▐ 吃個不停▐ 旺角the Live House ♥ 難得的地下美食...*

跟男友差不多隔個星期就會去旺角逛街, 明知旺角勁多餐廳但總係每次都驚中伏唔敢試, 
結果來來去去都係食果幾間.....
今次終於的起心肝去試新野, 就係位於旺角和太子中間的 the Live House。

早已爬文睇定餐廳有咩特別, 原來星期日至四會有年輕人的live band表演, 可惜這天是星期六!
但實在納悶為什麼最多人的星期五六反而沒有表演啊.....?

book左8點半, 準時到達, 原本以為呢個時間半酒吧式餐廳多數人要不已經食飽飽, 要不就未開始夜場, 但竟然見到座無虛席真係有少少驚訝。等左5分鐘不到就獲安排座位了。

Menu 上附有一張套餐餐牌, 有湯、沙律、主菜、甜品、飲品, 連加一每位才二百有找我覺得比散叫抵~
不過我們看到鄰桌點的食物就立即決定要散叫了xd

先上桌的是男友點的 Flaming Lemon Tree, 想不到真的在flaming XD一, 視覺效果一流!
味道清清的, Vodka 酒味不太濃, 連我都覺得易入口, 不過就細杯左少少, 覺得$88有d貴。

呢碟就係見到鄰桌吃就很想試的啤酒煮青口, 我們選了忌廉汁, 非常美味!!
青口整整有11隻, 每隻都大大隻架!! 兩個人吃很滿足! 忌廉汁不會太杰身, 吃多了也不膩, 啤酒味則不太濃。

伴碟有幾片類似印度NANN的薄餅但偏硬身一點, 沾忌廉汁吃一流!!!!

我們也點了一碟大蝦野菌Risotto, 份量偏少, 飯粒也煮得較腍身, 我自己就偏好硬身一點的飯粒, 
說是大蝦也其實是4隻沒什麼鮮味的蝦仁, 有點失望。但整體味道, 尤其醬汁很不錯~

然後是我這幾天一直想吃的Carbonara!!!
吃過很多間餐廳的Carbonara要不太淡、要不太杰身、要不份量太少.....
但這裡就所有都配合得剛剛好, 份量比剛才的Risotto合理得多, 麵條不會煮得過硬或過腍, 配料的煙肉、洋蔥及野菌份量也正常, 每條麵條都有醬汁包裹著, 令我倆讚不絕口!

吃飽了才驚覺三個菜都是忌廉汁啊XDDD
overall 來說我覺得這裡氣氛不錯, 環境也蠻特別, 不會因為是地牢餐廳就陣陣怪味, 而且服務員態度不錯, 值得一讚!