尾內彎會比一般曲髮更難打理, 我仲以為調轉添...
既然係咁, 唯有忍痛放棄, 向住日系捲髮進發, 決定耳仔以下開始電曲!!!

Bond 首先幫我將頭髮剪返少少層次, 下層齊返少少, 令到電出黎的效果唔會咁累贅厚重。
為左電出黎效果更健康, 我忍痛剪走了至少3吋呀!!!! 呢刻真係有d擔心電出黎似師奶....


剪完就開始電髮, 電前仲幫搽埋修護精華保護頭髮, 跟住就搽藥水, 捲頭。


呢部電髮機聞說日本頂級salon都係用佢, 同大部份salon用的韓國機或者大陸機唔同, 佢每隻芯可以獨立處理溫度, 所以就可以電到更好效果~~


等左幾個字就電好, 剛剛電好的頭髮好曲呀!!! 不過一陣仲要染髮, 染完就會自然返好多~
咩話? 電完即染唔會好傷頭髮咩?
原來呢度無論電染都會用日本REAL的染燙產品, LUCICARE 熱朔冷燙藥劑被定位為頭髮的化妝品; 而Meiry染劑顏色種類多達120種, 含氨基酸軟化劑, 以向日葵脂肪酸和陽離子聚合, 可以修護頭髮角質層。


由於兩者都係低刺激性產品, 甚至有說頭髮用完比電染前更柔順, 所以電完即染都唔係問題!


顏色方面, 日系染劑比歐美染劑的顏色不同, 每款啡色都只有很少很少分別, 所以就隨便選了一款!


又等左幾個字, 搞掂!

髮型師替我吹整的時候, 提醒我要用手指輕輕捲一捲, 然後托著來吹, 捲度就會維持得更好~


完成了!! 真的剪短好多啊~~~大概有3年沒剪那麼短了~
顏色方面也很滿意! 完全就是我想要的「啡色但不要偏黃, 要很有存在感」的顏色。


第一二個星期我還未好好掌握打理方法, 捲度好像沒想像中的容易handle?

到第3個星期終於掌握到打理技巧, 而且愈看髮色愈喜歡! 為免下次電髮又忘記, 襯現在要好好記低:

1) 洗頭後, 先在全濕的狀態下用闊齒梳梳理
2) 毛巾印乾一半
3) 先吹乾頭頂頭髮
4) 把頭髮分成左右兩邊, 分組用手指輕輕捲好, 再輪流用手輕輕髮尾托起吹乾, 留意不要吹散曲髮
5) 塗上定型產品


這個月我都用鎖色的洗頭水, 掉色問題沒平時那麼嚴重~畢竟是我心愛的髮色我真唔希望咁快甩色啊~~~


我個人真係覺得電完的效果好似日雜捲髮!
頭幾日同事都問我係咪自己捲架~~~~新髮型好評如潮, 一開始擔心會唔會太短的煩惱都沒了~
安慰自己說頭髮總會生長嘛!


而家朝早起身唔使再又吹又夾, 只係整濕少少再用手指捲返曲度, 用定型產品已經搞掂!
比起直髮時期用更少時間就出到門口喇~
今次的電染非常之滿意! 雖然貴係貴d, 不過當我聽到同事花了千多元電完像沒電一樣超級失望, 而且髮質變得很糟糕, 我就覺得好值得喇! 我而家的捲度即使再留長, 都會繼續好似日雜model咁電捲髮尾的效果, 好期待呀!


 
如果想知道詳細價目, 可以去 http://www.moldlabhk.com/  或者 https://www.facebook.com/Moldlab-1192327094110680/ 睇睇~明碼實價, 可以計啱數先去!
我手頭上亦有兩張coupon, 有興趣可以留言話我知, Facebook page 同blog 文同步計算喔!


Mold Lab 造型研究所
預約電話: 5500 2554(或者以Facebook inbox 查詢/預約)地址: 觀塘116-118號巧明街萬年工業大廈5樓B11室


2016年10月9日星期日

▌妝物 ▌Anna Sui 神秘的童話 ♥ 自選森林寶盒夢幻登場...*

早前出席了Anna Sui 秋冬新品的活動, 大家為之瘋狂! 為什麼呢??



就係因為大家可以隨意揀選6粒心水眼影、唇蜜、胭脂的 Make Up Palatte!
我手上的就是我自選的組合喇~~~超靚! 連個palatte盒都好靚!

講返個活動先~
今次係介紹Anna Sui 2016秋季最新推出的秋季 Mysterious Fairy Tale 神秘的童話 彩妝系列, 其實Anna Sui 的產品包裝一向係大家公認的no.1 華麗, 所以好難唔比佢吸引到啊....
今次最特別的, 當然就係48色 幻彩森林寶石 啦 !!!
每粒「寶石」都係眼影+胭脂兩用架~~~
另外就係 
幻彩森林唇蜜, 隻隻色都好似糖果咁樣!


寶石上面有5款唔同的圖案, 
寶石圖案 ♥ 透薄, 細緻及啞光的粉末, 質感粉嫩幼滑, 妝感自然
羽翼圖案 ♥ 質感像羽毛般柔軟, 配上超微細珍珠粒子珍珠圖案 ♥ 帶有微亮的光澤感、像珍珠一樣花朵圖案 ♥ 絲絨質地,色彩艷麗奪目, 帶有明顯光澤感星塵圖案 ♥ 含玻璃珍珠粉末和透明的閃粉, 妝感更閃爍突出

呢6粒花朵圖案的眼影我真係一見鍾情呀!!!!
對於呢一種顏色同質地真係抗拒唔到....

仲有呢度12色 幻彩森林唇蜜, 真的太難選了!


今次活動的重頭戲當然唔係自己揀寶石咁簡單啦, 而係請左日藉化妝師 Okazaki San 為大家示範今次的重點妝容!

呢3個寶盒就係Anna Sui早已配搭好的三個主題~
今次化妝師就會示範最左邊的寶盒, 原來靈感係啟發自一個從亞洲到荷里活發展的女星妝容, 好正!


從皮膚保濕打底開始就唔可以偷懶, 呢兩枝skincare好好聞好保濕喎!


底妝就係用今次的兩款新品, 一陣再詳細講~


粉藍粉紫好似好難用, 但如果輪廓夠深其實又可以好好睇!


除左妝容之外, 今次仲出左左邊的 body shimmer 魔幻魅影多效閃粉霜(HK$180/5色), 搽在身體任何位置, 帶來閃爍效果~party必用! 還有右邊的幻彩染髮筆套裝 (HK$220/3款), 輕輕畫就可以有one off 染髮效果, 好吸引!

睇完老師的介紹, 我都用新品試下化個妝先!

首先就用左邊的滋蜜亮澤透薄底霜 (HK$240/4色) 打底~
由最淺的00色到最深的03色共4款~
我手上的係01色, 睇睇4色的分別先, 右起00色:


由於佢有我非常讚賞的SPF40, 直接用黎做打底+防曬超方便!
搽完薄薄一層之後可以tune到整體膚色變得均勻, 毛孔都遮得幾好, 泛紅都有改善, 而且含有乳木果油, 搽上皮膚唔乾幾滋潤! 


跟住我會再重點遮下眼圈同痘印, 就用 透亮柔滑 BB粉餅  (HK$380/3色)定妝~


呢個粉餅壓花好靚....真係好唔捨得整花佢!


粉末好幼細, 3個顏色可以混合使用又可以分開做highlight同shading!
有少少遮瑕度, 搽左皮膚滑好多, 而且幾貼薄自然! 粉卜軟硬適中~


自選森林寶盒可隨意擺放最多六顆森林寶石, 仲可以配備化妝掃一同使用~
我就揀左呢6粒, 有啞色、有閃粉、有絲絨質地, 一盒就可以完成日妝、晚妝, 仲有齊胭脂同唇蜜超方便呀!!!


每一粒都好顯色!!!!
無飛粉問題、親膚度一流。


簡單用粉紫同粉紅做個甜美日妝無難度, 顯色度令人驚喜~


最右邊的寶石我就用黎做胭脂, 輕輕一掃已經好顯色, 顏色勁sweet!
最後搽埋唇蜜就完成~呢個妝只係花左我10分鐘, 唔使拎幾件產品出黎用, 一盒搞掂勁方便!


呢個自選森林寶盒最吸引的地方, 在於唔使好似平時買palatte 咁, 總係有硬食1, 2粒唔太喜歡的顏色, 
而且唔限於眼影, 仲可以擺胭脂同唇蜜, 每粒只係$95! 愛不釋手的感覺大概就係咁喇~

想知更多有關產品的資料, 可以瀏覽 Anna Sui 的網址:www.annasui.comFacebook: https://www.facebook.com/annasuipage/
銷售點:ANNA SUI 彩妝專櫃 
銅鑼灣崇光百貨3樓 
尖沙咀海運大廈3階 LCX 沙田新城市廣場3期一田百貨2樓 


▌美妝 ▌秋意央然 ♥ Lancome 全新L’ABSOLU ROUGE瑰麗系列唇膏…*

 雖然話戴口罩的日子唔化妝都無人知, 不過食飯總會除口罩架嘛!  同埋我一向咀唇都好蒼白, 所以一直都會搽少少唇膏令自己睇落精神少少.... 雖然呢排都仲有d熱, 不過秋天準備到喇! 護膚品已經轉咗, 化妝品都開始要轉秋色系列~ Lancome 全新「小蠻腰」 L’ABSOLU ...