我其實超喜歡去飲茶吃點心, 儘管明知點心其實唔多健康又偏向肥膩, 而且十幾廿蚊得幾件,
但都總係好似有股心癮想去咁, 尤其是上班日子成日會游說同事lunch去飲茶 XD
今次就拉左平時唔多喜歡飲茶的男友陪我去灣仔的車氏粵菜軒嘆返一盅兩件先~~~
但都總係好似有股心癮想去咁, 尤其是上班日子成日會游說同事lunch去飲茶 XD
今次就拉左平時唔多喜歡飲茶的男友陪我去灣仔的車氏粵菜軒嘆返一盅兩件先~~~
BOOK左2點, 到埗後見到大廳比想像中細, 座位亦蠻擠迫, 而且好嘈!!!
等左10分鐘左右就有服務員帶我地入去, 好好彩係宴會廳裡面, 雖然得四張檯但清靜得多!~
要留意返每檯客人都要比$18 的小食費用, 另外茶芥每位$12。呢碟雲耳幾好味喎~~
點心款式唔算多, 但幾合心水, 兩個人足足點了十個點心呀XD
而點心上桌速度比想像中快好多, 樓下街坊酒樓都無咁快, 有時仲要等成20分鐘先見到蒸點!
首先上桌是香煎蘿白糕, 一般酒樓都係超多粉極少蘿白, 但呢度係相反!!!蘿白大大舊架!! 食落好爽, 臘味都比想像中多, 唔係碎濕濕幾粒仔~我地兩個都好滿意!
男友最愛的沙薑雞腳, 印象中價錢是$68~$88左右, 唔算平, 但有十幾隻, 都啖啖肉, 我就嫌唔夠沙薑味, 亦都唔夠膠口, 男友就覺得好好味XD
蝦餃燒賣係飲茶必食, 兩款都有水準, 皮不厚, 尤其蝦餃皮夠煙韌, 少少粘口狀態很不錯, 但不太吃到荀。
而燒賣入面蝦和豬的比例平均, 豬亦不會很肥, 我很喜歡。
咸水角上桌時好熱辣辣! 外面好脆, 咬下去發現餡料好多!!
其實我好少食灌湯餃, 又貴又唔知有咩特別, 係呢度有鮑魚先試下~~
餃皮太鬆散, 但湯汁好飲有層次, 鮑魚仔都好入味!
而棉花雞就好香冬菇味, 雞件反而沒什麼特別。
最後一定一定一定要試酥皮叉燒餐包!!!
其實係少少似菠蘿叉燒包咁, 表面金黃色極之鬆脆, 入面就熱辣辣軟綿綿
叉燒量多又唔會好肥, 醬汁又好味道, 細細個唔會好飽肚,
平時我飲茶會食流沙包, 好少食叉燒包, 但今次我食左2個都唔夠喉, 呢個一定要試呀!!
兩個人食左10個點心, 無出鏡的叉燒腸和上素餃普普通通不多作介紹, 埋單$4XX 我覺得少少貴,
但難得男友都食到津津有味, 值回票價啦!
沒有留言:
發佈留言