2015年5月11日星期一

▐ 身體保養▐ 2015夏天的香氣 ♥ 棄用香水我揀Dove止汗香氛...* ...

每年夏天我都忍唔住會話好憎夏天, 
實在討厭郁下就流汗的感覺! 
容許我先呻一句: 痴線架一到5月已經熱到咁, 點頂到7月8月呀????!?!?!
所以我和男友一到夏天就會去個人護理店入手止汗產品, 
像我這種動不動就成身汗的人來說, 我深深明白可以成功止汗的方法就只有切除汗腺, 止汗產品只是一種輔助工具罷了~
我就多數會揀香味比較重的產品, 除了香汗還可以取代香水, 咁就唔使噴幾樣野上身喇!


而今年到正式踏入夏天, 已經收到 Dove 兩款止汗產品喇, 用左兩三個星期, 係時候share一下!



Dove止汗香氛走珠香體露 40ml (建議零售價 HK$25.9)
其實第一次接觸止汗劑就係呢類走珠型, 當時朝朝都會用, 主要用在underarm, 
但過左一段日子發現用完之後會覺得underarm痕!!! 而且會覺得好乾燥。
自始之後就轉左用spray, 但個人認為underarm黎講真係要用走珠式會比較方便和容易handle!
而Dove呢一枝
走珠香體露就完全無乾和痕的情況出現, 絕對推介給曾經跟我有相同苦況的人~


腋下色素有時會因脫毛引起, 也有可能因為身體水腫所致, 
之前去做腋胸護理的時候治療師也讚我沒有腋下黑色素問題yeah!
但其實我甚少護理underarm, 連去彩光脫毛後也懶得搽cream的程度.....
真係盡其量係搽下止汗劑架ja....而止汗劑我多數都揀有美白功效的就是了...


這兩枝Dove止汗香氛都蘊含1/4潤膚乳霜及維他命E及F(來自葵花籽油), 有效滋潤修護受損肌膚, 根據 2009年在菲律賓之Tropical Medicine臨床測試結果, 只需7天就令腋下肌膚更嫩白更柔滑。
因為最近沒空去彩光, 不太好意思show underarm喇 XD
但嫩滑感絕對拍心口保証是有的, 不會有乾燥痕癢的感覺(除非你本身極易敏感)~


通常碌完underarm我就會用Dove止汗香氛香體噴霧 169ml (建議零售價HK$28.9) 噴身。
一開始覺得有少少香得滯但過左一陣聞落又覺得好好聞, 少少爽身粉+沐浴露味, 應該係大部份女仔都會好buy的味道。



同樣蘊含1/4潤膚乳霜及維他命E及F(來自葵花籽油), 噴起來好似噴左lotion咁。


因為我夏天都會著長褲的關係, 止汗spray我一定會噴埋大腿內側低少少+後側的部份, 因為呢幾個位置經常走動和長時間接觸椅子都好易出汗架!!!


經過呢2星期高至30度的天氣, 我曾經有一日太趕急用唔到止汗劑就出門, 又踩單車去車站、又同人迫巴士, 
流晒大汗返到屋企我覺得自己臭到一個點!!! 第二日幾趕都一定要用埋止汗先出門, 汗都係一樣的多, 但起碼一d都唔臭呀!!! 偶然還會有陣陣沐浴露味, 如果只係出少少汗都無平時咁濕, 感覺清爽少少架! 


所以我而家就算唔係好好好熱我都會照用, 其實有心機的話沖完涼即刻用感覺最爽, 
而且Dove仲標榜有長達48小時清爽感, 不過我夜晚沖完涼都開冷氣開風扇好少再流汗, 所以一般都習慣朝早先用! 同埋如果要去郊遊有時我同男友會帶定一枝出去, 爆汗後抹乾個身再噴, 咁就唔使搭車臭親人啦! 真係希望火車巴士上面的大叔都可以日日用呀......


產品由品牌提供, 以上產品於各萬寧、屈臣氏、百住超級市場、惠康超級市場、莎莎及卓悅發售。
實際價格以各零售店為準。
有關產品查詢請電: 28923110

沒有留言:

發佈留言