▌醫美 ▌定期更生皮膚 ♥ 初試 Sciton 激光磨皮...*

同我熟少少的朋友仔都應該記得早在幾年前我曾自費接受了幾次 Fraxel 激光療程來改善我的痘痘和痘印, 
這類型激光療程雖帶痛楚, 而且皮膚需經歷復原期, 但卻也不得不承認是快速又有效改善皮膚問題的方法。
通常每做一次這類型的療程, 就會改善皮膚約20% 的問題, 所以定期做上5-6次, 才能有較明顯的效果。

這次受邀來到旺角 Cutis 彩光醫學美容中心, 就是來試一試名為Sciton 的激光磨皮療程。
其實1, 2年前已經來過做一次激光嫩膚, 治療師好快手, 而且客人極多...兩次來都坐滿了等候進行療程的客人。
早排裝修過, 成個centre好似脫胎換骨咁靚左!

Sciton激光是利用2940nm波長激光會被水份強力吸收的原理, 能精確地氣化皮膚組織, 同時減少週邊的熱傷害。再配合分段式(fractional)的發放, 能準確有效地改善皮膚的問題, 而復原期又減到最短。

而Sciton激光就分為兩款,  分別是Sciton MLP (Micro Laser Peel) 和 Sciton Profroctional。MLP是較淺層的磨皮, 能準確氣化皮膚的極表層達4μm, 治療後能令皮膚光澤、通透、收細毛孔和減少幼紋。 

而Profroctional能直達皮膚的真皮層, 剌激骨膠原生長, 能有效改善暗瘡凹凸洞和其他疤痕。
更可以處理皮膚表淺增生或腫瘤, 例如脂溢性角化症、扁平疣、皮脂腺肥大和汗管瘤等。

呢一部就係 Sciton Laser 和機頭。我第一次接觸 Sciton, 就當然先試試Sciton MLP啦。
如果在 Cutis 進行Sciton MLP 療程, 會由治療師主理 ; Profroctional就會由醫生主理, 價錢亦有所不同。

治療師先替我簡單清潔卸妝, 然後貼好雙眼就準備開始了。
由於我是做較淺層的peel, 所以不需塗麻醉(Profroctional就要落麻醉了)。
第一次做, 就只會調到最低度數去打, 效果也當然比較不明顯了~

由於沒有落麻醉的關係, 我心裡是相當緊張的.....
但激光接觸皮膚的時候又沒想像中熱和痛!!!
如果跟 Fraxel 相比我覺得舒服多了, 感覺像是打彩光和 Fraxel 中間的程度!!
有一點點熱辣辣, 但屬於可接受的程度, 也不至於覺得頂唔順, 好想停的程度, 難怪不用麻醉也ok~
全面走一round之後再重點打, 下巴的痘痘治療師就避免打得太多~

前後大概10分鐘左右時間吧? 總之好快~~
打完後臉就通紅了, 呢個時候, 皮膚就開始覺得好熱!!
當我準備要接受一個凍冰冰的mask的時候, 治療師就給我塗上面霜....
我:「唔使敷mask架咩?????? 」
治:「呢個療程是唔使架~」
我:「點解呀? 唔使cool down架咩???? 咁咪好傷囉????」
治:「因為如果敷mask你會覺得好拮好唔舒服, 塊面仲會因為吸水變得更紅架!!所以今晚返去你都唔好敷mask, 搽凡士林就得架啦, 聽日可以試下敷, 但如果好拮就唔好敷喇~過2日先敷。」

我懷著半信半疑的心情回家去, 覺得不可思議, 怎麼連cool down都沒有呢? 沒問題嗎???
回到家, 不信邪, 走去敷mask, 真係好拮!!!!!!!!! 結果我頭2日都只係搽凡士林! 治療師說的原來有道理~

第2晚我已經敷mask了, 還是有點拮, 但搽凡士林感覺真心差XD
工作關係要化妝, 頭2天都完全沒問題呀, 沒有甩皮, 上妝也沒卡粉。

到第3天就開始甩皮了! 而且臉開始出現膠著狀態, 皮膚顏色變深, 感覺很像可以把臉皮整片撕掉的感覺XD
放假打算早一去跑步,  撲了一點護膚粉先去茶記吃早餐, 看到對面搭檯的太太用奇怪的眼神看著我, 
到我離開時拿著手機照照樣子, 才赫然發現整個下巴都甩皮XDDDDDD
於是9秒9狂奔回家敷mask XD

第3天整天在家休息, 到第4天已經復原得7788了~
除左太陽穴附近仍有點未掉光的皮屑外, 其他部位都已經換膚完畢。
整個掉皮過程比想像中厲害, 洗臉時也不停的磨掉皮屑.....
但甩皮後最明顯是兩頰皮膚變得超滑!! 感覺角質都被清理得乾乾淨淨!!
整體膚色都比之前均勻, 不過毛孔就未見有變細緻, 始終才做一次啊~~~

一星期不到就已經完全復原可以上妝不卡粉了!!
對我來說也算久! 我還以為3天就可以復原了呢...
如果我度數打大一點, 收毛孔的效果就會更好~

要留意的是治療前一個月內避免過度的日曬或SPA, 若有服用藥物, 懷孕, 光敏感病史者, 務必徵詢醫生/治療師意見。另治療前2週內不得使用A酸（如Retin-A）及A醇類（Retinols）產品, 或是進行果酸換膚療程。

如果使用我的介紹 code: BLWC201505, 可享$980 試做 Cutis 的普通 Sciton (只限新客, 原價$1,500), 即係我做呢一個!仲可以免費送埋手背的Sciton一次, 連手都可以白白滑滑喇!!有興趣試做的話不妨試試! 

Cutis 彩光醫學美容中心地址： 旺角彌敦道664號惠豐中心18樓全層電話： 2332 8751電郵： info@cutis.com.hk網址 :        http://www.cutis.com.hk/index/